Welsh Newspapers
Search 15 million Welsh newspaper articles
4 articles on this Page
A BYD Y GAN.
A BYD Y GAN. GAN PEDR ALAW, Mus.Bac. DIWYGIO YR EISTEDDFOD.—Yn yr erthygl ddiweddaf ar ein cynllun newydd gyda'r cystadleuaethau corawl ceir gwall argraff- yddol sydd yn gwneud yr ystyr yn aneglur. Ni olvgir y dylai pob cor ennill deirgwaith yn olynol "o dan yr un arweinydd." Yr hyn a fynem ei ddywedyd ydoedd: Na oddefid i gor mewn un dosbarth gynnyg mewn dosbarth arall 0 dan yr un arweinydd. Gwelir mai yr amcan ydyw rhoddi pob cymhelliad i'r gwahanol gorau i gystadlu, a gorfodi arweinyddion i gadw at eu corau eu hunain. "MEN."—Dyma enw can newydd, gan .awdures newydd-un fa. yn ein plith ni yn Llundain yn hir, ond y pryd hynny yr oedd yn rhy agos ini allu iawn fesur ei gallu- oedd. Ni chredwn ddarfod iddi dderbyn ei holl ddawn gan Natur Pe felly, dichon y -dadleuid mai i awyr iachus Aberystwyth y dylid rhoddi y clod, am iddi yno amlygu ei galluoedd ar eu goreu. Na, yr oedd y blodeuyn yn bod yn Llundain, ond y fath ydoedd y fog, fel na chaffai gyfle i ddangos ei liun Merch i Mr. Lewis H. Roberts, cyn flaenor yng nghapel y Methodistiaid, Wilton Square —gwr nas gellid peidio ei anwylo gan bawb a'i hadnabu-ydyw awdures y gan, sef Miss Elsie Roberts. Geiriau "canadwy" ydyw yr eiddo Eifion Wyn ar Men," a rhydd y Proffeswr Anwyl gyfieithiad naturiol iddynt. Y copïau i'w cael oddiwrth Mr. D. Jenkins, Aberystwyth. Cenir yng nghyweirnod E fwyaf, yn yr amser dau-pedwar. Cawn fod y gerddoriaeth i'r ddau bennill cyntaf yr un; a rhaid cyd- nabod gallu yma i gynyrchu melody swynol, .deniadol. Y mae yn y cyfeiliant, hefyd, yr ysgafnder hwnnw sydd mor gyfaddas i -destyn y Gan. Y mae yn bur effeithiol. Ceir newid cywair yn y trydydd pennill, ar y geiriau Yn yr allt ar lannau Dwyfor," .&-c., gyda chyfeiliant o gordiau cryfion. Y mae y cyfnewid iad yn darawiadol. Nid ydyw y symudiad olaf cystal, i'n tyb ni, a'r rhai blaenorol. Y mae y nodau ,cromataidd. mor agos i derfyn y gan yn tynnu'r sylw oddiwrth y cyweirnod i raddau, ac yn gwanychu'r alaw lie y dylai fod yn -casglu nerth tuagat y climax. Y mae yr argraffwaith sol-ffa yn wallus. Nid yn yr amser cyffredin y dylid canu, ond yn y dau-pedwar. Ar wahan i'r sylw ar y symudiad olaf, nid oes gennym ond canmoliaeth lwyr i'r gan felodus, swynol hon, a gobeithiwn yn fawr y ca sylw mewn cyngherddau ac eisteddfodau lawer. Yn sicr, y mae y foneddiges hon yn liaeddu pob cefnogaeth. Deallwn fod Miss Elsie Roberts yn un o organyddion Capel Salem, Aberystwyth. Y mae yn ddiweddar wedi ennill gwobr am .gyfansoddi t6n, yr hon a genir yng Nghy- manfa Ganu Dosbarth Aberystwyth (M.O.) y flwyddyn hon. Nid yw ond 21ain mlwydd oed. Eled ymlaen: y mae digon o le iddi yn y cylch. Cymreig. Nid oes ond dwy ferch Gymreig heblaw hi ar y maes fel cyfansoddesau. GERDDORIAETH GYMREIG.