Welsh Newspapers
Search 15 million Welsh newspaper articles
5 articles on this Page
CYFARFODYDD.
CYFARFODYDD. CYFARFOD MISOL LLUNDAIN. Jewin Newydd, Ebrill 27ain, 1910. Llywydd, Parch. J. Thickens. 1. Dechreuwyd gan y Parch. F. Knoyle, B A. 2. Cadarnhawyd cofnodion y C.M. blaenorol. 3. Darllenwyd llythyrau yn cydnabod cydymdeimlad y C M. oddiwrih Mri. E. W. Jones, Holloway, a R. Humphreys, Willesden Green. 4. Cydnabyddwyd yn gynnes iawn bresenoldeb y Parch. J. J. Roberts (Iolo Caernarfon) yn y cyfarfod. Llawenhawyd oherwydd gweled y Parch. D. Davies, Walham Green, gyda ni eto ar ol ei hir gystudd, ac hefyd oherwydd penderfyniad y Parch. F. Knoyle, B.A., i barhau i wasanaethu y Cyfundeb o fewn cylch ein C.M. 5. Coffahwyd yn dyner ac yn hir- aethus am y Parch. J. Elias Hughes, M.A., yr hwn fu yn weinidog cymeradwy a llwyddiannus iawn ar Eglwys Wilton Square am ddwy flynedd ar bymtheg, ac a gadwodd ei aelodaeth yn yr eglwys honno ac yn y C.M. hyd ei fedd. Cafwyd sylwadau tra gwerth- fawr gan y Parchn. J. E. Davies, M.A., S. E. Prytherch, Mr William Evans, ac Iolo Caernarfon am alluoedd, cymeriad, a gwasanaeth eithriadol Mr. Hughes, a phasiwyd yn unfrydol, drwy i'r holl » frawdoliaeth godi ar eu traed, Ein bod yn cydym- deimlo yn ddwys a'r plant sydd yn awr wedi eu gadael heb dad na mam, ac a. brodyr a chwiorydd a pherthynasau ein hanwyl frawd yn eu hiraeth a'u trallod mawr Penderfynwyd hefyd osod yng ngof- nodion y C.M werthfawrogiad o garedigrwydd mawr Eglwys Wilton Square tuagat Mr. Hughes a'i deulu, yn arbennig yn ystod ei afiechyd maith a blin. Diolchwyd i'r Parch. R O. Williams am gynrychioli y C.M. yn yr angladd yn Llanelwy, ac i Mr. R. Thomas am ei sylwadau gwerthfawr wrth wneud cotia am Mr. Hughes yng Nghymdeithasfa y Wyddgrug. Hysbyswyd am waeledd diweddar Mrs W. Prydderch Williams, ond datganwyd llawenydd am ei hadieriad, a phenderfynwyd anfon annerch y C.M. yn serchog iawn at y teulu. Cydymdeimlwyd a Mr. H. T. Lewis, Falmouth Road, a'r Parch. W. W. Lewis, Abertawe, oherwydd marwolaeth eu mam, ac a Mr. T. R. Jones, Clapham Junction, yng ngwyneb marwolaeth ei frawd yntau 6. Agorwyd y gist i ddychwelyd gweithredoedd Eglwys Falmouth Road, Mr. G. W Jones yn gofalu am y cofnodion. Yn unol a rhybudd y Parch. D. Oliver, penodwyd Mr. E. Daniels yn ofalwr sefydlog y gist, i gadw y cofnodion angen- rheidiol, ac i wneud ymchwiliad i gynnwys y gist ar hyn o bryd. 7. Rhoddodd ein cynrychiolwyr i'r Cymdeithasfaoedd adroddiad dymunol o weithred- iadau y Cymdeithasfaoedd, Mr. T. Benjamin yn adrodd am Gymdeithasfa'r Pentre, a'r Parch. R. 0 Williams am Gymdeithasfa'r Wyddgrug. 