Welsh Newspapers
Search 15 million Welsh newspaper articles
3 articles on this Page
Am Gymry Llundain.
Am Gymry Llundain. I GAERDYDD.-Dyma lie bydd tynfa y cantorion ddydd Llun. Bydd tren rhad o Paddington yn cludo cor Merlin Morgan i'r Eisteddfod yno. SETI GWAG. Hawdd gweled, oddiwrth wagder yr eglwysi Cymreig yn y ddinas, fod tymor y Gwyliau wedi dod. Yn ystod Awst doniau o'r wlad fydd yn y pulpudau, a gwrandawyr o'r wlad fydd yn y seddau gan mwyaf. CASTLE STREET.—Mae capel Castle Street ym myned tan gyfnewidiad ar hyn o bryd. Trefnir i adeiladu organ newydd hardd yn y lie, a disgwylir y bydd yr holl waith wedi ei orffen ym Medi. CANU CORAWL.-Cynhaliodd cor Cymry Llundain rehearsal gyhoeddus yng nghapel y Tabernacl nos Iau yr wythnos ddiweddaf, amcan pennaf y cynulliad oedd cael cymorth i dalu treuliau y cor i Gaerdydd ar ddydd Gwyl y Banc, a dangosodd y dorf ddaeth ynghyd fod pawb yn dymuno llwydd i'r ymweliad a'r Deheudir. Canasant yn rhag- orol y noson hon, a bydd yn ddyddorol clywed beth fydd eu tynged tan feirniaid craff y Sowth. Cadeiriwyd y cyfarfod gan Mr. Watkin Jones. LEWISHAM.—Nos Iau daeth llu o gyfeillion Mr. D. J. Pinnell i gapel Lewisham i ganu ffarwel ag ef ar ei ymadawiad i'r India. Llywyddwyd y cyfarfod gan Mr. Ellis Roberts, ac ar ran y bobl ieuainc cyflwynodd Mr. Griffith W. Jones dressing case hardd i Mr. Pinnell fel arwydd o barch ac edmygedd ei gyfeillion yn y capel tuag ato. Ymhlith y rhai y caed anerchiadau ganddynt yr oedd Mri. Rees Davies ac E. Jenkins—dau o swyddogion yr Eglwys, a rhoddasant gymer- iad uchel i'r cyfaill ieuanc fel un oedd wedi bod yn neillduol o ffyddlon a gweithgar ymhob cylch yng ngwaith y capel. Diolch- odd Mr. Pinnell yn gynnes am yr anrheg ac. am yr arwyddion o deimladau da oeddynt yn cael eu harddangos. Byddai ganddo adgof- ion melus a hyfryd iawn am yr amser hapus oedd wedi ei dreulio yn Llundain. Ar ol cyfranu o ddanteithion wedi eu paratoi gan y chwiorydd a chanu "Hen WIad fy Nhadau," ymwahanwyd gan ddymuno pob llwyddiant i Mr. Pinnell yn ei gylch newydd a dieithr. CYFLE'R BEIRDD.-Dyma fel y canodd un o'r beirdd yng nghwrdd ffarwel Mr. Pinnell: Wrth chwilio Geiriaduron Gwlad Am eiriau rhad eu hystyr, Cawn rai fel mel yn llawn mwynhad, Neu win i lonni'n natur Ond ereill sydd mor ami eu nod- Teimladau byw wnant ddryllio, Ac yn eu plith, y gwaetha'n bod I mi, yw'r gair ffarwelio." Wrth deithio'r byd, o fan i fan, Rhaid ydyw cael cyfeillion, I'n calonogi pan yn wan Yng ngwyneb troion geirwon; Cawn ami ffrynd, a'i fron mor bur, Ein serch a'n bryd rown ynddo, Ond garw'r drefn, er poen a chur, Daw adeg brudd ffarwelio. 