Welsh Newspapers
Search 15 million Welsh newspaper articles
11 articles on this Page
GWASEIDD-DRA Y CYMRY.I
GWASEIDD-DRA Y CYMRY. in Ni waeth pa mor frwd na chyffredin ol y dichon i'n moliant i ni ein hunain fod, cenedl wasaidd ydym wedi'r cwbl. Nid ydym yn blino ar ddatguddio cym- wysderau bechgyn Cymry i lanw swyddi o bwys ac^ymddiriedaeth yn y wlad. Mae ein hareithwyr mawr yn chwysu ar lwyfanau ein cyfarfodydd cyhoeddus wrth eu canmol; ac y mae wynebau erthyglwyr newyddiadurol yn llwydo ac yn teneuo wrth ymdrafferthu i ddangos eu myrddiwn rhinweddau. Ond i ba ddyben ? Onid i'r Sais y disgyna y rhan fwyaf o swyddi Cymru, a hyny oherwydd ein difaterwch ni i wneyd rhywbeth heblaw siarad ? Pan a rhyw swydd gyhoeddus yn wag yn ein gwlad, os daw Sais llithrig ei dafod atom i ymofyn am ein cefnogaeth, ni • raid iddo ond gwenu o glust i glust ar ambell i Gymro, na fydd i hwnw fod yn ddigon gwlanenaidd i wneyd ei oreu drosto. Gwneir hyn yn feunyddiol ar draul esgeuluso Cymry teilwng. Mae trylwyredd ein Sais-addoliaeth, a hyd- wythedd ein cynffonyddiaeth, yn rhemp. Pwy ond Cymry a ddylasent fod yn bostfeistri, yn swyddogion plwyfol, yn orsaf-feistri, &c., yn Nghymru ? Dy- weder fod y swydd bwysig o bost-feistr yn myned yn wag mewn trefboblog yn Nghymru, lie y mae cyflog da i'w gael, odid fawr nad i ran ySais uniaith y daw y brasder, a hwnw, efallai yn estron hollol i'r dref hono. Haedda y Llywodraeth, yn IDoriaidd ac yn Radi- caliaidd, y dirmyg tostaf am daflu y fath surni ar ein dyheuadau cenedl- aethol. Mae pentrefi gwledig yn Nghymru lie y mae Saeson perffaith yn bost-feistri. Mae hyn yn anfantais iddynt hwy ac i ninau. Beth a ddywed- asai un o bentrefi Lloegr, Ysgotland, neu y Werddon, pe yr anfonasid Cymro uniaith i lanw swydd o'r fath atynt hwy ? Buasid yn symud nef a daear er mwyn cael ganddo ysgwyd llwch y pentref oddiwrth ei draed. Tunellid y gwawd mwyaf annioddefol am ei ben. Gelwid ef yn ynfyttyn, yn epa, yn far- bariad. Ymddygid tuag ato fel tuag at un ar gwahanglwyf arno Ond deued y Sais yn swyddog i dref Gymraig, a chaiff ei barchu genym fel pe buasai rhywbeth amgenach na'r meidrol yn urddasoli ei berson ef. Edrycher ar y swyddi yn nghorsaf- oedd y rheilffyrdd, onid y Sais yn fynych iawn sydd yn cael y dosbarth brasaf o honynt ? Gwelsom lawer hen wreigan o Gymraes yn gofyn yn wylaidd am gyfarwyddyd i ami orsaf-feistr mawreddog o Sais,yrhwn,heb gymeryd nemawr sylw o honi, a daranai, No Welsh l" yn ei chlustiau gyda'r fath sych-awdurdod nes peri i'r hen greadur- es dduwiol dybied ei bod wedi cam- gymeryd, ac mai cyfarch prif-gwnstabl neu ddienyddiwr a wnaeth! Wrth fyned drwy rai o'n gorsafoedd bychain mewn ardaloedd gwledig, byddaf yn meddwl weithiau mai teithio drwy ysbytty eang y byddaf. Mae nifer y gorsaf-feistri anafus yn lliosog iawn yn