Cymro a'r Celt Llundain

COFIO'R TYLAWD. Gwledd Syr John Puleston i Dlodion yr East End. Un o hen garedigion Cymry tylodion y Dwyreinbarth yw Syr John Puleston. Er's blynyddau bellach y mae wedi gofalu am eu cysuron ar adeg y Nadolig trwy roddion arbenig, a nos Iau diweddaf, Ionawr 24ain, rhoddodd ei wledd a chyngherdd blynyddol iddynt ynglyn a'r Genhadaeth Ddinesig. Yng nghapel Lycett, Mile End Road, y cynhelid y cyfarfodydd eleni, a daeth cyn- ulliad lliosog yn nghyd a mwynhawyd te rhagorol. Cynhaliwyd y cwrdd cartrefol arferol rhwng y te a'r cwrdd cyhoeddus, a phawb yn hapus yn cydganu hen emynau ac alawon Cymreig. Yng nghyfarfod mawr yr hwyr llywydd- wyd gan Syr John, ac ar y llwyfan yr oedd ei feroh, Mrs. Breton, yng nghyda'r Parchn. W. Rees (B), a Wilson Roberts, Stratford, a'r holl genhadon a boneddigesau rhy liosog i'w henwi. Dechreuwyd y cwrdd drwy weddi gan y Parch. Wilson Roberts. Traddodwyd anerchiadau gan y Parch. W. Rees, Mr. Edmund Davies, Mr. Llewelyn Davies, Mr. Thomas Jones, a Mr. Phillips (y cenhadwr newydd). Datganwyd gan Miss Edith Edwards, Mr. Gregory Kean, a Miss Katie Davies, yn dra swynol, ac adroddwyd gan Miss Parry. Gan fod y llywydd yn gorfod ymadael cyn diwedd y cwrdd, cymerwyd ei le gan Mr. J. Rees, Stepney Green-brawd sydd wedi bod yn ffyddlon ar hyd y blynyddau i'r Gen- hadaeth. Da oedd gennym weled Syr John unwaith yn rhagor (os cywir, y 29ain o gyfarfodydd drwy ei garedigrwydd ynghyd a charedig- rwydd blynyddol ar adegau ereill). Gwnaeth gyfeiriad at y rhodd o Feibl a gyflwynwyd iddo drwy gasgliadau ceiniogau y tlodion flynyddau yn ol, a'i arferiad o'i ddefnyddio yn flynyddol wrth ddarllen y gwasanaeth ar ddydd Gwyl Dewi yn Sant Paul's. Y mae y dyddordeb y mae wedi gymeryd ar hyd y blynyddoedd yn brawf sylweddol ei fod yn caru ein cenedl ac yn dangos hynny, nid mewn gair ond mewn gweithred, ac y mae yr awgrymiadau parhaus ei fod yn dymuno ar ei deulu ei parhau yn cadarnhau hynny. Yr oedd lie amryw yn wag eleni, fel y mae bob blwyddyn drwy angeu, a chwith oedd bod heb yr anwyl Mr. R. S. Williams. Drwg genym hefyd am waeled yr hen genhadwr, Mr. Thomas. Y mae y cenhadwr newydd, Mr. Phillips, a'i briod yn hynod o lafurus a chroesawgar yn eu gwaith, ac arwyddion bendith ar y cyrddau yn Silver Street. Cynhelir cyfarfod Saesnig prydnawnol, a gwasanaeth Cymreig yn yr hwyr bob Sab- both, ynghyda chwrdd nos Fercher. Y mae y cyfarfodydd blynyddol yn cael edrych arnynt fel pethau i'w disgwyl gan y cyfeillion, ac yn fantais i gydgyfarfod i adnabod ein gilydd yn well. Yn ol ei garedigrwydd arferol (er's blynyddau) y mae Syr T. Lipton wedi anfon sypynau mawr o de i'w rhannu rhwng y brodyr a'r chwiorydd. Y mae pawb o'n cenedl yn gwybod fod y tlodion gyda ni bob amser, a phob un o honynt yn frodyr a chwiorydd i'r cyfoethocaf. Da gennym gael tystiolaeth y cenhadon am y gwaith distaw ond effeithiol sydd yn cael ei ddwyn ymlaen a'r profiadau melus sydd gan lawer wrth adael y byd. Teilynga y gwaith gefnogaeth yr eglwysi, ac y mae gwasanaeth boneddigion fel y llywydd yn sicr o gael ei werthfawrogi a'i fendithio. Yr ydym yn sicr nad anghofir y cenhadwr newydd a'i genhadon mewn gweddiau a chynorthwy, ac y mae yr adeg hon o'r flwyddyn yn gymhwysiadol i hynny mewn rhoddion a dilladau.

