Welsh Newspapers
Search 15 million Welsh newspaper articles
5 articles on this Page
Am Gymry Llundain.
Am Gymry Llundain. Y DYCHWELIAD.—Erbyn hyn mae'r cyn- ulliadau Cymreig yn dechreu llanw, a daw'r eglwysi yn lIawn o addolwyr o hyn allan. Cyn diwedd y mis bydd yr oil o blant y gwyliau wedi dychwelyd. AR Y CYFANDIR.-Mae parti hapus o Gymry wedi myned i'r cyfandir am seibiant, tan arweinyddiaeth Mri. Lloyd-George a Vincent Evans. Ca'r Senedd a'i helbulon, a'r aelodau a'u cwerylon, lonydd nes y deuant yn ol. Y MODURWYR.—Mae pob gwr o nod wedi prynnu car modur erbyn y seibiant Seneddol presennol, a daw'r hanes o'r Alban fod dau neu dri o "wyr y North" wedi myned i wlad y Scot am dro. Pob llwydd iddynt i ddianc rhag damweiniau. CADW'R LLE YMLAEN.—Er fod y meddyg Walter LI. Davies wedi ymadael i ardal Llanidloes, y mae wedi trefnu i'r Dr. Pryce Jenkins gadw'r feddygfa ymlaen yn Oxford Street. Mae Mr. Jenkins yn hen bel-droed- iwr o fri, ac yn adnabyddus i gylch eang o bobl ieuainc y ddinas. "LONDON WELSH" MATCH.—Dyma fydd yr helynt fawr heddyw, ddydd Sadwrn. Mae digon o le i'r torfeydd llawnaf yn y cae newydd sydd gan wyr y bel, a rhoddir croesaw cynnes i'r lluoedd yno ar ddechreu y tymor heddyw. Mae'r cae gerllaw gorsaf West Ham, a gellir cyrraedd iddo o unrhyw ran o'r ddinas ymhen rhyw ugain munud. YN YR UNDEB.—Yr oedd amryw o wyr blaenaf enwad y Bedyddwyr yn Llundain wedi myned i Lanelli yr wythnos ddiweddaf er mwyn bod yn bresennol yn uchel-wyl yr enwad. Siaradwyd yno gan y Parch. Herbert Morgan. Llywyddwyd un o'r cyn- ulliadau gan Mr. John Hinds, a darllenwyd papur dyddorol gan Miss Eleanor Williams. MARWOLAETH CYMRO ADNABYDDUS.—Bydd yn chwith gan lu mawr o Gymry'r ddinas glywed am farwolaeth yr hynafgwr parchus, Mr. William Roberts, gynt o Thanet Place, yr hyn gymerodd le ddydd Llun diweddaf yn ei breswylfod, Plas Hyfryd, Caergybi, ar 01 cystudd maith a chaled. Treuliodd y rhan fwyaf o'i oes yn Llundain, ac fel per- chennog y gwesty enwog yn Thanet Place, daeth yn adnabyddus i gylch eang o Gymry o bob gwlad. Yr oedd yn gymeriad tawel, boneddigaidd, ac yn fawr ei barch gan ei gydnabod. Llanwodd y swydd o ddiacon yng nghapel y Tabernacl am flynyddau lawer, a theimlid chwithdod ar ei ol, pan ymadawodd i Gymru rai blynyddau yn ol i dreulio ei nawnddydd mewn hedd allawnder. Ond cymharol fyr fu ei fwyniant, a bu'n ddioddefydd o'r anhwyldeb fu'n angeu iddo am fisoedd lawer, ac mae cydymdeimlad y lliaws a'r teulu ac a'i ferch, Mrs. Jones, Jones Hotel," Suffolk Street, yn awr euhir- aeth a'u trallod. GWEINIDOG NEWYDD. Bydd y Parch. Oliver T. Edwards, Horncastle, mab ein cydwladwr a'n gohebydd achlysurol "Maelor," yn dechreu ar ei weinidogaeth yn Tilbury ddydd Sul nesaf, y 15eg. Cymer ofal y lie tan