Nghymru; ac y mae y rhan fwyaf o honynt yn Saeson. Os cyferfydd gorsaf-feistr a damwain yn ngwlad y Saeson, nes ei anghymwyso i gyflawni ei ddyledswyddau yn briodol, anfonir ef gyda phob prysurdeb i Gymru. Syniad awdurdodau Seisnig y rheil- ffyrdd ydyw, fod digon o hoenusrwydd mewn gorsaf-feistr ungoes i weinyddu ar angenrheidiau y Cymry anwybodus a di-nod. Beth am y clercyn o Sais main, di-wrid, balch, y cyfarfyddir ag ef mor fynych yn swyddfeydd ein rheilffyrdd? Edrycha efe mor fawr- eddog a phe buasai wedi ei warantu i gludo holl bwysigrwydd y cread gydag ef i'r man y myno. Er's ychydig ilynyddoedd yn ol, aeth prif-fardd Cymreig i swyddfa y rheilffordd, a gofynodd i'r clerc mewn Cymraeg glan: Tocyn, trydydd dosbarth, i'r Abermaw." Edrychodd yr hogyn arno cyn syched a mynach, a gofynodd iddo ynnawdurdodol beth oedd arno ei eisiau. Ail adroddodd y bardd ei ofyniad. Wedi ail drefnu ei wydrau grot ar ei lygaid, ac edrych drostynt yn lie trwyddynt, dywedodd y llanc gydag acen ddirmygus, nad oedd ef yn deall Cymraeg, am i'r dyn brysuro o'r ffordd gan fod eraill eisieu tocynau heblaw efe. Ond nid oedd y Gymro hwn mor hawdd ei darfu a'r rhan fwyaf o honom Safodd yn ei le yn ddigryn a chydag edrychiad penderfynol, argyhoeddodd y llefnyn sarhaus nad oedd am syflyd heb ei neges. Galwodd y clerc ar batriarch o glud-was oedd gerllaw i gyfieithu geiriau y 11 ffwl," fel y galwai ei well. Wedi cryn drafferth, llwyddodd hwnw i forthwylio dymuniad y bardd i ymenydd caled y daiarolyn gwawdlyd o glerc. Wedi derbyn ei docyn, cyf- archwyd y clerc gan y prif-fardd mewn Saesneg persain fel y canlyn: When I am in England, I ask for my ticket in English when in France, I ask for it in French; but when in Wales, I ask for it in Welsh." Disgynodd gwep druanaidd y Sais-glercyn, ac edrychodd yn ynfytach na seithwyr yn adrodd ffolineb. Y lledfegyn di-doriad! yn meiddia galw dyn yn "ffwl" am iddo siarad Cymraeg f Mae llawer o'r un dosbarth a'r bod hwn i'w cael yn Nghymru eto. Yr ydym ninau fel cenedl yn ddigon gwasaidd i ddangos gwyneb teg a phlygu glin iddynt. Pe y dangosasai pob Oymro gyffelyb wladgarwch i'r bardd a ofynodd am ei docyn yn Nghymraeg, buasai llai o feci) gyn ymhongar fel yr ysgogyn uchod i'w canfod yn ein gwlad heddyw. Mae y ffaith fod ein gwlad yn cael ei gorlifo gan swyddogion Seisnig i'w phriodoli i farweidd-dra ein tan gwladgarol. Yn ein geneuau ac nid yn ein calonau y mae ein gwladgarwch. Saeson surion a beilch yw y rhan fwyaf o oruchwylwyr ein prif dir- feddianwyr. Wrth gwrs, cydnabyddaf yn rhwydd fod gan unrhyw dir-arglwydd hawl i benodi y neb a fyno yn swyddog iddo. Cyn belled ag y mae hawl yn myned, gallasai ddewis y carcharor duaf sydd yn Siberia i drafod ei fasnach. Ond mae yn ofynol ystyried y cwestiwn o briodoldeb yn ogystal a'r un o hawl. Pe