Welsh Newspapers
Search 15 million Welsh newspaper articles
3 articles on this Page
Am Gymry Llundain.
Am Gymry Llundain. PWY SYDD GYFRIFOL?- Yr hin anwadal yw testyn pob dau y dyddiau hyn. Heddyw oerfel gauafol, yfory poethder haf! Pwy sydd gyfrifol am hyn ? UNDEB EFRYDWYR.-Heno y cynhelir ad- uniad o ferched fu unwaith yn efrydu yn ysgol Dr. Williams, Dolgellau. Yn llyfrgell enwog Dr. Williams y cymer yr ad-uniad le. CYFARFODYDD.-Mae llu o atyniadau yn y cylchoedd Cymreig yn ystod yr wythnos ddyfodol, ond hwyrach rnaFr cyfarfodydd mwyaf poblogaidd fydd y Cyngerdd Cystad- leuol ym Mile End, a gwledd cor Merlin Morgan yn yr Holborn Restaurant. COR MERLIN.—Mae hwn yn argoeli dod yn un mawr. Ar un adeg gofalu am gor o feibion yn unig wnai Merlin, ond gan fod y rhagolygon mor addawol y mae wedi trefnu i godi cor Cymreig er myned i gystadlu yng Nghaerdydd ar wyl y Banc yn Awst. Ei ANRHEGU.—Ceir cyfarfod arbennig yn yr Holborn Restaurant nos Iau nesaf er cyf- lwyno anrheg i Mr. a Mrs. Merlin Morgan gan aelodau y cor. Mae Merlin wedi gweithio yn galed gyda'r cor meibion am flynyddau, fel y teimlir y dylid cydnabod ei wasanaeth a'i lafur trwy anrheg fechan. Rhoddir gwledd i ddechreu, am 7.45, a phris y, tocyn fydd pedwar swllt. Os oes rhai am ymuno yn y wledd boed iddynt ymohebu a'r Ysgrifennydd, Mr. E. A. Jones, 52, Threadneedle Street, E.C. EGLWYS WILTON SQUARE.—Y dydd olaf o Ebrill oedd dydd Te a chyngerdd blynyddol yr Eglwys uchod, a thystiolaeth y dyrfa ddaeth ynghyd yw, nad anghofir yn fuan yr hwyl ardderchog oedd yn y ddau gyfarfod. Ymddiriedwyd trefnu y te i Mrs. W. Glad- stone Hughes, Miss Annie Parry, a Miss Maggie Davies, ac, er cymaint oedd llwydd- iant y cwrdd tê, nid oedd yn fwy na haeddai llafur diflino y chwiorydd hyn iddo fod. Llywyddwyd wrth y byrddau gan Mrs. G. H. Havard, Mrs. Hugh Edwards, Mrs. Richard Parry, Mrs. Davies, Coleman Street; Mrs. David Jones, Queen's Head Street; a Mrs. Stephen Darell, a mynegodd un oedd wrth y bwrdd deimlad pawb wrth ddyweyd fod y te yn melysu wrth ei dywallt gan y boneddigesau ffyddlon hyn. Wel, cododd y te ein disgwyliadau yn uchel am y cyng- erdd, ond yn sicr ddigon rhagorodd y cyngerdd ar ein gobeithion goreu. Bu'r pwyllgor trefnu yn ffodus i sicrhau gwas- anaeth pedwar o ddatganwyr enwog i'r cyngerdd, sef Miss Gertrude Hughes (priod Mr. R. 0. Jones, blaenor yn yr eglwys hon), Madame Juanita Jones, Mr. Tom Thomas, a Mr. David Hughes, Abertawe, tra chwareuwyd y berdoneg gan organydd gwych y Taber- nacl, King's Cross (Mr. David Richards). Rhoddodd y pump foddlonrwydd perffaith, canys oni chanwyd a chwareuwyd ganddynt nifer dda o ganeuon ac alawon Cymru ? Mor felus oedd gwrando eto ar Llam y Cariadau," ac Arafa Don (R. S. Hughes) Hywel a Blodwen," a Mae Cymru'n barod ar y wys" (Dr. Parry); Cwm Llewelyn" a Nant y Mynydd (William Davies). At y pigion Cymreig hyn ychwan- egwyd Farewell in the Desert (Adams); "I rage, I melt, I burn," ag 0 ruddier than the cherry" (Handel); Villanella (Dell' Acqua); What have I to do with thee ? (Mendelssohn); Madrigal "a "A Regular Royal Queen" (Sullivan). Gwir yw y gair, felly, fod rhaglen y cyngerdd hwn yn un eithriadol o ddyddorol