Welsh Newspapers
Search 15 million Welsh newspaper articles
3 articles on this Page
Cleber o'r Clwb.
Cleber o'r Clwb. 'Doedd ond rialtwch a chan i'w glywed ar bob llaw nos Lun pan aethum i'r clwb. Y Sadwrn blaenorol 'roeddwn wedi dychwelyd o wlad yr haf, a phan droais i mewn i'r clwb, gan feddwl cael ymgom ddifyr a rhai o'r hen lanciau, wele yr oedd pob ystafell yn llawn, a gwedd pob un o'r rhai oedd yno yn tystio fod noson hwyliog i gymeryd lie. Y cyntaf i'm croesawu oedd ysgrifennydd y clwb, Capten Jenkins. Halo," gwaeddai, ashore once more ? ac yna gwahoddodd fi i ymuno a'r cwmni er rhoddi ciniaw i'r Capten John Pritchard, llywydd enwog y Hong Mauretania, y llestr hynod yna sy'n teithio yn ol a blaen o Lerpwl i New York mewn rhyw bedwar riiwrnod 'Dwy i ddim yn sicr o'r amser mae'n gymeryd i hwylio i New York, ond yr wyf yn eithaf sicr pe bae'r Capten hwn wedi llwyddo i wneud y daith o fewn pedwar awr ar hugain na fyddai ei groesaw gan wyr y clwb yr un mymryn yn fwy pybyr. Llywyddwyd y wledd gan Mr. Ellis J. Griffiths, yr aelod tros Fon, ac un o'r boys mwyaf talentog sydd gennym yn Nhy'r Cyffredin, ond mae'n debyg nad yw yn cael ei haeddiant yno am ei fod yn beirniadu gormod ar wendidau ei blaid, yn hytrach na cheisio manteisio arnynt a dringo i safle uchel. Beth bynnag am hynny yr oedd yn ei hwyliau mwyaf doniol heno, a rhoddodd air canmoliaethus i'r Capten oedd yn arwr y wledd am y noson. Ni honnai y Capten fod yn rhyw lawer o siaradwr, ac addefai fod yn llawer hawddach ganddo lywio y llong fwyaf trwy greigleoedd yn y mor garwaf na cheisio gwneud araith ger bron lot o wyr talen tog fel oedd yn y Clwb. Ar yr un pryd 'roedd yn llawen ganddo am y croesaw, a diolchai yn gynnes am yr anrhydedd oeddent wedi osod arno. Mr. John Hinds oedd i areithio ar ran llwyddiant y Clwb, a phan fo John yn gwneud hynny, y mae yn peri i mi deimlo yn hapus fod clwb wedi ei sefydlu, pe ond er mwyn rhoddi cyfle iddo fyned i'r hen hwyl Gymreig. Mae'n hyawdl ac yn hapus bob tro, a'r syndod yw, fod mor lleied o wyr mawr y Cymry yma heb ymuno a'r sefydliad ar ol clywed John yn traethu ar ei rinweddau. Mr. Woodward Owen fu'n cynnyg iechyd da i'r cadeirydd, ac atebodd Mr. Ellis Griffith yn hapus ddigoin, a diweddwyd noson ddifyr tros ben yn swn can gan Mri. Tim Evans, Edwin Evans, ac Osmond Jones. Deallais mai ar y funud olaf y gallodd y Capten gadw ei gyhoeddiad. Yr oedd wedi addaw dod i Lundain rhyw bythefnos yn flaenorol, ond daeth rhwystrau ar y ffordd, a bu raid gyrru ar ddiwedd yr wythnos na allai fod yn bresennol. Ar ol i'r ysgrifen- nydd gyhoeddi fod y cinio wedi ei ohirio, wele air arall yn dod gan ddweyd y byddai yma ar nos Lun. 0 dan y fath amgylchiad mae Captain Jenkins, o'r clwb, i'w longyf- arch ar y fath gynulliad-dros hanner cant mewn nifer-a hynny megis ar ychydig oriau o rybudd. Yr oedd Capten Pritchard yn teimlo yn falch iawn o'r croeso, ac aeth yn ol i Lerpwl drannoeth gyda syniad uchel iawn am aelodau caredig y Clwb Cymreig. Ap SHON.
Am Gymry Llundain.