buasem ni, y Cymry, wedi gweled gwrthuni ein gwaseidd-dra, buasai y cystwywr o Sais, a'r cribddeiliwr o Ysgotyn, yn y cymeriad o ystiward, yn nodedig o brin yn ein gwlad. Gwr mawr ymhob ardal yn Nghymru ydyw yr ystiward Saesneg. Mae llawer cymydogoeth yn ein gwlad na faidd fyned ymlaen gydag unrhyw symudiad cyhoeddus ond yn ol syniadau yr ystiward. Mae ef yn awdurdod anffaeledig ar bob peth. Ar godiad ei fys, neu amnaid ei lygaid, y daw tori 0 Gymry gwasaidd i blygu ger ei fron, ac i'w arddel fel prif gymwynaswr yr oes. Pe na fyddai yn cael ei wneyd i fynu 0 ddim ond mympwy a bloneg, ymostyngid i'w ddedfryd ar bobpeth. Pe y deuai un fel hyn i'r hen benderfyniad hwnw nad da bod dyn ei hunan," rhaid a fyddai dathlu yr amgylchiad gyda miri a helynt yn ymylu ar wallgofrwydd. Byddai banerau yn chwifio, eyflegrau yn tyrfu, seindyrf yn chwareu, tan gwyllt yn esgyn, plant yn bloeddio, dynion yn areithio, a hen wragedd yn gorfoleddu. Gwneid hyn oil am fod yr ystiward yn "wr boneddig o Sais." Wrth groniclo yr hanes, gelwid ef mewn llythyrenau breision yn y newyddiad- uron yn rhialtwch mawr." Gwell genyf fi ei alw yn Uchel-wyl Cynffonyddiaeth. Pe y buasai eisieu dathlu priodas masnachwr o Gymro a fuasai wedi arwain bywyd diar- gyhoedd, a gwneyd ei oreu ymhlaid crefydd a moesoldeb- yn yr ardal, ni cheid cynifer a haner dwsin i gymeryd rhan yn y symudiad. Ond ynglyn a'r Sais bostfawr a chrintachlyd gorchest a fyddai d'od 0 hyd i derfyn gwaseidd-dra y Cymry. Pa bryd, tybed, y ceir gweinyddu ar gladdedigaeth y syniad mai boneddwr ydyw pob Sais a ddaw i Gymru, os bydd yn llyfn ei dafod ac yn raenus ei ddillad ? Yn wir, yr ydym yn gyffredin yn ddigon ynfyd i dybied nas gall neb ond Sais dori ffigiwr drwy ymddilladu yn dda, ac ymddwyn yn foneddigaidd. Flynyddoedd yn ol, yr oedd Talhaiarn a Gwrgrant yn dringo y Wyddfa yn nghymdeithas arweinydd diniwed o Gymro. Ar y daith i fyny yr oedd y ddau lenor yn siarad Saesneg. Yr oedd yr ar- weinydd annghlasurol yn cael boddhad dirfawr wrth wrando arnynt, gan mai ar i waered yn nghyfeiriad ei logell yr oedd ei syniadau ef yn rhedeg. Pan gyrhaeddwyd copa y mynydd, daeth edmygedd Talhaiarn a Gwrgant o'r olygfa allan mewn Cymraeg hyglyw o soniarus. Pan y clywodd yr ar- weinydd ei iaith ei hunan yn cael ei siarad, llaesodd ei wefl, ac o'r braidd y gallodd atal ei ddagrau. Y foment y cafodd hamdden gan ei siomedigaeth, dywedodd: Wele hai! Cymry ydach ch'i: yr oeddwn i yn meddwl mai byddigions oeddach ehi!" Ond er mai Cymry oeddynt, ni fu llogell yr ar- weinydd yn ddim gwacach oherwydd hyny. Mae llawer un heddyw yn parhau yn ein gwlad i goleddu yr un syniad a'r hen ar- weinydd, sef mai geiriau cyfystyr ydyw boneddivr a Sais. Nid yw hyn yn ddim am- genach na ffurf arbenig ar ein gwaseidd- dra afresymol ablin.— O'r Geninen amllydref.
