Welsh Newspapers
Search 15 million Welsh newspaper articles
3 articles on this Page
NODIADAU LLENYDDOL.
NODIADAU LLENYDDOL. Y Corned. Myn y doethion a'r brudwyr gyfiawnhau eu hunain ymhob oes, ac un o'r syniadau diweddaraf gan rai o honynt ydyw fod a fynno'r corned presennol a. raarwolaeth ein teyrn. Yn ol rhai o'r daroganwyr seryddol, ni welir mo'r ser hynod hyn and ar adegau o ddigwyddiadau pwysig Bu corned fawr yn ymddangos cyn i Julius Caesar ddyfod i Brydain, a dywed Shakespeare i gomed, neu •oleuadau wybrennol, ragfynegu dyfodiad Owen Giyndwr ond gan fod digwyddiadau pwysig yn cymeryd lie ymhob oes, hawdd ydyw eu eysylltu ag unrhyw ddigwyddiad wybrennol all fod tua'r un adeg. Tra yn so a am gomedau, onid yw yn bryd i rai o'n beirdd ganu i'r ymwelwyr rhyfedd hyn ? Nid wyf yn cofio ond am un neu ddau o'n cyfansoddwyr sydd wedi cael y weledig- aeth farddol" a haeddant. Un o'r disgrif- iadau goreu o gomed y gwn am dano yw leiddo Watcyn Wyn, yr hwn a ganodd am un o honynt— Seren wib yn croesi'r ne-a llusgo Llosgwrn fythol ole Ni wyr y serydd gore Am hon na'i throion na'i thre. Y mae Islwyn, hefyd, yn un o'i bryddestau, wedi gweled llu mawr o honynt nes eu gwneud fel ser cyffredin. Dyma ddywed- Di rif gomeiau ar hynt, Heibio'r ser y brysurynt Cenhadon gloewon drwy heulog leoedd, Ar wibiadau n ymweled a'r bydoedd, Gan gyfarch s,-r fil miloedd -vm wibiant, Teithiant, a chwalant drwy r holl ucheloedd, A throant oil wrth y rheol-a roed Gan yr Awdwr Dwyfol Heb lygad d'rawiad ar ol—nac ymlaen Oil yn adwaiii eu llinell hynodol. A all y eyfausoddwr a swynodd yr Athro Morris Jones gydai ganig i'r Lloer ragori ar hyn ? Elphin a'r Gomed. Ac mae'r bardd Elphin, yn ei gyfrol ddiweddaf, yn apelio at Gomed am ryw eglurhad ar gwestiynau mawr dynoliaeth 41 Pa beth yw bywyd ? Pa beth yw angeu ? a chyfarch hi fel hyn— 0 aros, aros, ar dy ddyrus daith, Y gomed wyllt hirwalltog, mwy dy glod Wyt ti na'r ser sefydlog, mynd a dod Yn ol a blaen a wnei drwy'r gwagle maith Diystyr wyt o lywodraethol raith, Ond drwy'r gyfrwyllog emog nen dy nod A'th nwyd yw treiddio i bell-derfynau bod, A darllen cyfrin rol y dwyfol waith. Cyn myned. gomed gain, dadlena i'm Beth welaist ar dy chwyrn orffwyllog rawd Drwy'r nos bum innau'n beiddgar chwilio sawd Bydysawd a bodolaeth, ond y dim A deimlwn byth a'r anherfynol daw, A'm gwib-feddyliau gilient yn eu braw. Ac nid yw'n syndod i'r bardd fod heb ateb i'w holiadau dwys am Fywyd ac Augeu, pan ddeallir na rydd y gomed druanond ychydig o hanes ei throion ei hun i'r gwyddonwyr. mwyaf materol, heb son am geisio ateb holiadau ysbrydol ein beirdd cyfriniol! 0 For i Fynydd." Dyna ydyw enw cyfrol ddiweddaf y bardd Elphin, ac mae'n un o'r cynyrchion goreu sydd wedi dyfod allan o'r wasg Gymreig er's talm. Fel rheol, cyfrol o ganeuon neu awdlau geir gan ein beirdd, a dyna'r dosbarth, efallai, sydd a mwyaf o fynd arnynt, eithr am y gyfrol hon, cyfrol o farddoniaeth ydyw. Yr oeddwn yn adnabod Rlphin" o'r blaen fel critig o'r radd flaenaf, ac fel tuchanwr diail, eithr yn y gwaith newydd hwn y mae'n ymddangos yn y cywair dif- rifol, fel bardd a chanddo gennad, fel awdwr am gadw i fyny safon oreu barddoniaeth cin. Genedl. Fel bardd natur