0 Walia Wen, dro bach yn ol, Daeth llencyn serchog dinam, Ac iddo'i hun gwnaeth le yng nghol, A chalon, Eglwys Lewisham; Ei siriol wen, a'i rodiad pur, Ai barod law i weithio A'i gwnaeth gan bawb yn ffafryn gwir, Ond heno, mae'n ffarwelio." Yr Ysgol Sul mewn hiraeth llawn, Rydd glod i Mr. Pinnell; A'r bechgyn ieuainc a'u holl ddawn, A glywaf yn ei ganmol. A'r merched swynol, sy' mor shy, Mae rhai'n i gyd yn crio, Wrth ysgwyd llaw, a dyweyd "goodbye," A meddwl am ffarwelio." Wrth forio i Calcutta bell, A'r Hong yn rhwygo'r weilgi, » I chwilio am drysorau gwell, A'r ager brwd yn mygu Gwnewch gofio pan ar gefn y Hi, Fod Lewisham yn gweddio, Ar Dduw am eich cysgodi chwi, A'i aden, 'rol ffarwelio. Yn India bell, estronol wlad, Ewch rhagoch mewn dyrchafiad, Boed llwyddiant byd, a phob mawrhad, I'ch dilyn yn eich rhoddiad, Ond cofiwch fod eich Gwlad a'ch Duw, A'ch crefydd yn eich gwylio j- Ag urddas rhain tra fyddwch byw, Gochelwch, rhag ffarwelio. 'Rol llwyddo yn eich newydd fro, Bydd rhaid cael gwraig i'ch dilyn, Ond peidiwch byth a myn'd yng nglo Ag un o ferched Brahmin Ond dewch yn ol, mor hy a Bardd, I Lewisham deg i chwilio, Mae yma lu o ferched hardd, Gwnant gyda chwi, "ffarwelio." "B'le bynnag ewch, ar dir, a mor, Eich camp, a'ch nod, fo purdeb," Arweiniad mwyn rhagluniaeth lor, A'ch cadwo mewn uniondeb, Os na chawn gwrdd mewn einioes glyd, Tra'r ochr hyn yn teithio, Cawn eto gwrdd mewn gwynach byd, Lie na fydd byth 11 ffarwelio." D. L. Evans. DEWI SANT, PADDINGTON.-Marwolaeth.- Gyda gofid a galar dwys y cofnodwn far- wolaeth ddisymwth ac anisgwyliadwy y chwaer anwyl a hoff Mrs. Margaret Hart, Acton, trydedd ferch Mrs. Pierce, a'r diwedd- ar Mr. John Pierce, Church House, Padding- ton, yr hyn a gymerodd le yn ysbytty Queen Charlotte, Marylebone Road, dydd Iau, Gorffennaf 23ain, ar enedigaeth plentyn bach. Oymerwyd Mrs. Hart yn wael y dydd Mercher blaenorol, a hunodd yn yr Iesu y dydd canlynol yn 38 mlwydd oed. Yr oedd yna nodweddion neillduol yn perthyn i'w chymeriad ag oedd yn ei gwneud yn anwyl yng ngolwg pawb ai hadwaenai, megis natur dda ac ysbryd addfwyn a rhadlawn. Teyrn- asai gwen a sirioldeb bob amser ar ei gruddiau gwridgoch. Teimlir colled a hiraeth mawr ar ei hoi yn Dewi Sant, lie y bu yn selog yn y cor canu a'r Ysgol Sul, a chyda holl wasanaethau yr Eglwys am flynyddau. Cynhaliwyd gwasanaeth coffa- dwriaethol iddi yn Eglwys Dewi Sant, nos Lun diweddaf, pryd y daeth nifer pur dda ynghyd, i gydymdeimlo a'r teulu galarus, ac i dalu y gymwynas olaf i weddillion marwol," un ag oedd wedi ennill lie mor gynnes yn serchiadau y gynulleidfa. Dechreuwyd drwy ganu emyn, yna darllenwyd rhan o air Duw,. ac offrymwyd gweddi gan Mr. Thomas Jones, Cenhadwr, yn yr iaith Saesneg. Wedyn cafwyd emyn pellach, ac ar ol