8. Ystyr- iwyd a chymeradwywyd ceisiadau rheolaidd am fenthyg arian yn ddilog o Gronfa Fenthyciol y C.M. 9. Adroddiad Pwijllgor yr Achosion Veiv.,ydclion.-Hys- bysodd yr ysgrifennydd, Mr. G. W. Jones, ei fod wedi tretnu a'r Parch. S. E. Prytherch i bregethu i'r cyfeillion yn Watford nos Sul, Mai laf, ac i'r Parch. G. H. Havard i bregethu yno Mai 29ain. Hefyd fod eglwysi Shirland Road, Willesden Green, Mile End Road, a Hammersmith, wedi cydsynio a chais y Pwyllgor am gael gwasanaeth eu gweinidogion i Wat- ford un nos Sul yn y flwyddyn. 0 barth i Gymry Southampton, hysbyswyd fod yno anhawster i gynnal gwasanaeth Cymreig yn y lie oherwydd mai ychydig iawn yw nifer y Cymry sydd yno, ac mai anaml yr erys y morwyr yn y lie dros ragor nag un Sul. Pender- fynwyd fod grant o 250 yr un i'w roddi i eglwysi Stratford, Lewisham, Walthamstow, Wood Green, ac Ealing. Diolchwyd i Mri. W. Hughes ac R. Lloyd am archwilio cyfrifon yr eglwysi sydd yn derbyn grants o'r C.M Anogwyd yr holl eglwysi i orffen eu trefniadau gweinidogaethol gogyfer a chwe mis olaf o'r flwyddyn yn gyflawn ac mewn pryd, a'u cyhoeddi a'u hargrarfiu yn y Cylch." 10. Adroddiad y Pwyll- gor Ariannol (a) Cyflwynwyd nodyn am £50 o Eglwys Willesden Green i'w ddiddymu (b) Awdur- dodwyd y Llywydd, yr Ysgrifennydd, a Mr. G. W. Jones, Lewisham, i arwyddo nodyn newydd am E160 i eglwys Lewisham (c) hysbyswyd fod y pwyllgor wedi ystyried ystadegau ariannol eglwysi Stratford, Lewisham, Walthamstow, Wood Green, ac Ealing, ac yn cymeradwyo rhoddi y grants i'r eglwysi hyn a awgrymai gan is-bwyllgor yr Achosion Newyddion. il Adroddiad y Pwyllgor Diruestol: (a) Penodwyd y Parch. D. Tyler Davies yn llywydd y pwyllgor am y flwyddyn, a Mr. 1. T. Lloyd yn ysgrifennydd (b) anogir yr eglwysi hynny sydd eto heb sefydlu Cym- deithas Ddirwestol, i wneuthur hynny ar unwaith. 12. Adroddiad y Pwyllgor Adeiladu (a) Hysbyswyd fod y pwyllgor yn cymeradwyo cynllun capel newydd Willesden Green. Bwriedir iddo eistedd 400. Hyderir na fydd traul ei adeiladu uwchlaw 23,900, ac y gellir cael telerau boddhaol oddiwrth yr Ecclesi- astical Commissioners. Enwyd i lawnodi y gweith- redoedd gyda'r ymddiriedolwyr y Parch. J. Thickens, Mri. E. Hughes. W. Lewis, T. Williams, W. E. Evans, o Willesden Green, a'r Parch. D. Tyler Davies, Mri W. Price, Shirland Road, a Howel J. Williams, Charing Cross Road. 13. Hysbyswyd y orffennir y casgliad o fewn cylch y C.M at dysteb y Parch. T. J. Wheldon, B.A., ddiwedd mis Mai 14. Gohiriwyd penodi cynryohiolwyr i'r Gymanfa Gyfi- redinol hyd y C M. nesaf. 15. Diweddwyd gan Mr. f. J. Anthony, Shirland Road.
Am Gymry Llundain.
