Welsh Newspapers
Search 15 million Welsh newspaper articles
3 articles on this Page
CYFARFOD MISOL M.C. LLUNDAIN.
CYFARFOD MISOL M.C. LLUNDAIN. Cynhaliwyd Cyfarfod Misol Swyddogion y Methodistiaid Calfinaidd yn Llundain, yng nghapel Wilton Square, nos Fercher, dan lywyddiaeth y Parch. Peter Hughes Griffiths. Dechreuwyd gan y Parch. J. Thickens, Willesden Green. Ar ol darllen a chadarnhau y cofnodion, darllenodd yr Ysgrifennydd (y Parch. F. Knoyle, B.A.) lythyr oddiwrth Ysgrifennydd y Gymanfa Gyffredinol (y Parch. J. M. Saunders) yn hysbysu y Cyfarfod Misol o benderfyniad y Gymanfa ynglyn a'r grant o Y.,100 am y flwyddyn bresennol, tuagat gynnal yr Achosion Gweiniaid. Rhoddwyd adroddiad o weithrediadau y Gymanfa yn Llanelly gan Mr. W. Evans, Wilton Square. Derbyniwyd adroddiadau y cenhadon fu yn Hammersmith, Wood Green, a Walthamstow, a phenderfynwyd fod y Parch. J. E. Davies, M.A., i draddodi cyngor y Cyfarfod Misol iddynt.—Cafwyd adroddiad Pwyllgor yr Achosion Newyddion, yn yr hwn yr awgrym- wyd rhoddi grants ychwanegol i chwech o'r eglwysi, ar amodau neillduol; hefyd fod y Parch. J. Thickens a Mri. W. W. Griffith a G. W. Jones i wneud ymchwiliad i gysyllt- iadau a hanes yr eglwys yn Tottenham. Derbyniwyd adroddiad y Pwyllgor Arianol. Hysbysodd Mr. D. R. Hughes y bwriedir dadorchuddio cofgolofn y Parch. James Hughes, yn Bunhill Fields, prydnawn ddydd Mawrth nesaf, am 6.30. Y Parch. J. E. Davies, M.A., gweinidog yr eglwys y bu James Hughes yn gysylltiedig a hi am gynnifer o flynyddoedd, a ddadorchiddia'r golofn. Yn ddilynol, cynhelir cyfarfod cyhoeddus yn Jewin Newydd, am 7.30. Dis- gwylir y cymerir rhan yn y gweithrediadau gan y Parchn. J. Williams (Brynsiencyn), Elfet Lewis, P. Hughes Griffiths, J. Thickens, ac ereill. Rhoddir gwahoddiad cynnes Ii Gymry Llundain i ddod i'r cyfarfodydd hyn,. er coffa am un wnaeth gymaint i grefydci ymysg Cymry y ddinas. Diweddwyd gan Mr. Williams (Argyll, Street), Charing Cross. Cynhelir y cyfarfod Misol nesaf yn Jewin Newydd, Gorphennaf 24ain. Yn ddilynol, cafwyd Seiat Gyffredinol, y Parch. P. Hughes Griffiths yn arwain. Siaradwyd ar y mater penodedig, Eiriolaeth, Crist," gan y Parch. F. Knoyle, B.A., Parch. J. Thickens, Mr. John Thomas, ac ereill.