hyn, cafwyd anerchiad a gweddi gan y Parch. W. Richards, caplan, yn y Gymraeg. Ac yna diweddwyd drwy ganu yr hen emyn adna- byddus Yn y dyfroedd mawr a'r tonau." Dieithr a dyrys yw ffordd a llwybrau y brenin mawr, pan yr ystyriom fel y cymer- wyd y fam ieuanc ymaith ym mlodau ei" dyddiau, gan adael y plentyn bach ar ol. Trwy ddirgel ffyrdd mae'r uchel lor, yn dwyn ei waith i ben." Nodded y nef fyddo, dros y fam, y gwr ieuanc, y brodyr a'i chwiorydd a'r perthynasau, yn eu profedig- aeth lem. Claddwyd y rhan farwol o'n hoffus chwaer, ym mynwent Llanfihangel- Geneu'r-Glyn, y dydd Mawrth canlynol, wrth ymyl ei hanwyl dad. Danfonwyd nifer fawr o blethdorchau, er serchus gof am dani, ac yn eu plith gwelsom rai oddiwrth y rhai canlynol—Y teulu Mr. George Hart (gwr) Mr. a Mrs. Edward Pierce Richard ac Ellen Pierce; Rosie a Nancy Parry Mr. a Mrs. Williams, Ifield Road; Miss Williams, Lindfield Gardens; D. Jenkins, Shelden Street; D. T. Lloyd Wade a Hans Kate, Lizzie, ac Arthur Evans, Lizzie a Nelly; Lambert; Harries ac Edwards. Yr oedd yr holl drefniadau yn nwylaw Mr. David Roberts, Acton, brawd-ynghyfraith.
CYFARFODYDD.
CYFARFODYDD. CYFARFOD MISOL LLUNDAIN, gynhaliwyd yn Jewin nos Fercher, Gorffennaf 22ain. Llywyddion, y Parch. R. O. Williams a Mr. W. W. Griffiths. Dechreuwyd trwy ddarllen a gweddio gan y Parch. D. Oliver. Darllenwyd a chadarnhawyd cofnodion y cyfarfod blaenorol. Cafwyd anerchiad gwerthfawr gan y Parch. R. O. Williams, wrth adail y gadair, ym mha un y dangosodd yr angenrheidrwydd am gysylltiad agosach rhwng y C.M. a'r Eglwysi, ac hefyd am feithrin agwedd ysbrydol y gwaith, yn ogystal ag am ffyddlondeb yr holl aelodau. Wedi pleidlais o ddiolchgarwch iddo am ei wasanaeth yn ystod y chwe mis, cymerwyd y gadair gan Mr. Griffiths, a chydnabyddodd yntau gyda diolchgarwch yr anrhyd- edd osodwyd arno. Yng ngwyneb llythyr dderbyn- iwyd oddiwrth Mr. R. L. Whigham yn hysbysu ei fod am ymddiswyddo fel aelod o'r C.M., gohiriwyd. ystyriaeth o'r mater hyd nes i Swyddogion Charing Cross Road ddod a'r mater gerbron. Penderfynwyd. anfon cydymdeimlad y C.M. i'r cyfeillion canlynol :— Dr. Lloyd Williams, Willesden Green, ar farwolaetb ei anwyl fam a Mr. David James, Clapham, ar farwolaeth ei frawd. Derbyniwyd adroddiad y Pwyllgor Dirwestol, a phasiwyd fod y Gymanfa Ddirwestol i'w chynnal eleni ym mis Tachwedd, ond gohiriwyd ystyriaeth o benderfyniad Cymdeithasfa Cilgerran hyd y C.M. nesaf. Penderfynwyd cynnal., yr arholiad i ymgeiswyr am y Weinidogaeth Awst 18 yn Wilton Square, Mri. W. Evans a W. W. Griffiths i fod yn Arolygwyr. Cadarnhawyd yr adroddiad canlynol o eiddo y Pwyllgor Addysg:-(a) Darllenwyd a chadarnhawyd addroddiad boddhaol iawn am waith