Am Gymry Llundain. YR UNDEB.—Heno, nos Sadwrn, cynhelir cyfarfod olaf Undeb y Cymdeithasau yn y Tabernacl. Bydd y llywydd, Dr. Hartwell Jones, a nifer o wyr enwog yno yn traddodi anerchiadau. UNO'R CYMRY.—Gwneir gwasanaeth rhag- orol gan yr Undeb drwy ddod a'r gwahanol Gymdeithasau Ileol i well adnabyddiaeth a'u gilydd. Drwy hyn dygir ami i dalent i'r amlwg, a rhydd fantais i aelodau pob Cym- deithas, wybod beth a wneir yn y cymdeith- asau ereill. HANES Y CYMDEITHASAU.-Pennod ddydd- orol, pan ei hysgrifennir yn gyflawn, fydd pen nod hanes Cymdeithasau Cymreig Llun- dain. Mae amryw wedi eu sefydlu yma, a pharhau am gryn ysbaid, o fewn y ddau can mlynedd hyn. Gwelir fod yr Undeb wedi cynnyg gwobr sylweddol trwy gyfrwng yr Eisteddfod Genedlaethol eleni ar hyn o fater, a hyderir y ceir gwaith a haedda y clod priodol a'r pres. Y GWYLIAU,- Yr wythnos nesaf byddwn yng nghanol prysurdeb Gwyl y Pasc. Dyma'r adeg y cynhelir uchel wyl y Metho- distiaid yn Llundain, a cheir cyfres o gyfar- fodydd pregethu yn holl gapelau y Cyfundeb. Ar ddydd y Groglith cynhalia yr Anibynwyr eu cymanfa ganu blynyddol, ond fel rheol dibynna'r cynulliadau ar y tywydd yn ystod y gwyliau. TUA'R WLAD.—Mae rhes faith o wibdeith- iau wedi eu trefnu gan wyr y ffordd-haiarn, a diau y bydd llawer o'n pobl yn manteisio ar y cyfle i dalu ymweliad brysiog a'r hen wlad. LEWISHAM.-Nos Iau cafwyd cyngerdd llwyddiannus yng nghapel Lewisham, y cyntaf o gyfres fwriedir gynnal er lleihau'r ddyled. Llywyddwyd yn fedrus a difyr gan Mr. D. LI. Hughes, Brockley Rise, is-oruch- wyliwr y Refuge Assurance Company yn Llundain. Cymerwyd rhan mewn canu, adrodd, &c., gan y cyfeillion canlynol:— Miss M. Williams, Ladywell; Miss L. Williams, Lewisham; Miss Dorothy Rowan, Brockley Miss Hilda Payne, New Cross; Mrs. Dunn, Lewisham; Mri. R. G. Davies; W. B. Thomas, New Cross A. Ablett, ac Ellis Roberts. Trwy garedigrwydd Mr. a Mrs. Rees, Harders Road, rhoddwyd y dan- teithion yn rhad. Cafwyd noswaith lawen a dyddorol, pawb yn mwynhau eu hunain yn rhagorol. CITY ROAD.-Nos Iau ddiweddaf cynhal- iwyd Swper Goffi-yr olaf, mae'n debyg, am y tymor-yn cael ei roddi gan y bobl ieuainc. Cafwyd gwledd ragorol a chyngerdd hwyliog i'w ddilyn. Yn absenoldeb y cadeirydd, llanwyd y gadair gan y Parch. J. Humphreys. Y cantorion oeddent Mrs. Cordellia Rees, Miss Rees (canu penillion), Mri. Breed, Gregory Evans, Alewyn Williams, Lloyd Huws, J. B. Cowley, a Peter Jones, Harringay. Adroddwyd gan Miss Vaughan. 'Roedd yr oil mewn hwyl dda, a chawsom noson lawen gyda'n gilydd.2 ST. BENET.—Nos Iau cyn y diweddaf mwynhaodd cor yr eglwys hon eu cinio blynyddol (rhoddedig iddynt gan y gynull- eidfa), yn Slater's Restaurant, Cheapside. Yn absenoldeb anorfod y ficer, drwy waeledd, cymerwyd y gadair gan Mr. W. T. Hopkins, warden y ficer. Anfonodd y ficer lythyr caredig at ei bobl gan gydnabod yn ddiolchgar ffyddlondeb yr aelodau a'r gwerth a ddodid ar eu gwaith fel arweinwyr moliant yn hen eglwys St. Benet, a'r gofid a deimlai am na allai fod yn bresennol. Ar ol yeby dig eiriau gan y cadeirydd, siaradwyd gan Mr. W. Emlyn Evans a Mr. Hughes Davies (ar ran y gynulleidfa), Mr. W. Owen, Mr. W. Emlyn Edwards, a Chlwydian, yr organydd. Yna cafwyd amryw ganeuon gan Miss Rowlands, Mri. Llew Jones, W. Brown, Dan Davies, a W. Emlyn Edwards, tra y chwar- euwyd y berdoneg gan Mri. Wallie Williams, B.A., W. Brown, a'r organydd.