Y NEGERS'YDD. JL*Atx
Y NEGERS'YDD. JL *At x TELERAU AM HYSBYSIADAU. Am hysbysiadau o "Yn Eisieu," &c., yn cvnwvs 16 o eiriau 6d Tair gwaith is. 20 „ gd. 71 is. 6d. 30 11 is. 25. 40 11 IS. 6d. I I 3s. 50 „ 2S „ 4s :o:- Anfoner Gohebiaetliau, Hysbysiadau, ae Archebion i THE MANAGER, Y NEGESYDD OFFICE, CORRIS. Y Farddoniaeth i MR. JOHN JONES, MEIRIONFA, DINAS MAWDDWY. All Communications for "Y NEGESYDD" ("The Messenger," Weekly Newspaper), to be sent to THE MANAGER, 'Y NEGESYDD OFFICE, CORRIS.
DAFAD AR GRWYDR.
DAFAD AR GRWYDR. Mae dafad ddieithr, er's misoedd bellach, yn Dugoed Mawr, Dinasmawddwy. Ei nod clust yw Carai oddiar y chwith, canwer yn y ddeheu, a bwlch plyg odditani. Caiff ei pherchenog hi ond talu am ei chadw. Ymofyner a JOHN EVANS, Dugoed Mawr, Dinasmawddwy.
ABERDYFI.
ABERDYFI. DYDD DIOLCHGARWCH.—Cynhaliodd yr Ymneillduwyr gyfarfodydd diolchgarwch am y cynhauaf ar Y 7 fed cyfisol. Yr oedd y cynulliad yn lluosog. PENWAIG.—Hyd yn hyn nid yw y pysgotwyr wedi cael tywydd ffafriol i ddal penwaig. Y blynyddau o'r blaen cawsant dymhorau da, a gobeithiwn y gwellha eto.
DOLGELLAU.
DOLGELLAU. CYNGHOR DOSBARTH TREFOL.—Mr. J. Meyrick Jones, yn y gadair. Ystyriwyd y cwestiwn o helaethiad terfynau y Dosbarth Trefol. Teimlwyd fod y mater yn un pwysig, a phasiwyd fod yn ddymunol gweled map o'r terfynau presenol cyn i'r Cynghor weithredu, ac felly gohiriwyd trafodiaeth arno. Dywed- odd yr is-glerc fod Llywodraethwyj yr Ysgolion Waddoledig wedi penderfynu y diwrnod hwnw i ymgymeryd ar draul o baentio ac adgyweirio pont yr ysgol yn ol cais y Cynghor.
LLWYNGWRIL.
LLWYNGWRIL. TE PARTI.—Cafodd plant ysgol y Bwrdd eu gwledd flynyddol odea bara brith, dydd Gwener diweddaf. Gwasanaethwyd wrth y byrddau, gan Mrs. Lloyd, Garthangharad; Mrs. Williams, College isaf; Mrs. Parry, Hendre; Mrs. Roberts, Camygadallt; Mrs. Williams, Prysgae; Miss Evans, Northyn terrace; a Miss Jones, Craig-y-don. YSGOL Nos.—Mae Bwrdd Ysgol Llan- gelynin, wedi trefnu i gario ysgol nos ymlaen yn y tair ysgol sydd dan eu gofal. Dechreuir yn ddioed, ac y mae pob rhagolygon am ysgol- ion llewyrchus yn ystod y gauaf dyfodol.
Y DIWEDDAR DEWI GLAN DULAS.