Advertising
COF eOLOFN JAMES HUGHES r"J"r""j"r"J ,r, r, 'J DADORCHUDDIR COFADAIL NEWYDD- Y DIWEDDAR JAMES HUGHES (IAGO IRieHRUE) YM MYNWENT BUNHILL FIELDS, CITY ROAD, DYDD MAWRTH NESAF, Gorphennaf 2aii, [1907, AM 6 O'R GLOCH. -,J,f'.f- /1" f"f",j-f'J ———————-————— CYNHELIR CYFARFOD CYHOEDDUS YNG NGHAPElt JEWIN NEWYDD, yr un noswaitli, AM 7.30 O'R GLOCH. Cadeirydd- Parch. PETER HUGHES GRIFFITHS, Anerchiadau gan amryw Weinidogion ae ereill. Ouiahoddlad cynnes i bamb i'tt Dadorchuddio ac i'r Cyfarfod Cyhoeddas, UNIVERSITY COLLEGE OF WALES, ABERYST WYTH. (One of the Constituent Colleges of the University of Wales.) PRESIDENT-The Right Hon. Lord Rendel. PRINCIPAL- T. F. Roberts, M.A. (Oxon), LLD. (Viet). THE next Session begins on October the 1st. A number of Entrance Scholarships and Exhibi- tions, open to both Male and Female Candidates above the age of 16, are offered for Competition on Tuesday, September 17th, 1907, and the following days. Students are prepared for Degrees in Arts, Science (including the applied Science ofiagriculture), Law and Music. Sessional Competition Fee, £10, with additional Laboratory Fees for Science Students. Registration Fee, 21. Men Students reside in Regis- tered lodgings in the town, or at the Men's Hostel. Warden: Prof. J. W. Marshall, M.A. Women Students reside in the Alexandra Hall of Residence for Women. For full particulars respecting the General Arts and Science Departments, the Law, Agriculture, and Day Training Departments, the Department for the Training of Secondary Teachers, and the Hostels, apply to J. H. DAVIES, M.A., Registrar.
Am Gymry Llundain.
RAMBLERS KING'S CRoss.Talodd nifer fawr o honom ymweliad a Ruislip 'nawn. Sadwrn diweddaf o dan arweiniad medrus a phrofiadol y Misses Gwladys Davies a Deborah Evans. Bu i'r hin droi allan yn anffafriol at yr liwyr, er hynny yr oeddem yn ffortunus i gael yn ein mysg Miss Winnie Evans, Mr. Stanley Davies, a'r byd-enwog, Witherington Glee Party," gan ba rai y cawsom wledd gerddorol o'r fath oreu, a dychwelasom yn ol wedi gwir fwynhau ein liunain. J. FALMOUTH ROAD.-Nos Wener, yr 21ain, cynhaliwyd cyfarfod i'r plant i ddathlu eu llwyddiant anarferol yng Nghymanfa'r Plant gynhaliwyd yn Jewin ar y 30ain o Fai, pryd yr enillasant Darian yr Undeb" am y drydedd waith yn olynol, ac y daeth yn eiddo iddynt, hefyd enillwyd 26 o dystysgrifau yn Arholiadau yr laith Gymraeg a'r Ysgryth- yrol, heblaw 33 0 dystysgrifau y Tonic Sol- fa College (credwn fod hyn yn record yn hanes plant Cymry Llundain). Enillwyd hefyd wobr yn yr Arholiad Ysgrythyrol, y wobr gyntaf a'r drydedd am yr unawd dan 16 oed, a'r wobr gyntaf am y deuawd. Mae y rhestr uchod yn werth i unrhyw Eglwys fod yn falch o honi. D. R. Hughes, Ysw., oedd yn llywyddu, ac nid oes rhaid, ond hynny, ddweyd wrth neb fod y cyfarfod yn berffaith lwyddiant o dan lywyddiaeth y dyn hynod hwnnw. Rhoddwyd gwledd o de a strawberries and cream i'r plant gan Mri. J. Morgan ac Evan Jones (yr organydd), ac wedi iddynt wneud cyfiawnder ar y dan- teithion osodwyd o'i blaen, cynhaliwyd y cyfarfod cyhoeddns. Yn ystod y cyfarfod, cafwyd unawdau ar y berdoneg gan Misses Annie Evans a Maggie Jenkins cafwyd solos gan Miss Rachel Jones, Gwen Davies, Blodwen Roberts, Blodwen Hughes, Lizzie M. Evans, Mr. D. R. Hughes (humorous). Adroddwyd gan Miss Jennie Evans