-Cantata Nos Sul ddiweddaf, er mor anffafriol oedd y tywydd, cafwyd eglwys lawn i wrando y cor yn cauu y gantawd Rhyfelwyr y Groes," gan Hemery. Cymerodd ychydig dros awr o amser i roddi y datganiad, a llawen gennym allu dywedyd yn ddibetrus, fod y datganiad yn dda iawn, ac yn deilwng o'r gwaith a'r cor. Yr oedd yr amryw gyd- ganau yn cael dehongliad cywir a darlun- iadol nes creu effaith dda iawn. Cymerwyd yr unawdau, deuawd, triawd, a phedwarawd, yn gampus gan Mrs. Whiterod, Miss Row- lands, Miss Davies, Mrs. Emlyn Edwards,. Miss Getta Davies, a Miss A. Evans, Mri. W. Emlyn Edwards, L.R.A.M., D. E. Jones, Dan Davies, Cecil Davies, W. Owen, C. Morgan, a Wallie Williams, yr oil yn aelodau ffyddlon o'r cor ffaith a rydd foddhad mawr i bawb. Chwareuwyd yr organ gan Mr. Brown yn hynod o feistrolgar, tra y chwar- euwyd yr American organ gyda rhannau o'r gwaith, ac arweiniwyd yr oil gan yr organ- ydd (Mr. J. E. Davis). Rhoddodd y ficer anerchiad byr ar destyn y gantawd, gan dynnu gwersi buddiol ar y pwysigrwydd o fod yn filwyr ffyddlon i'n Pen Capten Mawr. WALTHAMSTOW.—Er nad yw yr acho& Cymreig ond eiddil yn y dref hon, da gennym weled fod yr eglwys fechan yn fywiog ac yn wresog yn yr ysbryd hwnnw sydd yn nodweddu pob gwir ymgais i lwyddo. Yn ddiweddar cafwyd cyfarfod adloniadol dan lywyddiaeth J. P. Edwards, Hoe Street, pryd yr anrhegodd blant yr eglwys a llyfrau buddiol. Nos Iau ddiweddaf cawson Social ragorol, a chyfarfod adloniadol wedi hynny, pryd y cymerwyd y gadair gan H. Prosser, Eastfield Road. I Mrs. D. A. Davies, Wood Street, yr ydym yn ddyledus am wledd ragorol a ddarparodd. Mwyn- hawyd nosweithiau difyr ar y ddau achlysur. Y TABERNAOL.-Caed tori liosog yma i fwynhau'r t6 blynyddol a'r cyngerdd rodd- wyd nos Iau cyn y ddiweddaf. Cadeiriwyd y cantorion gan Mr. William Price, Padding- ton, yr hwn a roddodd araith amserol ar y pwysigrwydd o gael cyd-ymdrech ymhlith eglwysi Llundain i dalu holl ddyledion ein capelau.
A BYD Y GAN.
neilltuol i'r dorf oedd wedi dod i'w clywed. Yn ychwanegol at y lleiswyr caed unawd ar y sodd grwth gan Mr. Morgan Morgan, ynghyda rhagdraeth ar yr organ i ddechreu'r cyngerdd gan y cyfeilydd, Mr. D. Richards. Y Cantorion. 0 blith y cantorion gellir dweyd i Miss Laura Evans a Mr. Harry Dearth roddi detholiadau addas iawn, a chanasant yn rhagorol. Mae Laura Evans yn graddol ennill ei safle yn iheng flaenaf ein cantor- esau, ac mae'n sicr o esgyn i gryn fri yn ein prif gyngherddau. Lleisiwr cyfoethog iawn yw Mr. Harry Dearth, ond mae'n canu heb lawer o ol diwylliant. Pe bae'r artist yma mor rhagorol a'r lleisiwr, ni fyddai curo ar Mr. Harry Dearth yn y byd Seisnig heddyw. Tenorydd sy'n gwella yn gyflym yw Mr. Gibbs, ac 'roedd y ddeuawd Hywel a Blodwen ganddo ef a Miss Laura Evans yn un o emau y cwrdd. Mr. Ivor Foster Cafodd y baritone adnabyddus hwn yr anrhydedd o ganu ym mhalas Tywysog Cymru (Marlborough House), un noson yr wythnos ddiweddaf, a rhoddodd foddhad mawr i'r cwmni oedd wedi eu gwahodd yno gan y Tywysog a'r' Dywysoges. Can odd Glorious Devon," o waith Edward German, ac amryw ganeuon clasurol.