Y DIWEDDAR DEWI GLAN DULAS. Syr.—Yn y NEGESYDD am yr wythnos ddi- weddaf, gwelais, er fy nghofid, goffhad am farwolaeth y bardd prydferth a gwreiddio uchod. Yr oeddym yn adnabod Dewi yn dda iawn flynyddau yn ol, pan yn hogyn yn byw yn Arthog. Yr ydym yn ei gofio yn dda yn d'od yno y tro cyntaf erioed. Yr oeddym ni y pryd hyny ymysg amryw 0 blant eraill yn Arthog yn chwarel Tynycoed, yr hon oedd y pryd hyny o dan arolygiaeth y diweddar Mr. Meredith Jones, boneddwr ymhob ystyr, ac un ag y mae genym barch trylwyr i'w goffadwriaeth. Pan oeddym yn d'od adref o'r gwaith un noswaith rhwng Pen-yr-Odyn a'r Post Office, y pryd hyny, gwelem rhyw lefnyn 0 fachgen yn d'od i'n cyfarfod, a chanddo ordd hollti a chyllell naddu 0 dan ei gesail, a golwg flinedig iawn arno. Ac wrth gwrs, yr oedd ei basio heb siarad, allan o'r cwestiwn, am ei fod yn meddu yr arfau a'r defnyddiau, lied angelfydd y pryd hyny. Erbyn cael tipyn o siarad ag ef, deallem ei fod wedi cerdded bob cam o Penygroes, Llanllyfni, i Arthog. Cyfeiriwyd ef at rhywun oedd yn ei adnabod, a'r noswaith hono aeth at Mr. Meredith Jones i geisio gwaith. Ac yr oedd Mr. Jones yn un rhy dyner ei galon i wrthod gwaith i un 0 dan yr amgylchiadau yr oedd Dewi ynddynt. Mae argraff ar fy meddwl fod ei stori yn cynwys ei fod wedi syrthio allan a'i lys-dad, ac wedi ei droi dros y drws. Y canlyniad fu iddo gael lie i naddu wrth y dydd. Ar yr awr giniaw, byddai holl fechgyn y gwahanol fonciau yn casglu at eu gilydd. Felly, deuai yntau i'n mysg, a llawer darn o'r awr giniaw a dreuliwyd i wrando arno yn barddoni. Dyna oedd ei brif hobi, a phob amser yn y mesurau caeth. Ar ol iddo wneyd llinell neu ddwy lied dda, arferai chwerthin fel chwerthiniad buddugoliaethwr. Unwaith, pan yn Barmouth Junction, di- gwyddai fod ci (bull dog) Mr. Jones, a gadwai y Refreshment Rooms yno y pryd hyny, wedi cael ei ladd gan y train. Ac wrth edrych ar ysgerbwd y ci yn gorwedd yn farw, meddai Dewi- Ni chwrna Figer 'chwaneg, Daeth angeu i gau geg." Wedi aros yn Arthog am rai blynyddau, symudodd i Gorris, ac fe ddadbiygodd ei awen farddonol yn helaeth tra yn aros yno—yno hefyd y cafodd ei enw barddonol. Yr oedd yn Dewi lawer o bethau dymunol pan yn hogyn, ni chawsom ddim o'i gymdeithas wedi iddo fyned yn ddyn ond deallwyf wrth y sylwadau am dano yn y Drych fod y nodweddion oedd ynddo pan yn fachgen wedi dadblygu i fwy o berffeithrwydd fel yr heneiddiai. Trwm genyf feddwl ei fod wedi ei dori i lawr mor gynar ar ei ddydd, ac wedi ei gladdu yn y gorllewin pell. Sicr genyf pe y cawsai fywyd am ychydig yn hwy y buasai yn cyrhaedd enwogrwydd mwy fel Bardd. 2'owyn. H. W.
PIGION.