y gwelir Elphin yn ei holl gyfansoddiadau, ond y mae'r cyfriniol a'r breuddwydiwr yn rhedeg drwy bob llinell o'i eiddo. Beth yw Bywvd ? yw'r holiad mawr geir yn ei gerdd 0 for i fynydd," ac er holi y mae'n methu ateb- Beth sy'n cynnal pwn Yr hollfyd ac yn llywio'i gylchdro drwy Y ceugant du ? A'i ynm'r olwyn crwn Materol ? Ynte ysbryd cymaint mwy Na dynion ag yw'r byd uwchlaw eu pebyll hwy ? Pwy ond ein Ner Ddarparodd fodd i fwydo'r egin ir ? Pwy roddodd wlaw a haul i'w liwio'n der Fel gwallt y gomed glaear a'i gwyllt-dro rhwng y ser ? Ac er holi ymhob cyfeiriad, yr unig gysur yw, fod yna "law ddeil dy ben heb suddo nos na dydd," ac ond byw bywyd glan ac uniawn, na fydd raid i'r un plentyn ofni'r nos. Rhagor na chael cerddi cyfriniol am fywyd, ceir yma rai yn y cywair lleddf, sef galar gwynion ar ol Ap Ffarmwr, Elwyn, a Fy Mam. Nis gellid wrth ddim mwy tyner nag a gbir yn rhai o'r caniadau hyn. Ar ddiwedd y gyfrol ceir nifer o Sonedau y Nos," ac yn y rhain y ceir y bardd ar ei oreu. Mae'r gyfrol drwyddi yn llawn swyn, a dylai gael darlleniad helaeth gan y rhai a holant beth yw Barddoniaeth, a chan bawb sydd am weled y Gymraeg yn ei cheinder a'r awen yn llawn nwyfiant ymhob pennilL Cyhoeddir y gwaith gan Mri. Hugh Evans a'i Feibion, Lerpwl, mewn llian hardd am dri a chwech. Mr. Alfred Nutt. Gyda gotid a galar dwys y elywais ddech- ieu yr wythnos hon am ddiwedd adfydus y cyhoeddwr enwog a'r llenor coeth, Mr. Alfred Nutt. Yr oedd yn adnabyddus iawn yn y cylchoedd Oymreig; yn un o ffyddlon- iaid cyfarfodydd y Cymmrodorion, ac yn un o'r awdurdodau goreu ar Len-gwerin Cymru a'r rhamantau Arthuraidd. Ysgrifennodd lawer i'r Cymmrodor, a chyhoeddodd gyf- rolau gwerthfawr yn ymwneud a hen hanes ein cenedl, ac yr oedd bob amser yn barod i gefnogi pob mudiad oedd a'i a mean i lesoli ein llenyddiaeth a gwneud ein hines yn fwy adnabyddus i'r efrydwyr ieuainc. Ac mae'r modd y collodd ei fywyd yn drist i'r eithaf. Trwy ddamwain taflwyd ei fab, yr hwn sydd fud a byddar, o'i gerbyd i'r afon Seine, ym Mharis. Neidiodd y tad i'r afon er achub y truan, ond yn yr ymgais collodd ei fywyd, tra y llwyddodd y rhai oedd ar y lan i achub y plentyn. Bydd yn chwith gweled ei le yn wag yn ein prif gyfarfodydd, a sicr fod y cyhoeddwyr Llundeinig wedi colli'r dysgedicaf a'r mwyaf tyner-galon o'r cwmni i gyd.
[No title]
Gosodir carreg sylfaen y Llyfrgell Genedlaethol, yn Aberystwyth, ar yr 28ain o Orphenaf. Disgwylir llu o flaenoriaid y genedl yno ar yr achlysur. Crynwr yw Mr. J. E. Southall, y cyhoeddwr. Cymreig o Gasnewydd a phan yn ymweled a'r llys lleol yr wythnos ddiweddaf, gwrthodai dynnu ei het oddiar ei ben. gan y cred nad oes neb ond Duw yn deilwng o'r fath arddangoseg o barch. Ddechreu yr wythnos hon, daeth y newydd o ardal Talyllyn, Brycheiniog, am farwolaetli sydyn Mr. Rees Davies.gynt o Harders Road, Peckham, a blaenor fIyddlawn yn Eglwys Lewisham am flynyddoedd lawer. Anfonodd Maelor" lythyr o gydym- deimlad a'r Frenines yn ei galar, ynghyd a marwnad ar ol y Brenin Iorwerth. Mae'r farwnad yn Saesneg, ac os oes rhai o'n darllenwyr am ei sicrhau, gellir cael copi am 2c., ond anfon at yr awdwr-" Maelor," 45, Sweaton Road, Bow, E.
MYNEDIAD IORWERTH.