nawdd y Pioneer Movement, a chan ei fod yn ddyn ieuanc gweithgar a chymeradwy, y mae'n sicr o enill yr un parch a safle lwydd- iannus yn ardal Tilbury ag a wnaeth yn Horncastle yn ystod ei arhosiad yno. Pob llwydd iddo medd darllenwyr y CELT i wasanaethu yr achos da. DYDD Llun diweddaf bu farw'r Parch, Ernest R. Wilberforce, Esgob Chichester, yn 67 mlwydd oed. MYN rhai awdurdodau gyhoeddi ein bod wedi llwyddo fel gwlad o'r diwedd i fod ar y blaen mewn cynllunio peiriant i hedeg. Bu'r peiriant newydd am daith drwy yr awyr am beth amser ddydd Llun diweddaf, MAE Lady Jenkins, priod a prif farnwr Jenkins, o Bombay, yn aros yn Llangoed- more, Ceredigion, ar hyn o bryd. Ganwyd iddi etifedd ddydd Sul diweddaf. AETH y Cadfridog Booth ar daith trwy Gymru mewn car modur. Dilynwyd ei esiampl gan Gomer y dydd o'r blaen, yr hwn a aeth i Gymanfa'r Bedyddwyr mewn car modur o'r fath harddaf. Disgwyliwn yn nesaf glywed fod Elfed wedi pwrcasu peiriant hedeg, oherwydd mae'r car modur yn rhy araf iddo ef. MAE myfyrwyr y colegau enwadol Cymreig: yn cwyno yn arw yn erbyn y tal gwael a roddir iddynt am bregethu yn achlysurol ar hyd a lied Cymru. Dywed un brawd iddo deithio gwerth pedwar swllt un Sul, ac iddo dderbyn tri swllt fel ei gydnabyddiaeth ar ol pregethu ddwywaith. Pe bae'n bregethwr mawr cawsai o 30s. i ddwy bunt. Rhaid i'r students Cymreig ffurfio Trade- Union yn sicr, ond boed iddynt ofalu anv ddysgu Cymraeg yng nghyntaf
"TROCHI" CAMPBELL.
"TROCHI" CAMPBELL. Yn ei araith o gadair lywyddol y Bedydd- wyr, yn Llanelli, yr wythnos ddiweddaf, caed traethiad condemniol ar Y Ddiwin- yddiaeth Newydd a'r Hen Grefydd" gan y Parch. J. W. Maurice, Dinas Cross, Penfro. Dosrannai Mr. Maurice ei sylwadau ar y ddwy ddysgeidiaeth-y newydd a'r hen-feI hyn 1, yn eu perthynas a Duw 2, yn eu perthynas a'r lawn 3, yn eu perthynas a'r Arglwydd Iesu Grist; 4, yn eu perthynas a'r Ysgrythyrau Sanctaidd. Nid oedd dysgeid- iaeth Gweinidog y City Temple, meddai, yn deilwng o'i galw yn ddiwinyddiaeth o gwbl, a phe byddai yn ddiwinyddiaeth, cam a hi fyddai ei galw yn un newydd, canys yr oedd amryw rannau o honi yn hynach na Christion- ogaeth. Enw tra phriodol arni fyddai philosophi a gwag dwyll." Nid oedd ganddo Dduw personol y gall enaid ei garu ac ymddiried ynddo, ond dysga fod pob peth yn Dduw ac mai Duw yw pob peth. Pan yn cyffwrdd a syniad Mr. Campbell, nad oedd mwy o Dduw yng Nghrist nag mewn rhyw ddyn arall cyffelyb iddo, dywedai Mr. Maurice fod mwy o Dduw yn yr Iesu ar ei enedigaeth na fu erioed, ac na fydd byth yn athraw y ddysgeidiaeth newydd. Nid oedd nefoedd y ddiwinydd- iaeth newydd o werth gwneuthur unrhyw ymdrech i'w chyrraedd, na'i huffern yn gyfryw le ag oedd yn galw ar neb i fyned i lawer o drafferth i osgoi myned iddi.
