Papur Pawb

EXCELSIOR I [EFELYCHIAD 0 LONGFELLOW GAN HENLLYS."] 'Roedd duon gysgodau y nos yn ymledu, A'r ddaear dan gwrlid o eira yn cysgu, Pan welid gwr ieuanc yn hwylio ei gamrau Trwy bentref mynyddig wrth odreu yr Alpau, A'i law, er yr oerfel, ymafiai yn wrol Mewn banner, ac arni'r gair cysswyn dy- eithriol- Excelsior I Ei ael oedd yn athrist, ond tan penderfyn- iad Ymfflachiai, fel mellten, o ganwyll ei lygad; A seiniai trwy'r awyr, fel udgorn o arian, Acenion dyeithriol gair cysswyn ei luman — (Yr hwn oedd motto ei fywyd ei hunan) Excelsior Fe welai breswylwyr y pentref mor dded- wydd, A'r tan a wresogai eu tawel aelwydydd Fry, megis ysprydion, disgleiriai'r rhew- fryniau, A syrthiodd ochenaid oddiar ei wefusau- Excelsior! 51 Na chynnyg y Bwlch," medd henafgwr twym-galon, Mae'r storom sy'n nesu yn drom o fygyth- ion; Dwfn, llydan, a gwyllt yw'r rhyferthwy croch-ruol," A'r llais glir atebai mewn seiniau pell- dreiddiol- Excelsior! "0 aios a gorphwys," medd hawddgar forwynig, Dy ben ar fy nwyfron, blin wyt a lludd- edig;" A deigryn tryloew a gododd i'w lygad, Ond eto ochenaid sibrydodd atebiad, Excelsior! Crin ydyw canghonau'r binwydden, gofala; Ofnadwy beryglus yw'r mynydd o eira," Oedd olaf anerchiad y bugail profiadol; Ond llais a atebodd o'r uchder aruthrol- Excelsior I Gweddiau mynachod Sant Bernard, fel arfer, Esgynent ar edyn y wawr i'r uchelder; Ac yn y distawrwydd plygeiniol, llais eglur, Ond dyeithr ei nodau, gynhyrfodd yr awyr, Excelsior! Yn foreu darganfu ci ffyddlawn, caredig, Dan orchudd o eira, gorph teithiwr tranc- edig; A'i law oer, rewedig, dynwasgai yn wrol Y faner, ac arni'r arwyddair dyeithriol, Excelsior Ac yno ar lasiad y boreu oer hwnw, Gorweddai'r gwr ieuanc mor brydferth, ond marw! Ac allau o'r uchder digwmwl a. llachar, Llais syrthiodd, fel syrthiad taran-follt i'r ddaear, Excelsior I

Y WLAD. Pleserau diderfyn wel rhai yn y dre', A gyru tuag yno wna gogledd a de; Ond gweder a fyner, can' mwy o fwynhad I mi sydd yn nghadw yn nghanol y wlad Edmygaf y wlad, Molianaf y wlad, Gwaith dyn yw y ddinas ond Duw wnaeth y wlad. I mi rhowch gymdeithas henafol y bryn, Eistedda fel brenhin ar orsedd y glyn; A'm cyfyd fel tad ar ei ysgwydd dal, gref, I ddangos i'm fawredd oes-oesol y nef Edmygaf y wlad, &c. I mi rhowch y dyffryn, a'r afon, a'r coed, Ddewisodd tawelwch yn drigfan erioed; Lie caf dan bob gofid a chlwyf esmwythad, Lie llonir fy yspryd gan dirion fwynhad Edmygaf y wlad, &c. I mi boed y blodau—ser gloewon y llawr— A'r adar gyhoeddant ddyfodiad y wawr Lie caf yr ehedydd yn 'siampl i fyw- Ei nyth ar y ddaear a'i gan gyda Duw; Edmygaf y wlad, &c. Y wlad os am weled y sanctaidd a'r hardd Y wlad a gais llygad arlunydd a bardd Y wlad os am uthredd arddunol y graig, Neu'r fantell symudliw a wisga yr aig; Edmygaf y wlad, &c. Y wlad os am gipdrem ar fro'r ochor draw, A gwrando y sibrwd oddiyno a ddaw, A meddwl am bethau o fythol barhad, Mae'n Sabbath tragwyddol yn nghanol y wlad; Edmygaf y wlad, &c. Daw'r adeg pan redaf gwys bywyd i'r pen, Llaw angau yn dyner a gyfyd y lien Rhydd cofio un Uecyn i'm bruddaidd fodd- had, Y man lie mae'r ywen yn nghanol y wlad; Edmygaf y wlad, Molianaf y wlad, Gwaith dyn yw y ddinas ond Duw wnaeth y wlad. W. LLEWELYN WILLIAMS. Abertawe.