Am Gymry Llundain. Y SULGWYN.- WeJe'r Sulgwyu wrth y drws ond tystiai'r tywydd am yr wythnos hon mai gaeaC ydyw hi CYMANFA'R BORo'Ar adeg y Sulgwyn y cynhalia hen eglwys y Boro' ei chyfarfodydd pregetbu blynyddol. Dechreuir yr odfeuon ar nos Wener, a pharheir y gyfres hyd nos Lun. Y doniau dieithr eleni ydynt y Parchn. 0, L Roberts, Lerpwl, a D. Esger James. YN OL YN LLUNUAIN. Mae'r gantores Madame Teify Davies yn ol yn Llundain ar ol bod ar ymweliad llwyddiannus a'r America. Bwriada hi a'i phriod ddychwelyd eto tu hwnt i'r don yn yr Hydref. GWAITH YR LIAF.-Mae nifer o gymdeithasau teithiol a chlybiau chwareu wedi eu trefnu gogyfer a difyrwch ein pobl ieuainc yn ystod tymor yr bâf, ond hyd yn hyn nid oes fawr o argoelion am dywydd a'n hargyhoedda fod y fath dymor i ddod. GWIB-DEITHIAU.—Trefnir amryw wib-deith- iau, ynglyn a'r Ysgolion Cymreig, ar y Llungwyn, a diau y tyrra'r lluoedd i'r wlad os ceir hin sych a gwenau yr haul. YR ACT OLAF.—Yn ystod yr wythnos nesaf, bydd y Llundeinwyr yn talu y gymwynas olaf i goffa'r Brenin Iorwerth. Gosodir ei weddillion mewn man cyfleus i'r cykoedd dalu eu teyrnged o barch i'w enw, a sicr y bydd cynulliadau anarferol yn ymdynnu tua Westminster Hall. CYFARFODYDD MAWR.—Adeg y Oyrddau Mawr ydyw mis Mai, ac ar y Sul cyntaf o'r mis cynhaliodd eglwys Radnor Street ei chyfarfod blynyddol, pryd y gwasanaethwyd gyda sel a brwdfrydedd gan ddau o ddoniau blaenaf yr enwad Anibynnol, sef y Parchn. Samuel Williams, gynt o Faesteg, a D. Stanley Jones, Caernarfon. EGLWYS DEWI SANT.-Gwaith! Gwaith Gwaith Ydyw ein harwyddair. Ar ol i ni orffen yr Eglwys a thalu y ddyled a chael y Neuadd Eglwysig yn gysurus i gynnal Ysgol Sul a chyfarfodydd amrywiaethol ereill, yr ydym yn awr ar ddechreu adeiladu Ficerdy hardd yn ymyl yr eglwys, ar lecyn prydferth a thawel, allan o swn a dwndwr y prifheolydd. Bydd y Ficerdy newydd yn cael ei amgylchynu gan goedydd gwyrddlas- a henafol nodweddol o hen eglwys y Cymry, ond rhaid diwreiddio un hen goeden sydd wedi bod am ganrifoedd lawer yn estyn allan ei changenau deiliog, ac wedi bod yn gysgod i ddyn ac anifail am lawer oes, pryd nad oedd ond ychydig o dai annedd yn y gymdogaeth. Y pensaer ydyw Mr. Saunders, o Camden Town yr adeiladwyr, Meistri Sheffield Bros., o Dalston (cwmni o Gymry o Gaerdydd). Mae'r hen wraig, eu mam, yn gallu siarad Cymraeg. Y mae'r ty i gostio oddeutu deuddeg cant o bunnau, a'r tir wedi ei roddi yn rhad i'r Eglwys ers llawer o flynyddau bellach. Ar ol ei orffen fe fydd yn gaffaeliad mawr i'r achos ac i'r offeiriad i fyw yn ymyl ei eglwys. Yr ydym eto yn fyr o rai cannoedd o bunnau er cyfar- fod a'r treuliau newydd, a rhoddir cyfleustra i ddarllenwyr y CELT i danysgrifio. Derbynir eu cyfraniadau gyda diolchgarwch gan yr ysgrifennydd lleol. EAST HAM. Cynhaliwyd Eisteddfod lwyddiannus iawn ynglyn a'r Eglwys hon yn Enrlham Hall nos Iau ddiweddaf. Llywydd- wyd gan Mr. Roch, M.P. arweiniwyd gan Mr. Dan Jenkins, a