—Da gennym fod -ein darllenwyr yn dechreu cymeryd dydd- -ordeb yn y cwestiwn o safon ein caneuon, &c. Os yw mor isel ag y myn rhai, y mae yn ddyledswydd arnom i ystyried pa fodd i fyned oddiamgylch i'w wella. Carem i rai o'n darllenwyr ddweyd eu barn ar yr hyn a ddeallant hwy wrth safon "CANEUON CYMREIG? A ydyw yn wahanol i safon caneuon ereill, am fod y cyfansoddwyr yn Gymry, neu am fod i'r caneuon eiriau Cyrnraeg ? Pe chwareuid dwy gan newydd, un gan Sais, a'r Hall o waith Cymro, y ddwy wedi eu cyfansoddi ar eiriau bydol (secular) o'r un nodwedd, a fyddai yn bosibl dweyd pa un ydoedd eiddo y Cymro ? Gofynwn hyn am y dywedir yn gyffredin fod nod- weddion arbennig yn perthyn i gerddoriaeth un genedl ragor un arall. O'r ochr arall, ai nid un effaith o ddad- blygiad celfyddyd ydyw (gyda cherddoriaeth y Gorllewin) gwneud i ffwrdd a rhyw nod- weddion neillduol (taleithol) mewn cerddor- iaeth ? Y mae celfyddyd yn goddef, ond nid yn argymhell y neillduolrwydd a berthyn i gerddoriaeth pobl drigant gynnifer o filldir- oedd oddiwrth eu gilydd. Ei hamcan hi ydyw cyrraedd y ffordd oreu, sicraf, fwyaf gyffredinol i gario ei chenadwri i'r galon ddynol; i buro y chwaeth a dyrchafu y meddwl. Nid ymfoddlona, gan hynny, nes llwyddo i ddwyn y llwythau ynghyd-i ganu yn ol ei safon hi. Da gennym allu hysbysu fod eisoes ddau lythyr wedi eu derbyn oddiwrth ohebwyr ar Ganeuon Cymreig." Carem i'r ddau ym- ddangos gyda'u gilydd, a hyderwn y ceir lie iddynt yn y golofn hon yr wythnos nesaf. Gwahoddwn ereill i'r maes. Bydd croesaw i bob gohebiaeth deg a boneddigaidd. BEN DAVIES.-Nid yw y cantor hwn yn rhuthro i'r Wasg er mwyn dweyd yr hyn a dyn sylw neilltuol ato ei hun, canys mae ei safle yn y byd cerddorol wedi ei sicrhau. Ac y mae wedi cyrraedd yr oedran hwnnw pan y disgwylir i ddyn fod yn gymhedrol wrth wasgaru ei eiriau. Cymer Mr. Davies gysur oddiwrth waith a dylanwad yr Eisteddfod ar ein cenedl, ac y mae yn bur falch o'r Hen Wlad a'i chan. Yn y Throne dywed :— I do not wish to be unduly boastful, but it is a matter of very great pride to me to think that while the people of other countries spend their leisure time in watching horse races or bull fights, the colliers and farmers of Wales, and their wives and daughters, occupy their time in literary and musical directions." Eto What has made the vocal music of Wales superior to that of any other in the world, is its perfect naturalness Art has not done so much for Welsh music as nature has, and after all, is not naturalness the great desideratum? The people of Wales owe much to their Eisteddfodau. Comparative freedom from crime, the orderliness of the working population, and their deep religiousness, and may I add also their almost unswerving loyalty to existing Institutions, and their desire for pro- gress on lofty, intellectual lines-all these things may be attributed to the magnificent influence of the Great National Festival." Diolch yn fawr i Ben Davies am ddweyd gair mor effeithiol wrth y Sais
[No title]
AETH Mr. G. Bernard Shaw ar goll yng Nghymru ddechreu'r wythnos. Blin gennym ddeall iddo gael ei ddarganfod yn fyw. Dylai'r fath ddigwyddiad gael diwedd mwy rhamantus. UNO syn dod bethau Cymru yr haf eleni oedd clywed cymaint o iaith anweddus yn cael ei arfer. Mae'r llwon a'r rhegfeydd yn myned ar gynnydd yn ofnadwy, a dylai'n harweinwyr cymdeithasol gymeryd y mater i'w sylw mwyaf difrifol.
PWY SYDD I DALU?