PIGION. Mae Mr. Solomon Andrew, o Gaerdydd yn un o'r anturiaethwyr penaf. Mae wedi prynu 550, o aceri 0 dir i adeiladu South Barmouth arno, a bwriada roddi ffordd haiarn i lawr fel y gwnaeth yn Trallwm. Yn adroddiad blynyddol yr Undel) Cyn- ulleidfaol Cymreig am y flwyddyn hon, sydd newydd ei gyhoeddi, y mae y dyfyniad canlynol o adroddiad y Pwyllgor Addysg. "Mewn perthynasag addysg eltellol, teimlolll yn gryf y dylai y cyfryw fod yn berffaith rydd oddiwrth sectariaeth yn mhob ffurf. Mae Eglivyswyr a chefnogwyr yr ysgolion gwirfoddol fel eu gelwir, yn ymarfogi a'r gyfer brwydr benderfynol, fel ag i sicrhau rhan o'r trethi lleol neu allan o'r Dreth Ymerodrol tuag at gynal eu hysgolion, ac felly i'w rhoddi ar yr un tir ag ysgolion y Bwrdd pan y gwrthwynebant yn bendant roddi arolygiaeth yr] ysgolion yn nwylaw y y bobl. Nid yw hyn ond:' mgais ddigywilydd .y i waddoli sectariaeth gul a gorthrymus ar gost y wlad." Dylai pobl Machynlleth, fod yn ofabis na ddifuddir eu hawliau yn y tir cyffredin a berthyn iddynt. Gwylied y Cynghor rhag thin end of the wedge. Ychydig amser yn ol ysgrifenodd Mr. Keir Hardie" y mae rhaglen y Toriaid, mewn llawer ffordd mor ddiwygiadol ag eiddo y Phyddfrydwyr." Maent dros (1), ddosbarthu'r tlodion, (2), blwydd-dal i'r Hen Bobl, ac yn (3), Mesur Cyfrifoldeb Meistri- iaid i'w gweithwyr, gyda thai am bob dam- weiniau. Pa le, ie, pa le, ar ol araith Due Devonshire ac eraill, y mae y rhaglen hono yn awr ? Mor ehud ydyw rhai pobl! Cymer prawf Jabez Balfour, le oddeutu yr 28ain o'r mis hwn o flaen y Barnwr Bruce, yn Llys Maine y Frenhines. Cyhuddir y carcharor o gam ddefnyddiad arian fel rheolwr amryw gwmniau, yr oedd yn dal cysylltiad a hwy, ac 0 dderbyn arian drwy dwyll. Bernir y parha y prawf am tua mis. Bydd ei brawi am droseddu ducldf methdaliaid yn cael ei gynal ar ol hyny yn yr Old Bailey. Mae Mr. T. Howel Idris, cadeirydd Sirol Llundain, gydag amryw aelodau o'r pwyllgor wedi bod ar ymweliad ag amryw leoedd gyda'r amcan o gael eyflenwad o ddwfr i'r Brifddinas. Dyfroedd yr Wy, y Wysg, a'r Towy, yn siroedd Aberteifi, Maesyfed, Maldwyn, a Bryclieiniog, sydd hyd yn hyn wedi cael eu hysbysiaeth, ac ymddangos yn dra manteisiol i'r amcan. Mae Oymru yn myned yn llai mewn ystyr amaethyddol am bob llyn o'r fath a wneir. Lleiheir felly werth ein gwlad. Dylai Oynghorau Sirol Cymru geisio pasio deddf yn rhoddi hav,l ei hafonydd i Gymru er mwyn manteision Cymreig. Yna, gall Cymru osod y dyfroedd i'r trefydd mawrion ar rent neu royalty, felly cai Oymru elw priodol i'w gwlad o'u heiddo eu hunain. Mae gohebydd clerigol, yr hwn nad oes arno gywilydd rhoddi ei enw a'i breswylfod wedi anfon at y Parch. G-uiness Rogers, y llythyr canlynol ar bwys araeth a draddod- odd yn ddiwoddar:—"Barchedig Syr,—Os fel y cyhoeddir eich bod wedi dweyd nad yw pobl Lloegr yn caru offeiriadaeth Eglwys Lloegrj" yr ydych yn gelwyddwr maleisus. Dywedodd y Brenhinol Dafydd, "Celwyddwr a gant fyned i uffern." Dymunaf rwydd hynt i chwi ar eich siwrnai acyn ei diwedd." Yr eiddoch yn y ffydd. Dywedodd Dr. Parker y Sabbath diweddaf maiyrjiyn oedd eisiau ei wneyd tuag at y rhai oedd allan o waith oedd ail adeiladu Llundain. Y feddyginiaeth i'r amaethwyr oedd cyfnewid y telerau ar ba rai y delid y y tir. Yr oedd heulwen, awyr iach, a'r tir yn perthyn i bawb, ond ni ddylid ysbeilio y tir feistr. Taler iddo yn gyiiawn ac yn hael ond gwnewch i ffwrdd ag ei.
