Cymro a'r Celt Llundain

SYNIADE DAFYDD JOS. Mistar Glygydd,-Wel dyma'r Senadd yn ista eto, ac mi gawn lot o siarad-a tipyn bach o waith yn sgil y donia. Dydw i ddim yn dallt y bobol ma wir. Son am neud hyn a'r Hall ac yn y diwedd yn gweld yr amsar wedi rhedag heb iddyn nhw neud dim. Ond ma'r dechra yn addo'n dda, ac mi leiciwn i weld addewidion araeth y Brenin yn dwad yn ffaith. Fel yr ydw i wedi deud o'r blaen mi faswn i yn rhoi fot i'r merched, ond wir ddyn i ma'r twrw a'r rows ma'r suffrajets 'ma yn i neud bron a gneyd i mi fynd yn i herbyn nhw. Ma Sioned yn deud yn ben- dant nad oes dim rheswm mewn bod merched yn treio ymladd hefo'r ceffyla. Mi rodd yn dda iawn gin i glwad am y Bwrdd Addysg newydd. Gobeithio gneith o les i ni. Mi naiff Alfred Davies ysgrifenydd dan gamp, a fydd ar y plant ddim ofn Mr. 0. M. Edwards fel spector. Ond wyddoch chi ma'r ysgolion canol raddol 'ma yn gneyd tipyn bach o ddrwg- welsoch chi mor anodd ydi cael morwyn- ma nhw i gyd am fynd a'u pena yn y gwynt i sgwenu hefor teipwriter a phetha tebyg, ac mae meddwl am gael lie da i weini wedi niynd o'r ffasiwn. Wel mi wn i hyn—ma'r bobl buo Sioned yn gweini hefo nhw ers talwm ydi'i ffrindia gora hi rwan, ac ma gynyn nhw barch mawr iddi—a'r plant iagodd hi iddyn nhw yn fwy hoff 0 frechdan driog gyni hi na dim arall gan nhw gartre. Ma hi'n talu i fynd i weini, ac mi wel yung ledies y counti scwl hyny cyn hir. Mi rydwi'n falch o weld plant yn cael addysg a mynd yn scleigion ond nid mynd yn bobl fawr a balch cyn deall be ydi' be. Ma'n rhaid i mi addef nad ydwi'n medru gwneyd fawr ddim o'r comisiwn ma hefo'r Eglwys. I be ma'r holl holi dda. Y petha mwyaf dyddorol ydi'r ffordd bydd yr Athraw 0 Henry J os a'r Barnwr yn rhyw hanar ffraeo hefo'i gilydd—hynny ydi mewn ffordd respectabl felly. DAFYDD Jôs.

NODION 0 SIR ABERTEIFI. Fel y mae yr wythnosau yn dirwyn i ben, mae brwdfrydedd yr etholiadau agoshaol yn cynyddu, ac mae argoelion am ami i etholiad yn y Sir. Er i'r bardd-offeiriad, loan Tegid, gael ei gladdu yn Sir Benfro, teimlir cryn ddydd- ordeb drwy y Sir yn y mudiad sydd ar droed i godi cofadail iddo yn mynwent Nevern. Os nad ydwyf wedi cael fy nghamarwain, brodor o dref Aberteifi sydd wedi cychwyn y mudiad, a phwy yn well na'r Cynghorwr Ladd Davies, Aberteifi, allasai ei gychwyn oherwydd mae ei erthyglau ar loan Tegid yn dangos yn eglur ei edmygedd o hono. Hyderaf y gwnaiff Cymry Llundain daflu eu iiatling i'r mudiad hwn i ddynodi "GORWEDDFAN OERLLYD IOAN TEGID." Cyn pen ychydig wythnosau eto ceir gweld nifer o "motor cars yn rhedeg yn gyson rhwng y gwahanol drefydd yn y Sir. Mae cwmni y G.W.R. eisoes yn rhedeg cer- bydau bob dydd rhwng Llanbedr ac Aber- ayron, a rhwng Aberayron ac Aberystwyth. Mae yr un cwmni hefyd wedi hysbysu y byddant yn rhedeg cerbyd yn gyson rhwng Llanddyssil a Ceinewydd. Yn ein nodion diweddaf dywedwyd mai mab-ynghyfraith y Parch. T. J. Morris, Aberteifi, oedd y diweddar Mr. James Herring. Dylasid dweyd mai tad-ynghyf- raith oedd. Dywedir fod y Parch. J. Howells, Llwyn- celyn, wedi derbyn galwad i'r eglwys Ani- bynnol Ynysmeudw. Mae Mr. Howells wedi bod yn y Sir am flynyddau bellach, ac mae wedi gweinidogaethu gyda llwyddiant yn Llwyncelyn. Yn llys y man ddyledion yn Aberteifi, rhoddodd y Barnwr Bishop ei farn yn yr achos rhwng y Parch. Dalis Davies, Beulah, a Cadben David Morris, o'r un ardal. Gof- ynai Mr. Davies am iawn gan y diffynydd am drespassu dros ei dir. Rhoddwyd achos Mr. Davies o flaen y Barnwr gan Mr. Llewelyn Williams, A.S., ac ymddangosodd Mr. Villiers Meagre dros Mr. Morris. Dyfarnodd y Barnwr fod rhaid i Mr. Morris dalu yr hyn a ofynai Mr. Davies, ac ym mhellach i beidio a throseddu ar ol hyn. Derbyniwyd y penderfyniad gyda chymera- dwyaeth cyffredinol. Gwnes gyfeiriad byr yn fy llith diweddaf at y Champion Solo and Recitation Com- petitions sydd i gymeryd lie dydd Gwener y Groglith yn Capel Mair, Aberteifi. Go- beithio y gwnaiff eisteddfodwyr Llundain gymeryd mantais o hyn mewn pryd. Mae pum' gini am yr unawd oreu gan fab neu ferch o gan o ddewisiad eu hunain yn sicr o fod o werth cystadlu, a chan fod trens yn rhad, a'r masnachdai yn gauedig, hyderaf caf weld nifer o ymgeiswyr. Gellir cael rhaglen o'r cyfan gan Mr. Albert Rees, High Street, y ltrysorydd neu Mri. J. Jones, 24, St. Mary Street, a Harry Rees, 3, Brecon Terrace, Cardigan. CARDI."

THE GREAT WESTERN AND METROPOLITAN DAIRIES, LIMITED. jjffefrSfr THE LARGEST WHOLESALE MILK CONTRACTORS IN LONDON, Guarantee a supply of Pure Milk to Dairymen. For Terms and Particulars Apply- 9, HARROW ROAD, PADDINGTON, LONDON, 229 PADDINGTON. w.