ac uwch- raddol. Cafodd y llywydd, Mr. W. W. Griffith, blaenor yn yr eglwys, yn yr arben- igrwydd roddwyd yn y rhaglen i ganeuon ac alawon Cymreig, destyn i un o'r anerchiadau goreu. Byrdwn yr araith oedd, yng ngeir- iau yr Archdderwydd: Cenwch hen alawon Cymru, Nes gwefreiddio calon byd, Dysgwch i'r cenhedloedd ganu Mor o gan yw Cymru i gyd." Siaradodd Mr. Griffith yn effeithiol iawn, a chafodd dderbyniad o'r fath gynhesaf gan y dorf oedd yn llaweahau wrth weled un mor deilwng yn cael ei anrhydeddu gan ei Eglwys drwy iddi ei alw i lywyddu ei chyngerdd. Wel, llongyfarchwn yn galonog iawn y Pwyllgor trefnu a'r ddau ysgrifen- nydd, Mri. J. Oliver Davies ac Evan J. Elias, ar y llwyddiant mawr ddilynodd eu hym- drechion, ac hyderwn y gall Mri. W. J. Jones ac 0. M. Owen, swyddogion Trysorfa'r Adeiladu, hysbysu yr Eglwys, nes ymlaen, fod y Drysorfa wedi elwa yn sylweddol eleni eto drwy y te a'r cyngerdd. Talwyd y diolchiadau ar y diwedd yn ddeheuig a doniol iawn gan ddau o'r blaenoriaid Mri. John Jenkins a T. Woodward Owen. CYMAN-U,A. Y PLANT. -Nos Iau, yr wythnos ddiweddaf, cynhaliodd Undeb yr Anibynwyr Cymreig gyfarfod arbennig i'r plant yng nghapel y Boro', a daeth torf o'r rhai ieuainc ynghyd i ganu ac adrodd, ac i gystadlu am y llu gwobrau oedd ar eu cyfer. Beirniadwyd y gwahanol adrannau fel hyn Cerddoriaeth, Mr. Arthian Davies; arhol- iadau ysgrythyrol, Mr. J. E. Thomas; llaw- ysgrif, Mr. Cyrus J. Evans ysgrifau, Parch. E. T. Owen; amrywiaeth, Mr. Caradog- Jones; adrodd, Mr. R. Wood. Llywyddwyd1 y cyfarfod gan Mr. P. W. Williams, Earl's, Court, a rhoddodd araith swynol i'r gyn- ulleidfa. Arweiniwyd y Gymanfa gan Mr. T. Huws Davies, a gofalodd Mri. T. Davie& a Tyssilian Jones am y trefniadau cyffredinol. RADNOR STREET.—Y Sul diweddaf a nos- Lun caed gwyl bregethu blynyddol yr eglwys hon. Gwasanaethwyd eleni gan y Parch. 0. L. Roberts, Lerpwl, a'r Parch. John Thomas, Merthyr, dau o wyr mawr yr enwad, a chaed traddodiadau grymus- ganddynt i gynulleidfaoedd lliosog. MOORFIELDS," LEONARD STREET, CITY ROAD.-Cynhaliodd yr Eglwys hon ei Chyf- arfodydd Pregethu Blynyddol y Sul a nos. Lun diweddaf, pan y pregethwyd i gynull- iadau lliosog gan y Parch. E. W. Davies, Ton Pentre, a'r Parch. Herbert Morgan, B.A., a chanodd Miss Annie Thomas yn neillduol o effeithiol y prydnawn a'r hwyr dydd Sul, Entreat me not to leave thee," a The Holy City." Mae golwg hynod a lewyrchus ar yr Eglwys yn ei chartref newydd, ac edrychir ymlaen at amser llwyddianus iawn yn y dyfodol, gan fod y frawdoliaeth yn disgwyl brawd ieuanc i ddyfod yma yn fugail, yr hyn fydd yn gaffaeliad mawr. UNDEB Y CYMDEITHASAU.-Hae ym mwriad Mr. John Hinds, llywydd presennol Undeb- y Cymdeithasau, i roddi croesaw arbennig i'r aelodau cyn diwedd y tymor. Deallwn yn awr ei fod ef a Mrs. Hinds yn trefnu i wahodd yr oil o'r aelodau i ymgomwest yn y King's Hall, Holborn Restaurant, nos Sad- wrn, Mai 23ain, am 7.30 o'r gloch. Mae- gwahoddiad caredig i bob aelod i sicrhau'r tocyn a'r manylion oddiwrth yr ysgrifennydd lleol ar fyrder. UNDEB DIRWESTOL Y MERCHED.-Caecl cyfarfod dirwestol tan nawdd yr Undeb- uchod yn Jewin Newydd nos Fercher ddi- weddaf. Llywyddwyd gan Mrs. D. Lloyd- George, a chaed anerchiadau gan nifer o chwiorydd. Teneu oedd y cynulliad. YN CHISELHURST.