chlorianwyd y cantorioii gan Mr. Caradog Roberts, Mus.Bac., F. P,. C. 0., a'r adroddiadau gan y Parch. D. D. John, B. A., Forest Gate. Daeth dros 150 o ym- geiswyr i'r maes, yr hyn sydd yn brawf o'r dyddordeb gymer Saeson y cylch yn yr Eisteddfod. Ysgrifenwyr eleni, fel y llyn- edd, oeddynt Mri. D. ac E. Evans, Wood- grange, a'r trysorydd, Mr. D. Evans, Plasket. Lane, a gwnaethant eu rhan yn ganmol- adwy iawn. Disgwylir elw sylweddol iawn o'r anturiaeth.—Nos Sul ddiweddaf, yn lie y gwasanaeth arferol, cynhaliwyd Cyfar- fod Crefyddol y Plant, cysylltiedig a'r Ysgol Sul yn y lie. Cymerodd nifer o honynt ran mewn canu ac adrodd, a chanasant, dan arweiniad y gweinidog, nifer o donau o Ganiedydd yr Ysgol Sul." Anerchwyd y cyfarfod gan Mri. J. L. John a J. Davies; datganwyd gan Mri. Geo. Griffith a Silas Morgan, a chyfeiliwyd yn gynorthwyol iawn gan Mr. Tom Lloyd. Telir sylw mawr i'r plant, a chafwyd prawf o'r hyn all cyfarfod o'r fath wneud i dynnu allan adnoddau y to ieuanc. Terfynwyd y cyfarfod trwy i'r oil o'r plant adrodd Gweddi yr Arglwydd."
BYDD YN SIRIOL.
BYDD YN SIRIOL. Ti, sydd dan dy faich yn gruddfan, Edrych o dy amgylch weithian Y mae'r byd yn llawn sirioldeb, Gwisg hyfrydwch dros ei wyneb. Adar man y coed sy'n pyncio, Ac mae r wyn yn llawen ddawnsio Ond dros ddyn bu Duw yn gwaedu Dyna destyn iti ganu Gwena'r hardd flodeuyn bychan Ar y mynydd wrtho'i hunan, Er i tithau'n falch ei sangu, Hyd ei farw deil i wenu. Os daeth arnat dywydd garw, Daeth ar arall lawn mor cbwerw Pan wyt ti yn nursio'th friwiau, Rhywun sydd yn nyfnion angau. Pan fo'r byd o'th gylch yn gwgu, Dangos werth cymdeithas lesu Gad i'r byd gael gweld fod crefydd 0 ryw fantais mewn ystormydd. Os yw'th ffydd ar lwybyr bywyd, Yn troi'n fethiant pan ddaw adfyd, Pa'm disgwyli deil dy bwysau Ar hyd dyffryn unig angau' ? Edrych ar y byd yn siriol, Y mae Duw'n rheoli n dadol Pan fo nen y byd dywylla, Y mae ser y Net oleua. LLEW. HUGHES.
[No title]
Er mai fel Tywysog Iorwerth yr adna- byddir y llanc a fydd y Tywysog newydd ar Gymru, yr oedd y Frenhines Victoria yn hoffi ei alw yn Dafydd, gan fod Dafydd hefyd yn un o'i enwau. Yr oedd hi yn awyddus i roddi pwyslais ar yr enw Dafydd, gan yr hoffiai feddwl am y dydd pan welid Y Brenin Dafydd" yn rheoli dros Brydain.
NODIADAU LLENYDDOL.
phesychu, yr un fath ag ef. Yr oedd Sion Evan yn un o'r ddau y gwnaeth Oaledfryn englyn digrifol a nod- weddiadol iddynt, sydd yn diweddu fel hyn- Sion Evan sydd yn nofio, Ynddo'i hun mae'i nefoedd o.' Gwthiai un ei hunan i adnabyddiaeth pob gweinidog o Gymru a ymwelai a. Llun- dain, a mynai fod yn arweinydd iddo i ddangos rhyfeddodau y Brifddinas, neu ei gynorthwyo i gasglu. Awgryma fod y Hall yn cael mwy o fwynhad yn ei ddoniau ei hun nag a gaffai ereill wrth wrando arno." Nid yw'r gyfrol ond swllt, a chyhoeddir hi gan Mr. H. Evans, y Bala, a haedda ddarlleniad helaeth gan bawb sy'n hoffi clywed son am rai o hen gewri y genedl yn yr oes o'r blaen.