Y Llan

TELEGRAMS 0 DREFNANT. MR. GOLYGYDD,-Y mae ar ein meddwl amryw bynciau dyddorol y carem yn fawr ymgomio ychydig yn eu cylch, ond ni chaniata amser i ni ymddiddan ond ar un o honynt yn bresenol, sef y dull gwrthun o AIL-FEDYDDIO PLENTYN. Fel yr ydych yn cofio boreu dydd Sadwrn, yr 2il o Fawrth, 1895, ganwyd plentyn yn y byd llenyddol o'r enw St. David's Weekly,' a iaith pawb a'i gwelsant yn ei fabandod cyntaf oedd, ei fod yn ymddangos yn blentyu iachus ddigon, ac yn ol pob tebyg- olrwydd y byddai dyfodol addawol o'i flaen. Tra yn ceisio galw ein sylw i'w gynorth- wyo, a rhoddi croesawiad myuwesog iddo i'n cartrefleoedd, dywedodd ei feichniafon iddynt ddewis yr enw uchod heb unrhyw betrusder. Anturiwn ddweyd, meddent, yn y perygl o ymddangos yn hunan-ddoeth na wnai yr nn teit] arall y tro, gan mai plentyn arbenig at wasanaeth Cymru ydoedd. Dywedasant yn mhellach y byddai iddynt wneuthur eu goreu glas i'w byfforddi a'i hyrwyddo i gerdded yn ngbamrau ei hen daid o Ty Ddewi ac o rail hyny, ni allasent osod amgenach gwrthddrych o'i flaen i'w efelychu. Pa fodd byuag, fel llawer plentyn arall o'i flaen, dangosodd yn hynod foreu fod ynddo duedd gref i ganlyn bywyd crwydredig ac afradlon. Erbyn heddyw, ymddengys ei fod wedi ymgartrefu oddigerthambell wib- daith yn ngwlad y mwg—cymydogaeth Manchester. Hyn, mae'n debyg a barodd i'w feichniafon y dydd o'r blaen genfigenu wrtho a'i ail-fedyddio. Adnabyddir ef yn bresenol wrth yr enw The Northern Churchman,' ond gosodir yr hen enw hefyd odditanodd mewn Ilythyrenau llawer llai eu maint, er mwyn dangos a phrofi o bosibl mai yr un ydyw. Gan i'r fath beth gymeryd lie cyn iddo gyraedd pen ei flwydd, pwy wyr na welir ef eto cyn yr a. y flwyddyn hon heiblo yn gorfod myned o dan yr un oruchwyliaeth, a chael ei alw The Highlander,' neu, The North Pole,' neu rhyw enw arall cyffelyb. Terfynwn trwy ddymuno pob llwyddiant i'h hen gyfaill, ei Olygydd y mae yn haeddu pob cefnogaeth yn ei anturiaeth newydd dan sylw. Ni fagodd Cymru yr un mab mwy ymroddgar i weithredoedd da, na'r un mwy diymhongar. Maddeued i ni am ein bod yn methu cydolygu ag ef yn nghvlch newidiad y teitl.—A ganlyn a dderbyn- iwyd o ddinas henafol LLANELWY. Yr Arglwydd Esgob.-Bwriada y Gwir Barchedig Arglwydd Esgob Llanelwy dreulio ychydig ddyddiau yn Lisbon yn fuan. Nid hysbysiad swyddogol yw hwn, cofiwch. CEFN. Air. R. W. Williams Wyrrn Yr oedd yn dda gan ein calon ddeall fod Mr R. W. Williams Wynn, Plas-yn-cefn, wedi cael ei ethol yn un o bedwar i gynrychioli Esgob- aeth Llanelwy yn Nhy y Lleygwyr.. Enwau y tri arall ydynt, Mr P. P. Pennant, Nantllys, boneddwr a'i holl galon yn mhob gwaith perthynol i'r Eglwys, Mr J. Eldon Bankes, a Iarll Powys. HENLLAN. Gyngerdd. Prydnawn a noa Wener, ynghyd a nos Sadwrn diweddaf, cynhaliwyd cyngerdd llwyddianus iawn yn Ysgol y Bwrdd. Llywyddwyd yn y prydnawn gan Mr Mellard, Maer Dinbych. Cafwyd cyn- ulliad da, ac aeth y plant drwy eu hamryw- iol ddarnau yn rhagorol. Cyn ymwahanu, yn absenoldeb y Rheithor. dychwelodd y Parch Canon Lewis, Rheithor Trefnant, bleidlais o ddiolchgarwch i'r Maer am ddyfod yno i lywyddu y cyfarfod. Ar hyn cododd Mr Mellard, a dywedodd fod yn bleser ganddo ef weled y plant yn myned trwy eu gwaith mor 11 wyddianus. Teilyngai Mr Jones, yr ysgolfeistr,a'i briod glod arbenig am eu trafferth a'u diwyd- rwydd gyda'r plant. Hyderai y byddai iddynt yn awr yn eu mebyd diofal a di- bryder werthfawrogi eu braint, ac y gwelsid hwy rhyw ddydd yn llenwi swyddau pwyslg mewn cymdeithas, gan adlewyrchu anrhydedd ar ben eu hen athrawon a'r fangre lie cawsant eu magu. Gwelai yn eu plith un foneddiges, yr hon nas gallasai hebgor ei henwi, sef Mrs Mainwaring, Galltfaenan, yr hon sydd bob amser yn flaenllaw a haelionus tuag at bob achos da. Yn yr hwyr, llywyddwyd y cyngerdd gan y Rheithor, a chafwyd cynulliadau orlavvn y ddwy uoson. Yr oedd yr elw i fyned tuag at brynu offeryn cerdd at wasanaeth yr yegol. RHUDDLAN. Dirwest. Dydd Sul, y 26ain cynfisol, traddodwyd pregethau gan y Ficer, a'r Parch J. Hamer Lewis, yn Eglwys y plwyf ar ran Cymdeithas Ddirwestol yr Eglwys, a rhoddwyd rhan^o'r offrwm tuag at drysorfa y gymdeithas. Band of Hope.