Mr. D. J. Evans ar derfyn ei ail: flwyddyn yng Ngholeg Diwinyddol y Bala Mr. J. R. Morgan ar derfyn ei yrfa yn y Coleg Diwinyddol, yn Aberystwyth Mr. E. Tibbott ar derfyn ei efrydiaeth yn yr Ysgol Ramadegol yng Nghastell Newydd Emlyn. (b) Cymeradwywyd cais Mr. Samuel Jones, B.A., am lythyr trosglwyddiad i Undeb a Chyfarfod Misol Mynwy ar ei waith yn ymsefydlu yn Fugail ar Eglwys Brynmawr. Dymunir ei lwyddiant yno, ynghyda llwyddiant Mr. J. R. Morgan gyda'r symud- iad ymosodol yn Treharris. (c) Penodwyd y Parch. G. H. Havard i gynrychioli y C.M. yn y cyfarfod i sefydlu Mr. Samuel Jones, (d) Fod caniatad i'w roddi i Mr. D. J. Evans i eistedd yr arholiad cym- deithasfaol eleni, ar yr amod fod Senate Coleg y Bala yn cymeradwyo ei waith yn ei chymeryd ar ddiwedd ei ail flwyddyn yn y Coleg Diwinyddol. Rhoddodd y Parch. S. E. Prydderch adroddiad boddhaol iawn o'i ymweliad ef a Mr. Humphrey Hughes ag Eglwys Wilton Square, er holi gwybod- aeth a phrofiad personol Mr. J. W. Jones, ac hys- bysodd fod yr Eglwys wedi pleidleisio yn galonog i Mr. Jones fyned ymlaen yn ei yrfa fel Pregethwr. Derbyniwyd yr adroddiad canlynol o eiddo Pwyllgor Achosion Newyddion :-(a) Fod yr achos yn Totten- ham i'w roddi i fyny Medi 2, ac fod y Parch. J. E. Davies, M.A.; i fyned yno nos Sul, Gorffennaf 26ain, i hysbysu yr Eglwys o hynny, ac i gymhell yr aelodau i ymaelodi yn yr eglwysi agosaf atynt. (b) Fod y cyfeillion canlynol i drefnu ar unwaith er sefydlu-
NODIADAU LLENYDDOL.
barod i'w lledaenu bellach. Mae amryw o Eisteddfodau mawr i'w cynnal ar wyl y Banc, felly bydd yn adeg addas i'w dos- barthu ymhlith y rhai sy'n cymeryd dydd- ordeb mewn pynciau Eisteddfodol. Gwir fod y rhestr rhyw fis ar ol yr amser addaw- edig yn gwneud ei hymddangosiad, ond y mae'n werth aros er mwyn cael rhestr yn rhydd oddiwrth frychau adiffyg many lion. Ceir gair am y gwaith yn ein ihifyn nesaf. Ser y Dwyrain. Un o'r awdwyr mwyaf cynyrchiol sydd gennym heddyw yw'r Hybarch Ddr. Owen Evans, gynt o Lundain, ond sydd yn awr yn mwynhau seibiant ei nawnddydd yn ardal- oedd Lerpwl. 0 dan y penawd uchod y mae newydd gyhoeddi cyfrol arall o'i ysgrifau ar bynciau Beiblaidd-a hon yw ei ddegfed gyfrol. Yn ei ragdraeth dywed yr awdwr mai hon, ond odid, fydd yr olaf, gan ei bod hi bellach yn hwyrhau a'r dydd yn darfod arnaf fl." Os yw'r awdwr yn credu hyn nid oes dim i gadarnhau y syniad yn y gyfrol ei hun, oherwydd mae'r cyfan yn darllen mor hoyw a, Ilithrig a dim a ysgrifen- nwyd ganddo. Cyfres o benodau darllen- adwy ar hanes hen gymeriadau'r Beibl yw cynnwys y gyfrol, a phortreadir y cyfan yn syml a naturiol gan ei ysgrifbin gelfydd. Pris y gyfrol yw 2/6, a chyhoeddir hi gan Mr. W. Hughes a'i Fab, Dolgellau.