[No title]
YCHYDIG amser yn ol ganwyd plentyn i Mr. a Mrs. Evans, sydd yn cadw gwesty Pen y Wyddfa. Gan mai peth eithriadol yw i blentyn gael ei eni ar ben mynydd, ac yn neilltuol ar fynydd mor uchel a'r Wyddfa, fe dynodd y digwyddiad gryn sylw, ac fe ofynwyd i neb llai na Dyfed, yr Archdder- wydd, roddi enw i'r plentyn. Yr enw y mae Dyfed wedi roddi arno yw Aer y Wyddfa." Enw priodol y bychan yw Roger Evans. Bedyddiwyd ef y dydd o'r blaen ar ben y mynydd yng ngwydd llawer o ddieithriaid. YN Abertawe, ddydd Mercher, bu farw Mr. William C. Powell, a fu yn gyd-efrydydd a Mr. Tom Ellis, A.S., yn Aberystwyth. Anlwcus iawn a fu, ac er ei fod yn ysgolor gwych bu farw yn dlawd. MAE brawd Ardalydd Bute yn myned i ymladd Caerdydd ar ran yr achos Ceidwadol ar adeg yr etholiad cyffredinol nesaf. Dyna oedd baich yr araith draddodwyd ganddo yn mhrif ddinas y Deheudir ddydd Llun.
Advertising
A # CAN NEWYDD > I SOPRANO NEU DENOR. 4 IKE 13 XW,' GAN ELSIE ROBERTS. GEIRIAU GAN EIFION WYN. CYFIEITHIAD I'R SAESNEG GAN E. ANWYL, M.A.. PRIS SWLLT. Copiau i'w cael gan David Jenkins, Mus. Bac. (Cantab), Aberystwyth. THE GREAT WELSH REMEDY. DAV E" S RELIEF FROM COUGH IN 5 MINUTES. FOR COUGHS, FOR COLDS, FOR ASTHMA, FOR BRONCHITIS, f FOR HOARSENESS, FOR INFLUENZA. I 1 FOR COUGHS, FOR SORE pr\| |f^ I—I THROAT, MOST SOOTHING, VJVJ U U I I WARMS THE CHEST, DISSOLVES THE PHLEGM. FOR SINGERS, FOR PUBLIC SPEAKERS. MI XT U R E Proprietor, HUGH DAVIES. Chemist, Machynlleth. .London Agents: Mr. Morgan, Chemist, Tavistock Place, i W.C.; Mr. Thomas, Chemist, Upper Baker Street, W. < Wholesale: Barclays, 95, Farringdon Street. Cyfeirier pob Gohebiaeth a fwriedir i'n colofnau, The Editorpob Hysbysiad, a phob Archeb, The Manager" a'r oll i'r Swyddfa, Celt Office211, Gray's Inn Roadv London, W.C. A I I Celt WELSH PRINTING Office-
"Y GYMRAEG YN MARW."
gorchwyl anhawdd fuasai troi'r llifeiriant Seisnig yn ol yn yr ardaloedd hynny, hynny yw, pe na ba'i am wrthwynebiad hyrwydd- wyr yr Inglis Cos." Y mae Cymry Cas- newydd, er yn cael eu hamgylchynu gan lu o rwystrau, yn sefydlu dosbarthiadau tebyg i eiddo Cymry Caerdydd i ddysgu'r hen iaith, ond nid wyf yn deall fod arweinwyr crefyddol Brynmawr a'r cyffiniau wedi breu- ddwydio am y fath beth hyd yma, ac efallai en bod yn foddlon ar bethau fel y maent. Os yw achos yr hen Gymraeg, fel y dywed Mr. Williams, yn ddiobaith ym Mynwy, colled i grefydd y sir ydyw hynny; a phe cynyddai'r Inglis Cos" ar ei ddegfed ar hugain neu ei dri-ugeinfed, nid yw hynny yn golygu y byddai moes a rhinwedd fawr ar eu henill, nac y parhai ein gwlad am nemawr amser i fod yn Gymru Wen." O'r hyn lleiaf, gadawer i'r hen iaith farw yn naturiol, os marw a raid iddi, ac na throer hi o'r neilldu fel esgymunbeth er hwylusdod i Sais-addolwyr.-(" Cemlyn yn y Weekly Mail.)