Family Notices
GENEDIGAETHAU. LUMLEY—Hydref 6ed, priod Mr. Edward Lumley, cysodydd, Merthyr, (gynt 0 Mach- ynlleth,) ar fab,-cyntaf-anedig.
Y MAIICHNADOEDI). --
Y MAIICHNADOEDI). Yn ystod yr wythnosau diweddaf, cododd pris gwenith cartref, yn y prif farchnadoecld o 6c. i is. y chwarter. Gwenith tramor ar y Haw arall, a ostyngodd 6c. y chwarter, yn enwedig y samplau o'r Unol Daleithiau. Dywedir y bydd cyflenwadau helaethach nag arfer yn cael eu hanfon o'r Unol Daleithiau yn fuan. DYDD LLUN, HYDREF 14EG. LLUNDAIN.—Gwartheg,—Yr oedd y cyf- lenwad 0 wartheg yn lied dda, ond mathau dewisol braidd yn brin; mathau eilraddol yn cadw tua'r prisiau diweddar. Defaid,—Yr oedd y cyflenwad o ddefaid cartrefol yn lied dda, a'r defaid tramor yn lliosocach. Defaid cartrefol yn is. Moch, yn dawel. GWRECSAM. Yr oedd y cyflenwad o anifeil- iaid yn helaeth, a chliriwyd y farchnad yn dda. Gwartheg yn gwerthu am 0 5-!c. i 61c. y pwys; 4 defaid, 6Jc. i 7jc., lloi, 5c. i 6Jc. y pwys. 2 4 Moch bacwn yn gwerthu yn well, a chafwyd 0 7s. 6c. yr ugain pwys. Gwartheg godro yn gwerthu i fyny i 2ip. 10s. y pen. Stoc liosog o famogau Ysgotaidd, ac amrywiai y prisiau 0 Z, 19s. i 21s. 6c. y pen. DYDD MAWRTH, HYDREF 15FED. LIVERPOOL.—Agorodd y fasnach mewn gwenith yn dawel, am tua phrisiau dydd Gwener; y Califfornaidd, 5s. 2jc. i 5s. 3!c. y canpwys. Blawd, ceirch, a blawd ceirch, yn sefydlog. SALFORD.—Yr oedd y gwartheg da yn gwerthu rhwydd, am brisiau blaenorol, ond mathau canolig a gwael yn gwerthu am bris is. Gwnaed masnach lled: dda mewn defaid am lawn brisiau dydd Ma wrth y mathau eilraddol yn gwerthu yn araf, a'r prisiau yn is. BIRMINGHAM.—Biff, o sc. i 6|c. y pwys; 4 defaid, 6-1 i 8Jc. wyn, 6Jc. i 8Jc. y pwys. I C. 2 2 Yr oedd y cyflenwad yn lied dda, a gwnaed masnach gymedroh
Advertising
QUININE BITTERS GWILYM EVANS QUININE BITTERS GWILYM EVANS Hwn yn ddios yw 'Darganfyddiad Meddygol penaf yr oes. Nid oes un ddarpariaeth feddygol a ddeil e cliymhara am foment a QUININE BITTERS CWllYM EVANS QUININE BITTERS CWllYM EVANS. Mae pawb a roddasant brawf teg arno, yn ddi- eithriad yn tystio nad oes ei gyffelyb, ac mai hwn yw MEDDYGINIAETH OREU'R