PUMMED RESTR 0 WOBRWYON CYSTADLEUAETH Y POST CARD,-Plltpur Pawb yn rhad drwy'r post am chwarter am y chwedl oreu ar gefn Post Card. Testyn newydd bob wythnos. Mehefin 16.-(10) Chwedl am Wadd- otwr (Daliwr Tyrchod). I BLANT YN YR Y SGOL,-Papur Pawb neu yr Herald Gymraeg am chwe' mis, neu y Carnarvon and Denbigh Herald am chwarter, am ysgrifenu, cyfieithu, rhifyddu, tynu lluniau, &c. Mehefin 16.—(9) Cyfieithu i'r Gymraeg erthygl arweiniol o unrhyw bapur Saesneg (50 llinell). Anfoner y gwreidd- iol gyda'r cyfieithiad. CYSTADLEUON I FECHGYN IEUAINC.—Yn lie ystelcian o gwmpas ar ol noswylio, boed i'n cyfeillion ieuainc gystadlu yn wythnosol am wobr o Hanner Coron, am wneyd gwahanol bethau defnyddiol. Anfoner hwynt gyda'r post, neu fel arall. Ceir hwynt yn ol os anfonir stamps at hyny. Mehefin 16.-(10) Cerfio Dyro i ni heddyw ein bara beunyddiol ar ymyl llafn crwn o sycamorwydden. CYSTADLEUON I ENETHOD. — Cynnygir Hanner Coron yn wytlmosol am siampl o waith y ty a'r teulu. Dychwelir pob dilledyn; ond ni ddychwelir pethau ereill.—D.S. Gellir anfon sypyn o dan un pwys drwy y post am 3c. Mehefin 16.—(10).—Chwarter pwys o ymenyn.

GWOBRAU MISOL. Cynnygir gwobrau o 10s, ac ail wobr (os bydd teilyngdod arbenig) o 2s 6e, fel y canlyn Mehefin 30.—Casgliad o ysgrifau at ein colofn: Mae Son am Danynt."

TELERAU. 1. Cyfansoddiadau buddugol i fod yn eidde Papur Pawb, Attelir y wobr oni bydd teilyngdod. Ni ddychwelir y cyfansoddiadau anfudd- ugol; a bydd hawl gan Papur Pawb i'w cyhooddi trwy dalu swm a benodir gan y Golygydd. 3. Y cyfansoddiadau i gael eu hanfon i Papur Pawb, Caernarfon, fel ag i gyr- haedd ar y dydd a grybwyllir uchod gyferbyn a phob testyn, 4. Ysgrifener mewn inc du, ar bapyr gwyn, ar un ochr i'r ddalen yn unig. 5' Dyfarniad Golygydd Papur Pawb i fod yn derfynol. Gwneir dyfarniadau yn hysbys, os yn ddichonadwy, yn mhen pythefnos ar olderbyn y cyfansoddiadau. 6. Pob ymgeisydd i nodi ei enw priodol a'i drigfod ar y ddalen gyntaf; hefyd i ddatgan ei fod yn cydsynio a'r telerau, a bod ei waith yn wreiddiol, neu yn efelychiad o ryw waith, mewn iaith arall, heb fod yn ddarostyngedig i Ddeddfau Hawl-ysgrif.