—Aeth aelodau Cym- deithas Ddirwestol y Tabernacl ar ymweliad a'r lie prydferth hwn prydnawn Sadwrn diweddaf, a chaed amser hwyliog iawn. Un o hynodion y lie yw'r ogofeydd eang sydd yn y bryniau gerllaw; ac aeth y cwmni, tan gyfarwyddyd, drwy rai milldiroedd o'r heolydd tanddaearol hyn. Gofalwyd am gysuron yr ymwelwyr gan Mri. W. Edmunds,. D. J. Thomas, a B. J. Rees. BARRETT'S GROVE.—Gan fod amryw gyf- arfodydd ereill wedi eu trefnu yr un noson,. mae'r cyfeillion yn Barrett's Grove wedi gohirio y cyngerdd blynyddol i Mehefin 4ydd. Heno dechreuir ar gyfres cyfarfodydd pre- gethu blynyddol y lie, a pharheir drwy y Sul (yfory), a nos Lun. CLAPHAM JUNCTION.—Nos Wener nesaf cynhelir y cwrdd sefydlu ynglyn a bugail newydd yr eglwys hon. Daw Mr. J. Herbert Lewis yno i lanw'r gadair, a cheir presen- oldeb amryw o wyr blaenaf y gwahanol enwadau.
[No title]
RHAID i bob blaenor Methodis fod yn llwyrymwrthodwr, o hyn allan, medd Cym- deithasfa y De. Nid yw'r un rheol yn cael ei gosod ar aelod cyffredin felly nis gall aelod cyffredin fod yn flaenor. Mae'n amlwg fod yr Hen Gorff am greu graddau, neu ymraniadau, o fewn ei deulu ei hun; ond hwyrach y gellir osgoi y cyfan, os llwyddir i gael Mesur y Trwyddedau yn Ddeddf
A BYD Y GAN.
Ystyrid ewythr ein gwrthddrych y chwareu- wr goreu yn ei ddydd ar y clarionet. Yr oedd i hwn bump o blant-dau fab (y rhai ddaethant yn adnabyddus fel organwyr), a a thair merch, Louisa, Sophie, ac Eliza. Priododd y tair gerddorion. Mab i Louisa ydyw y tenor byd-adnabyddus Edward Lloyd. Yr oedd gan Dr. Hopkins ddau frawd—y ddau yn organwyr. Pan yn wyth oed aeth Edward John Hopkins i gor enwog y Capel Brenhinol; cor ym mha un y mae nifer mor fawr o brif gerddorion Lloegr wedi cymeryd rhan, drwy gwrs y canrifoedd. Wele hanesyn sydd yn dangos ei natur dda fel bachgen. When quite a young child Edward John undertook the care of some geraniums for his mother, who, how- ever, did not approve of the use he made of a valuable china tea-pot for the purpose of watering these flowers. In spite of a solemn promise not to repeat this offence, a very few days afterwards this article of virtu was again brought into similar requisition but hearing footsteps behind him, the boy in at- tempting to suddenly withdraw, acci- dentally dropped his forbidden watering- pot, which was dashed to the ground where it lay broken in small pieces. The little fellow was so grieved when he perceived his mother's sorrow and anger at the loss of her much-prized treasure, that as soon as he had received and got over the righteous punishment for his disobedience, he immediately empted the contents of his money-box into his pocket, went off to the nearest china- shop and purchased a brand new tea- pot, which, with its highly-coloured rose decoration, was-in his eyes-even more gorgeous than the one he had broken. He presented this peace-offering to his mother (who had just returned from an afternoon call) with an embrace so ardent that it had the effect of reducing her bonnet to almost as worth- less a condition as that of the misused tea-pot.