Welsh Newspapers
Search 15 million Welsh newspaper articles
4 articles on this Page
CYMANFA'R PASC.
CYMANFA'R PASC. METHODISTIAETH YN LLUNDAIN. Pa bryd y dechreuwyd Cymanfa'r Pasc ymhlith Cymry Llundain, nid oes sicrwydd, ond y mae ar fin cyrraedd ei chanfed flwyddyn. Ac er fod yr hanes swyddogol yn cyrraedd yn ol i 1813, neu 1812, rhaid cofio fod cyfarfodydd pregethu wedi eu cynnal ar y Pasc yn Llundain cyn diwedd y ddeunaw- fed ganrif, fel mai nid peth dieithr yw cael uchel wyliau y pregethwyr ar yr adeg hon o'r flwyddyn. Ond y mae gwedd tra gwahanol i'r cyn- ulliadau a geir yn awr i'r hyn a welwyd ddechreu y ganrif o'r blaen. Yn lie un neu ddau o leoedd pregethu, ac ychydig ffyddlon- iaid yma ac acw yn y ddinas, y mae'r Cymry wedi ad-feddiannu y ddinas wrth y miloedd, a'r eglwysi Cymreig uwchlaw 30 mewn nifer. O'r nifer hwn, saif y Methodistiaid Calfinaidd ar ben y rhes, fel prif enwad y Cymry, ac o dan nawdd y Cyfundeb hwn y cynhelir Cymanfa'r Pasc. Ystadegau y Flwyddyn. Erbyn adeg cynnal y Gymanfa y mae holl gyfrifon y Cyfundeb yn cael eu cyhoeddi, a gofelir am y rhain gyda'r fath fanylder ag sy'n brawf o lafur dirfawr ar ran yr ystadegwyr. Yn y llawlyfr gyhoeddwyd ar foreu'r Grog- lith ceir fod sefyllfa y Cyfundeb yn Llun- dain ar hyn o bryd fel a ganlyn Capelau a Lleoedd Pregethu 16 Canghenau Ysgolion 9 Gweinidogion 14 Pregethwyr 8 Aelodau 4263 Plant 1236 Gwrandawyr 5955 Athrawon yr Ysgol Sul 247 Ygolheigion. 2190 Prawf yffigyrau hyn fod adran helaeth o Gymry Cymreig y ddinas yn perthyn i'r Cyfundeb Methodistaidd, a dengys y ffigyrau mai nid gwanhau, eithr myned ar gynnudd y mae'r Eglwysi. Yn rhagor na bod yn enwad poblogaidd mae'r Cyfundeb yn llawn gweithgarwch yn ogystal, fel y gwelir oddi- wrth y symiau a gasglwyd tuag at yr achosion :— Casgliadau yr Eglwysi £ 3996 At Ddileu Dyled Capelau 1722 Ardreth Eisteddleoedd 892 Cyfanswm y Casgliadau 9188 Cyfrifir fod gwerth presennol yr eiddo ym meddiant y Cyfundeb dros gan mil o bun- nau, ac o'r sum hwn y mae dyled drom o £ 43,026 yn aros heb ei thalu. Yr eglwysi mwyaf Iliosog eu haelodau gan y Cyfundeb yn Llundain ydynt- Charing Cross 771 Jewin Newydd 646 Falmouth Road 391 Shirland Road 385 ac mae rhagolygon cynyddol i amryw o'r achosion newydd sydd wedi eu sefydlu yn ystod y deng mlynedd diweddaf hyn. Doniau Dieithr. Trefnir i nifer o wyr blaenaf y Cylundeb dalu ymweliad a'r Eglwysi ar adeg y Gym- anfa, ac eleni cafwyd presenoldeb y gwyr da. hyn- Parchn. David Williams, Llanwnda; J. Cynddylan Jones Robert Jones, y Rhos; John Williams, Caergybi; W. Elias Wil- liams; Ellis James Jones; John Williams, Brynsiencyn Robert Williams, Glanconwy David Hoskins W. R. Jones T. M. Pierce D. H. Lloyd; Jenkin Jones, Barri David Davies, Miskin; a Gwilym Williams, Cei- newydd. Daeth mwyafrif y brodyr hyn ynghyd i'r Seiat Gyffredinol, yr hon a gynhaliwyd yn New Jewin foreu'r Groglith am ddeg o'r gloch. Llywyddwyd y gweithrediadau gan y Parch. John Thickens-cadeirydd y Cyf- arfod Misol-a daeth cynulliad mawr ynghyd. Y Parch. Ellis James Jones oedd y gwr a drefnwyd i wneud sylwadau ar yr ystadegau, a doeth y gwnaed y penodiad, canys un o hen fugeiliaid eglwys Lundeinig yw'r Parch. Ellis J. Jones. Dyddorol oedd ei glywed yn adrodd rhai o'i brofiadau pan yma yn llaf- urio, ac yn cymharu sefyllfa lewyrchus bresennol yr Eglwysi i'r hyn oeddent 25 mlynedd yn ol, pan ddaeth ef yma yn fugail am y tro cyntaf. Yr oedd yn llawen ganddo weled y cynnydd, a deall fod popeth yn llwyddo yn eu mysg; ac er cymaint yr anhawsterau ieithol a theuluol, credai fod cenhadaeth arbennig gan yr Eglwysi Cym- reig i'w cyflawni.