OE3 CYMEBADWYIR GAN c FEDDYGON, DAD AN SODD WYE, A FFERYLLWYR, atchanmolir gan bawb sydd wedi rhpddi prawf e g arni. TYSTIOLAETHAU. Penuwch, Llangeitlio,! Hydref 23ain, 1892. ANWYL SYII,—Mae amryw aelodau o'm teulu yn wanaidd eu hiechyd, yn enwedig un o'm merched sydd wedi tyfu i fyny, ac wedi tyfu i fyny yndal iawn. Mae yn dyoddef yn fawr oddiwrth ddiffyg anadl ar ol yr ymdrech leiaf wrth ddilyn ei gorch- wylion. Byddaf yn cadw QUININE BITTERS GWILYM EVANS bob amser yn y ty gan fy mod yn cael ei fod yn gwneycl mwy o les i'm plant na dim a gawsant erioed.—Yr eiddoch, (Parch) D. W. JONES. BITTERS GWIL YM EVANS 24, Lynton-street, Salford, Mehefin 23ain, 1893. FONEDDIGION,-Blinid fi yn fawr gan Bron- chitis ddydd a nos, ac er bod dan driniaeth medd- ygon yn yr hospital nid oeddwn fawr gwell. Anog- wyd fi i roddi prawf ar QUININE BITTERS GWILYM EVANS. Cefais esmwythad mawr mewn byr amser, ac erbyn hyn yr wyf yn teimlo fel person arall. Ni fyddaf byth mwy heb botel- aid ohono yn y ty,—Yr ciddoch, &c., (Mrs) S. PARKINSON. BITTERS GWILYM EVANS. RHYBUDD: Gochelwch Dwyllwyr. Edrychwch fod enw Gwilym Evans ar bob label, stamp, a photel. Gwerthir mewn poteli Is. He., 2s. 9c., a 4s. 6c. yr uii Blychau yn cynwys tair potel 4s. 6c. am 12s. 6c. I'w cael yn mhob man, neu danfonir hwy yn rhad am y prisiau uchod yn ddyogel drwy y post oddiwrth y perchenogion,— QUININE BITTERS MANUFACTURING COMPANY LIMITED, LLANELLY, SOUTH WALES. PRIF ORUCHWYLIWR YN AMERICA— Mr. R. D. WILLIAMS, Plymouth, Penn. ID ANT 11 D (Registered Trade Mark). COUGH MIXTURE, For the speedy and effectual Cure of COUGHS, COLDS, HOARSENESS, ASTHMA, & ALL DISORDERS; OF THE CHEST, THROAT, & LUNGS. I -:0:- THE GREAT WELSH REMEDY. In Bottles Is. ltd., 2s. 9d., & 4s. 6d. 2 DAVIES'S COUGH MIXTURE AT BESWCII. DAYIES'S COUGH MIXTURE AT BRONCHITIS. DAYIES'S COUGH MIXTURE AT ASTHMA, DAV I ES'S COUGH MIXTURE AT Y PAS. Oofiwch nid ydyw Davies's Cough Mixture ymhlith y darpariaethau hyny sydd yn cael eu hargymell at bob afiechyd, ond yn unig at anhwylderau y Frost, y Gwddf, a'r Ysgyfaint. -:0:- AR WERTII GAJY BOB DRUGGIST -:0:- PERCHENOG:— HUGH DA VIE S, CHEMISTS MACHYNLLETHI