Am Gymry Llundain. Y COMMISSIWN. Gan fod y Barnwr Vaughan Williams wedi gwella, disgwylir y ceir eisteddiadau rheolaidd o'r Ddirprwy- aeth Eglwysig o hyn allan. Y DDIWYNYDDAETH NEWYDD.—Mae'r Parch. R. J. Campbell wedi myned am ychydig seib- iant yn awr. Mae'r ddiwynyddiaeth newydd wedi trethu gormod ar ei nerth. HELBULON y GREFYDD.—Gan fod y Parch. E. A. Lewis, B.D., Clapham—olynydd yr Hybarch. Guinness Rogers-wedi cyhoeddi ei fod yn ffafrio daliadau Mr. Campbell ymddiswyddodd naw o'i flaenoriaid y Sabath cyn y diweddaf. 'Does ond dau yn aros yn yr eglwys yn awr, ac mae'r bobl arianog i gyd wedi cilio. Y CLWB.-O dan reolaeth Mr. P. W. Williams, Earl's Court, a Dr. Walter LI. Davies, Hill's Place, Oxford Circus, caed noson lawen yn y Clwb Cymraeg nos Ian yr wythnos ddiweddaf. Caed anerchiadau gan y ddau gadeirydd yn egluro'r manteision o ymuno a'r clwb, a chanwyd yn ystod y noson gan Misses Annie Jenkins, Jewin Maggie Davies, Harrow Road Mri. T. B. Davies, Regie Evans, F. Clay, a E. Morris, a chyfeil- iwyd iddynt yn fedrus gan Misses Watts a Deborah Rees. Adroddwyd hefyd gan Mr. Gom Simon a Mr. Williams. "AWR GYDA'R WERIN" oedd testyn dar- lith Mr. T. Huws Davies o flaen Cymdeithas Lenyddol Lewisham, nos Fawrth yr wyth- nos ddiweddaf. Er fod yr hin yn oer daeth cynulliad boddhaus yng nghyd, a mawr fwynhawyd y noson. Cadeiriwyd gan Mr. G. W. Jones. DADL SENEDDOL.—Mae undeb y Cym- deithasau Diwylliadol yn myned i gynnal Senedd arbennig nos Wener nesaf, Chwefror 8fed. Trefnir i gael gweinyddiaeth Rydd- frydol yn neuadd capel Charing Cross gyda Mr. T. J. Evans yn brif weinidog. Mae Mr. T. Huws Davies i arwain y Gwyddelod, a Mr. H. P. Roberts i ofalu am genhadaeth Mr. Balfour, a chynygia bleidlais o ddiffyg ym- ddiriedaeth yn y Weinyddiaeth. Daw cyn- rychiolwyr y gwahanol Gymdeithasau yno i siarad ar y naill blaid a'r llall. ETHOLIADAU'R CYNGOR SIR.-Gan fod y rhai hyn wrth y drws trefnodd pobl ieuainc y Tabernacl i gael anerchiad ar waith y Cyngor Sir gan un o'r aelodau nos Sadwrn diweddaf. Llwyddwyd i sicrhau gwasan- Mr. J. W. Cleland," A.S., L.C.C., cadeirydd pwyllgor y parciau, a gwr a wyr bobpeth am waith y Cyngor. Cadeiriwyd gan yr anrhyd- eddus Cyrnol F. Hemphill, L.C.C., aelod tros ranbarth Clerkenwell, a throddoddasant anerchiadau hynod o amserol ac yn llawn addysg i ieuenctyd y lie. Ar y diwedd diolchwyd i'r gwyr anrhydeddus am eu presenoldeb gan y Parch. H. Elfet Lewis, M.A., a'r Mri. Glyn Evans a T. J. Evans. STRATFORD.—Cynhaliwyd cyfarfod cym- deithasol yng nghapel Stratford nos lau diweddaf. Daeth nifer liosog ynghyd, yn arbennig o bobl ieuainc, a mwynhaodd pawb eu hunain yn ardderchog. Canwyd yn hynod swynol gan y tair chwaer, Misses Kittie, Blodwen a Gwladys Jones, Stratford. Rhoddwyd datganiad hyfryd iawn gan Mr. Denby Jones, Crosby Road. Mr. David Evans, Trinity Road, oedd y buddugwr am ganu emyn. Rhoddwyd adroddiad hynod o fedrus gan Miss Jennie Morgan, Poplar, a, gwasanaethwyd wrth yr offeryn gan Mr. D.,