—Nos Ian ganlynol, cyn- haliwyd cyfarfod mewn cysylltiad a'r Band of Hope yn yr Ysgol Genedlaethol, o dan lywyddiaeth y Ficer, pryd y cafwyd anerchiad dyddorol a tharawiadol gan y Parch J. Hamer Lewis. Yn ystod y cyfar- fod, dadganodd y plant amryw o ganeuon swynol o dan arweiniad Mr Edward Evans, yr hwn a gymer ddyddordeb neilldaol ynddynt. DINBYCH. Gyngerdd. Nos Fawrth, yr 28ain cynfisol, rhoddodd Mr Alien, organydd yr Eglwys Seisnig,ei gyngerdd blynyddol yn y Drill Hall. Cyrchodd cantorion enwog o bell ac agos, ond rhywsut neu gilydd nid oedd y cynulliad yr hyn a ddymunem. Organ a violin recital. -Prydnawn dydd Mercher, y 29ain cynfisol, rhoddwyd organ a violin recital' gan Mr Allen a Mr Lawson yn Eglwys St. Dewi. Daeth nifer luosog ynghyd. Chwareuasant yr Inter-mezzo' Masgagni, a' r' Funeral March' (pianoforte sonata, op. 35), Chopin yn fendigedig. TREFNANT. Yr Ysgol Genedlaethol.- Y mae Llyw. odraethwyr Ysgol Genedlaethol y lie uend newydd dderbyn hysbysiad oddiwrth y Bwrdd Addysg, i'r perwyl y bydd iddynt ei rhyddhau rhag cael ei haroli y flwyddyn hon. Telegram o ddiolchgaritich-Yr ydym yn cyflwyno ein diolchgarwch gwresocaf i Sylwedydd am roddi i ni grynodeb o gynyrchion y Wasg Ridic-alaidci mewn cysylltiad a'r cyfarfod a gynhaliwyd yn ddiweddar yn Nghasnewydd-nr-Wysg. Rhyw ddarlun digon hagr a dynii g mddynt o anmhoblogrwydd y 'Federation,' ond gan eu bod yn unfrydol yn eu barn, mae yn rhaid i ni gredu ei fod yn un cywir a gwitioneddol. Son am undeb a chyd- weithrediad wir, tra y mae presenoldeb y rhai a gymerant arnynt fod yn arweinwyr y genedl, megis cynifer o ffagodau yn tanio fel trydan pob cyfarfod a gynhelir gan- ddynt, nes gyru y gynulleidfa i ymddwyn yn debycach i anwariaid a gwallgofiaid nac i ddim arall. Dywedasom lawer gwaith y ceid gweled mai hunanoldeb a hunanles oedd wrth wraidd eu brwdfrydedd twyllodrus, ac erbyn h-tddyw mae eu haelodau mwyaf blaenllaw wedi gorfod cyfaddef hyny. Pe buasent yn feddianol ar duedd hnnanymwadol, ac yn gwybod trwy brofiad am hunan-aberthiad. buasai genym rhyw radd o obaith iddynt wneuthur rhyw gymaint o ddaiolli yn eu dydd a'u cenedlaeth. Ymgalonogwn, mae dyfodol disglaer o flaen y lweinydd- iaeth bresanol, ac os cyflawna ei dyled- swydd yn flyddlon, bydd llawer tro ar fyd cyu y gerfodir iddi roddi yr awenau llywodraetbol i fyny i ddwylaw dinystriol Radicaliaeth. IOAN BENDDU.

———— » All kind of Church printing done on the shortest notice at the LLAN office, 1 and 2, St. Mary Street, Carmarthen. Estimates free.

CHURCH PRINTING. THE CLERGY before giving their Orders for; CHURCH PRINT- ING are respectfully requested to write to THE "LLAN" OFFICES, 1 & 2, St. Mary Street, CARMARTHEN, For Prices of every discription of Printing. ALL WORK EXECUTED IN FIRST-CLASS STYLE, AND AT MODERATE PRICES. A SPLENDID ASSORTMENT OF It EW TYPB IN STOCK, ALL OBDERS SENT CARRIAGE Posters for BazaarS' Concerts &> Churell. Festivals. executed on the Shortest Notice, also Clothing and ulub Oards, and Oollection Cards PROGRAMMES AND TICKETS rOJ CONCERTS MOURNING CARDS A SPECIALI11, SUNDAY SCHOOL REGISTERS- I 'J A TRIAL SOLICITED. ALL ORDERS TO BE SENT TO THE MANAGER, LLAN OFFICES, 1 & 2, ST. MARY STItOTf CARMARTHEN 1