PWY SYDD I DALU? 'Dyw'r Eisteddfod ddim yn Eisteddfod os na cheir rhyw fath 0 helynt ar ei hoi. Fel rheol llwydda'r beirdd i greu'r cynnwrf angenrheidiol, ond llwyddwyd eleni i roddi taw arnynt hwy trwy atal yr englyn—am y gwyddid y cawsai ei ddarllen a gorganmol y bryddest a'r awdl—am y gwyddid eto na ddarllenid hwy gan neb. Wedi distewi yr hil yna, yr oeddid yn gobeithio fod y cyfan i orffen mewn heddwch, ond fel arall y mae pethau i fod Yr hyn sy'n pery pryder yn awr yw,-Pwy sydd i cialu costaur Llydawiaid i'r TVyl Daeth haid o'r bobl dirion hyn drosodd ar wahoddiad cynnes Cochfarf ac ereill. Yr oedd Dyfed a Cochfarf, ae Arlunydd Penygarn, a nifer o wyr Celtaidd ereill, wedi bod yn Llydaw flwyddyn yn ol, ac wedi cael amser braf yno ac er mwyn talu'r pwyth rhoddwyd gwahoddiad caredig i wyr y wynwyn i ddod trosodd at blant gwlad y cenin. Fel y gwyddis, yr oedd cynrychiolaeth ragorol o honynt yn Aber- tawe, a lletywyd hwy yn y Royal Hotel, a hynny ar draul y rhai roddodd y gwahodd- iad. Ond ar ol eu cael yma a gwneud ar- ddangosfa o honynt, a'u gyrru ar draws Abertawe er mwyn bod yn atyniad i'r wyl, wele'r gwahoddwyr ac awdurdodau yr Eisteddfod yn myned i ffraeo ar y pwnc pwy sydd i dalu'r costau ?" Mae'r holl draul, mae'n debyg, tua 60p., a'r syndod yw fod pobl gyfoethog fel Cochfarf ac ereill yn codi'r bwgan hwn yn awr ar ol gwahodd y Llydawiaid i'n mysg, ac yn enwedig ar ol eu trin mor wael yn Abertawe. Trwy eu gosod mewn lie mawr fel y Royal Hotel, fe gostiodd lawer o arian i'r Llydawiaid eu hunain, oherwydd 'roeddent am ymddwyn yn foneddigaidd fel pawb ereill yn y lie. Ond na, ddim ond gwneud show o honynt oedd amcan yr Eisteddfod, a chredai'r gwa- hoddwyr eu bod hwythau wedi gwneud eu rhan drwy eu hudo trosodd i Gymru heb roddi'r ystyriaeth lleiaf pwy oedd i dalu'r bil ar eu hoi. Hen ysbryd brwnt sydd wedi achosi'r fath helynt, ac os yw'r personau roddodd y gwahoddiad yn wir foneddwyr, dylent ar unwaith dalu'r gost heb ofyn, na disgwyl cymorth gan neb arall.
"Y GYMRAEG YN MARW."
"Y GYMRAEG YN MARW." Yng Nghwrdd Chwarter Bedyddwyr Mynyw y dydd o'r blaen dywedodd y Parch. J. Williams, Brynmawr, fod yn rhaid addef, er mor anymunol ydoedd hynny, "fod y Gymraeg yn marw. Yr oedd yr eglwysi Seisnig yn ennill nerth yn feunyddiol, ac yr oedd aelodau eglwysi Seisnig y Bedyddwyr yn cynrychioli un rhan o dair o holl Fedydd- wyr Cymru. Y mae achos yr hen iaith yn ddiobaith ym Mynwy," ebai, a chredai mai'r un fyddai ei thynghed ym Morganwg cyn pen ychydig iawn o amser. Nid anydd- orol fuasai cael gwybod faint o ymdrech wnaeth Mr. Williams a'i gyfeillion i gadw'r hen Gymraeg yn fyw yn Sir Fynwy. Dadleu hawliau yr "Inglis Cos" ydoedd amcan pennaf Mr. Williams yn y gynhad- ledd, ac nid wyf yn sicr nad trwy wydrau yr "Inglis Cos" yr edrychai ar dranc yr hen iaith ym Mynwy, ac y proffwydai am ei marwolaeth ym Morganwg. Y pulpud fu un o noddfeydd diogelaf y Gymraeg mewn blynyddau fu; ie, hyd yn oed ym Mryn- mawr a'r cyffiniau; ond nid wyf yn sicr na chlwyfir yr hen iaith yn ami yn nhy ei charedigion yn y dyddiau diweddaf hyn. Os ydyw'n ofid i Mr. Williams syllu ar dranc yr hen iaith yng ngwlad Islwyn, paham na wnelai rywbeth i atal y llifeirianfc Seisnig sy'n bygwth gordoi'r wlad? Yr wyf yn adnabod Brynmawr a'r cyffiniau yn lied dda, ac yr wyf yn sicr mai nid