a Llew. Jones. Canwyd gan gor y plant, Molwn Di Iesu ac "Awn Ymlaen." Deuawd gan Misses Maggie a Gracie Roberts. Cystad- leuaethau Sight singing, dan 13 oed 1, Miss Gracie Roberts; 2, Miss Jennie Evans; 3, Llew. Jones. Dan 16 oed goreu, Miss Maggie Roberts. Dweud y stori oreu 1, Llew. Jones. Am yr ail-adroddiad cywiraf o englyn adroddwyd gan y Llywydd goreu, Miss Katie Hughes; 2, R. Claridge; 3, Maggie Roberts. Cyflwynwyd y 33 Tonic Sol-fa Certificates i'r plant gan Mrs. E. W. Davies, Clapham Common. Diweddwyd cyfarfod hynod o ddyddorol trwy ganu, mawldon. J. D. PRIODAS.—Prydnawn ddydd Mercher di- weddaf, Mehefin 26ain, unwyd mewn glan briodas Mr. R. H. Rees, Woodlands, Taly- bont, a Westminster, Llundain, a Miss Jane Jenkins, Maesteg, Glandyfi. Cymerodd y briodas le yn Jewin Newydd. Gweinydd- wyd gan y Parch. J. E. Davies, M.A., yn cael ei gynorthwyo gan y Parch. Thomas Jones, City Road. Gwasanaethwyd ar y Priodfab gan ei frawd, Mr. D. Rees, Red Lion Street, Holborn, ac ar y Briodasferch gan Mrs. Rees, Red Lion Street, a Miss Rebaul, Hammersmith. Rhoddwyd y Briodasferch ymaith gan y Parch. T. Jones. Wedi hynny cynhaliwyd reception yn yr Hotel Cecil, pryd yr oedd yn bresennol Mr. a Mrs. Rees (y par newydd unedig), Mr. a Mrs. Rees, Red Lion Street; Miss Rebaul, Mr. W. Bowen, Stepney Parchn. J. E. Davies a Thomas Jones, Mr. Edmund Evans, ac ereill. Caf- wyd anerchiadau cyfaddas gan y cyfeillion yn dymuno llwyddiant i'r undeb hapus. Soniai'r Parch. T. Jones am ragoriaethau Mrs., Rees gan goffhau ei hymdrechion gyda chrefydd a'i chydweithrediad a Mrs. Evans (Eglwysbach) yng Nghaerdydd a mannau ereill, a'i dawn neillduol fel areithes o blaid dirwest. Wedi treulio prydnawn hwyliog yn neuadd Cecil, aeth Mr. a Mrs. Rees i'r Isle of Wight i dreulio eu mis mel. BODDIAD CYMRO YN Y TAFWYS.—Dydd Iau, Mehefin y 13eg, cymerodd amgylchiad pruddaidd le trwy i Mr. John Lewis, 105, East Hill, Wandsworth, golli ei fywyd trwy foddi. Dydd Iau gadawodd Mr. Lewis ei gartref gyda chyfaill, yr hwn oedd gymydog iddo, gyda'r bwriad o fyned i'r wlad i fwyn- hau awyr bur. Aethant ill dau mor belled ag Hampton Court, yno penderfynasant gymeryd cwch a myned ar yr afon. Aeth popeth yn dda am oddeutu milldir i fyny'r afon, pryd y dymunodd y cyfaill am gael newid eisteddle, a'r canlyniad fu i Mr. Lewis golli ei fywyd trwy hynny. Trodd y cwch wyneb i waered, a chan nas gallai Mr. Lewis nofio, suddodd yn y fan. Bu ei gyfaill yn fwy ffortunus, gan ei fod yn gallu nofio llwyddodd i gyrraedd y lan yn ddiogel. Cafwyd corph Mr. Lewis yn fuan mewn oddeutu deg munud, ond er pob ymdrech a gallu meddygol nis gallwyd ei adfer. Dydd Llun, Mehefin 17eg, cynhaliwyd trengholiad ar gorph yr ymadawedig, pryd y bwriwyd dedfryd o farwolaeth trwy ddamwain. Nos Lun aethpwyd a'r corph o Euston Station i Gymru. Hawdd oedd canfod yn Euston pan y daeth llu mor liosog ynghyd i dalu y gymwynas ddiweddaf i'r ymadawedig pa mor uchel ei barch oedd ym mhlith ei gyd- wladwyr yn Llundain. Boreu ddydd Mawrth cyrhaeddwyd gorsaf Bow Street, ger Aberystwyth, ac er mor foreu, rhwng 5 a 6 o'r gloch y boreu, yr oedd yno lu mawr o drigolion y pentref a ffermwyr y gymydog- aeth wedi cyfarfod i dderbyn y corph a'r perthynasau galarus. Aethpwyd a'r corph i dy chwaer Mrs. Lewis, yn agos i Lanfihangel, lie y gorphwysodd hyd y prydnawn.