[No title]
Dylai pob Cymro brynnu y Celtic Brooch." Y gwneuthurwyr ydynt Rainforth & Son, jewellers, Newport. Y mae yn brydferth iawn.
Advertising
YN Y WASG, AC YN BAEOD YN FUAN. 50 o DONAU CYNULLEIDFAOL ar Emynau Adnabyddus a Chynefin GAN T. VINCENT DAVIES. PRIS: Hen Nodiant, 2s.; Sol-ffa, Is. 6d. Telerau Neilltuol i danysgrifwyr o 6 copi ac uchod. Esiamplau o 12 o'r Tonau (Hen nodiant yn unig heb y geirian) i'w cael ar dderbyniad dau stamp Id. gan yr Awdwr, 31, LUCERNE ROAD, HIGHBURY, N.
Am Gymry Llundain.
gwellhad cyflym. Bywyd fel eiddo Mrs. Jones yw un o'r profion cryfaf o blaid efengyl Iesu Grist. UNDEB Y GWEINIDOGION.-Cynhaliodd yr Undeb uchod ei gyfarfod misol, Mawrth 14, yn nhy Mr. a Mrs. Havard (Wilton Square), 5, Canonbury Park South, N. Llywyddwyd y cyfarfod gan y Parch. S. E. Prytherch. Datganwyd cydymdeimlad yr Undeb a Mr. a Mrs. D. Oliver, Mile End, yngwyneb gwael- edd peryglus Mrs. Oliver, yr hon sydd wir barchus gan Gymry y ddinas ar gyfrif ei chymeriad Cristionogol difrycheulyd a'i hymgysegriad i waith yr efengyl yn Llun- dain. Deallwn ei bod yn well ei hiechyd yn awr Pasiwyd pleidlais yn datgan y teimlad o chwithdod i golli o'n mysg y Parch. E. T. Owen, Battersea Rise. Bwriada symud o'r dref yn adeg y Pasc i weinidogaethu i'r eglwys yn Saron, Llangeler, Sir Gaerfyrddin. Dymunwyd ei lwyddiant a'i gysur yn ei faes newydd. Rhoddwyd croesaw gwresog i'r Parch. W. Rhys, Kensington (Moorfields gynt) ar ei ddychweliad adref o'i deithiau yn Canada a'r Unol Daleithau. Datganwyd diolch i ragluniaeth Duw am ei ofal drosto a thros ei deulu yn eu teithiau yngwlad y Gorllewin. Bu Mrs. Rhys, Miss Kate Cordelia Rhys, a'r delynores enwog, Miss Bellamy, yn cynnal cyfres o gyngherddau yn yr Unol Daleithau, a rhoddwyd iddynt dder- byniad brwdfrydig iawn gan wahanol gen- hedloedd yn America. Mwynhawyd yn ddirfawr eu canu, yn arbennig yr hen alawon Cymreig. Rhoddwyd i'w datganu a'u chwarae gymeradwyaeth uchel gan newydd- iaduron Americanaidd, a gwnaeth pregethu efengylaidd argraff ddofn ar y cynulleidfa- oedd mawrion yn y wlad.-Cafwyd dadl alluog yn y cyfarfod ar "Y Pulpud a Chwestiynau Cymdeithasol." Y Parch. J. Machreth Rees arweiniodd un ochr, a'r Parch. T. F. Jones arweiniodd yr ochr arall. Cafwyd cyfarfod adeiladol iawn. Rhoddodd Mr. a Mrs Havard, yn cael eu cynorthwyo gan Mrs. Williams a Miss Jenkins, Bucking- ham Road, N., dderbyniad caredig i'r Undeb, a datganwyd diolch brwdfrydig iddynt am eu croesaw tywysogaidd. Mynegwyd mai y Parch. D. Oliver sydd i arwain y cyfarfod nesaf ar Ddylanwad Darwin ar ddysgeid- iaeth ddiweddar." Mae yr Undeb yn cryf- hau ac yn dyfod yn ddylanwad addysgol grymus. Aed rhagddo. SIBLEY GROVE, EAST HAM. — Nos Iau, Mawrth 17eg, cynhaliodd hen lanciau y lie eu gwyl blynyddol, pryd y daeth nifer liosog o Gymry