MYNEDIAD IORWERTH. Mae cnul cloch y Llan yn cydraddoli pob safle. Daw'r gwerinwr a'r tywysog ochr yn ochr, a gorfodir pawb i addef mai o'r un priddyn eu gwnaed, ac mai i'r un priddyn y deuant. Caed engraifft ddwys o hyn yr wythnos ddiweddaf pan yn rhoddi Iorwerth Frenin i huno gyda'i dadau. Ni chafodd deyrnasu ond am ychydig dros naw mlynedd, ond yr oedd fel dyn a thywysog wedi ennill serch a safle bwysig iawn yn nheimlad ei bobl. Profodd ei angladd fod ei fri yn rhagori ar eiddo pob brenin arall. Ni fu mewn hanes y fath gynulliad o bobl mewn unrhyw gynhebrwng. Ni welwyd erioed y fath dorf o Frenhinoedd a Breninesau a Thywysogion wrth fedd unrhyw deyrn, ac ni alarodd unrhyw genedl yn fwy dwys am golli cyfaill a char nag a wnaeth gwerin Prydain ar yma- dawiad y Brenin Iorwerth. Ddydd y claddu. Ynghanol tywydd dryccinog torrodd yr haulwen yn ei gogoniant i ganu'n iach i'r Teyrn hwn. Fel y tyrrai'r miloedd yn wynebdrist i wylio ochrau'r ffyrdd, daeth yr hiri hafaidd megis i sirioli pawb, ac ni welwyd erioed y fath dyrfaoedd wedi ym- gasglu ar lannerch mor gyfyng. Rhyw bedair milldir oedd hyd y daith, ond yr oedd pob modfedd o'r tir a'r palasdai cylehynol wedi eu llenwi a galarwyr. Yr oedd cyn- rychiolwyr pob gwlad yno i dalu eu gwarog- aeth i golfa gwr mor siriol, a phob gradd o bobl yn barod i gydnabod fod megis un o'r teulu wedi ei golli yn hwn. Er cymaint rhwysg y brenhinoedd oedd yn dilyn yr arch, yr oedd gweddillion Iorwerth a'u blaenorent yn tystio a llef uchel mor ddynol, wedi'r cyfan, ydyw pob mawredd a berthyn i'w safleoedd a'u dylanwad. Coffhad ei enw. Trowyd y dydd y daearwyd ef yn ddydd o alar a hiraeth. Cynhaliwyd gwasanaethau i'w goffa ymhob capel a Llan drwy'r deyrnas, a piirofai'r torfeydd ddaethant ynghyd fod ei goffa yn anwyl gan bob plaid a dosbarth. Ymysg Cymry'r (ldinas hon cafwyd gwasan- aetii arbennig yn Eglwys St. Benet yn y prydnawn, lie y gwasanaethwyd gyda dwys- der gan y ficer, y Parch. J. Crowle Ellis. Yn yr hwyr bu gwasanaeth cyffredinol yn y Tabernacle, King's Cross, dan arweiniad y Parch. H. Elfet Lewis, M.A. Yn y ddau Ie chwareuwyd anthem coffa'r marw yn hynod o ddwys gan yr organyddion. Ymhrif drefydd Cymru cafwyd gwasanaethau cyff- elyb, a dangoswyd ychydig o ysbryd hedd- ychol a rhyddfrydig y teyrn ei hun ynglyn a rhai o honynt, canys gwasanaethwyd mewn eglwysi gan weinidogion Ymneilltuol &c mewn addoldai Ymneilltuol gan offeiriad Eglwys Loegr. Dyna brawf fod y culni a gasheai Iorwerth mor fawr yn graddol ddi- flannu o'r tir. Galarwyr ereilL Ac nid anghofiwyd galarwyr ereill yn ystod yr wythnos ddu sydd wedi myned heibio. Mae ardal Whitehaven dan y cwmwL y dyddiau hyn, a thros chwe ugain o lowyr dewr wedi eu colli yn y danchwa. A'r hyn wna'r alanas yn fwy chwerw ydyw'r ffaith fod yn arnhosibl dyfod o hyd i gyrfE y meirwon. Mae'r pwll wedi ei selio er diffodd y tan, a'r gofid yw, fod llu mawr o blant a gwedd- won wedi eu gadael yn ddiamddiffyn. Yn Whitehaven ni chaed yr un cynhebrwng! Mae'r cyfan wedi gorffen mewn mudandod dwys. Yn Llundain, o'r ochr arall, gwar- iwyd miloedd o bunnau am seddau i weled yr orymdaith frenhinol. Yn wir, faint y Flwm a dalwyd y mae'n anhawdd dychmygu. Telid o gan punt i dair mil o bunnoedd am un ty, ac adeiladwyd seddau o'r tu allan i