y cylch a chyfeillion o'r ddinas ynghyd i fwynhau o'r danteithion. Cymerwyd rhan yn y cyfarfod gan dalentau lleol, ac hefyd gan Miss Maud Williams (Holloway), Miss Barber (Walthamstow), Miss Louie Jones (Camden Town), Miss Anita Lloyd (Forest Gate), Miss Laura Roberts, Mr. Fred Reynolds, Mr. Stevens (King's Cross), a Mr. Dunford Jones, Paddington, y rhai a ganasant yn hynod o swynol. Cyfeiliwyd gan organydd y lie, Mr. T. E. Lloyd. Cadeiriwyd mewn modd deheuig gan un o'r hen lanciau, sef Mr. Evan Evans, Forest Gate, a chaiwyd anerch- iad amserol a phwrpasol dros ben ganddo. Drwg iawn gennym ei fod yn torri cysylltiad a ni yr hen lanciau, ac hefyd fel eglwys yn y lie. Y mae yn symud i ddinas Birmingham, a'n dymuniad ni oil iddo ydyw Duw yn rhwydd iddo." Gwnaeth boneddigesau y lie eu gwaith yn ardderchog yn narpariad y danteithion, &c. Cynygiwyd y diolchiadau arferol gan Mr. J. 0. Jones, Bank House, yn cael ei gefnogi gan Mr. Wm. Griffiths, a chaniatawyd i'r Benedict, Mr. Geo. Griffiths, i derfynnu trwy ganu Hen Wlad fy Nhadau." ST. PADARN, HOLLOWAY. Mae eglwys newydd St. Padarn (Seven Sisters Road), Holloway, i gael ei hagor cyn diwedd y mis hwn. Cymer y gwasanaeth dyddorol le prydnawn Iau, Ebrill 21ain, am dri o'r gloch, pryd yr arweinir gan Archddiacon Sinclair, ac yn yr hwyr yr un dydd pre- gethir gan y Parch. G. Hartwell Jones, D.D., Rheithor Nutfield. Y Sul canlynol, Ebrill 24ain, pregethir yn y lie gan y Parch. D. Jones, Abererch, foreu a hwyr, ac yn Saesneg am dri o'r gloch, gan y Parch. D. Bryant, D.C.L. Y mae'r eglwys newydd yn adeilad cysurus iawn, a diau y daw yn ganolfan poblogaidd gan eglwyswyr Cymreig y Gogleddbarth. Deallwn fod Mr. Idris Lewis wedi ei benodi yn organydd yr eglwys. LLANRHYSTUD CEREDIGION.-Angladd: Y mae yn ddrwg gennym gofnodi marwolaeth Evan Thomas Davies, mab Mr. Evan a Mrs. Davies, Dalyforwn, Llanrhystud, ar y 17eg o'r mis hwn. Claddwyd ei weddillion mar- wol yng nghladdfa West Ham ddydd Iau diweddaf. Gwasanaethwyd yn y ty, yn yr eglwys, ac wrth y bedd gan y Parch. Lewis Roderick, St. Mair, Camberwell. Daeth mam a chwaer a brawd ynghyfraith yr ymadawedig o Gymry i'r angladd, ac yr oedd hefyd yn bresennol ei weddw o 59, Park Road, Plaistow, a'i frawd John Davies, Union Street, Blackfriars, a llawer o gyfeill- ion. Cyfarfyddodd yr ymadawedig a dam- wain ar y mor rhyw ychydig amser yn ol, ac ni theimlodd yn dda byth ar ol hynny. Glaniodd yn Lerpwl ar yr wythfed o Awst diweddaf ar ei daith yn ol o Philadelphia, a theimlodd mor ddrwg fel y cymerwyd ef i'r clafdy." Ychydig amser ar ol hyn symud- wyd ef i Lundain, lie y bu farw. Gedy weddw a thad a mam a chwiorydd a brodyr i alaru ar ei ol. Cyfeiriodd y Parch. Lewis Roderick yn Camberwell nos Sul ddiweddaf at ei farwolaeth, ym mhresenoldeb rhai o'r perthynasau.