Welsh Newspapers
Search 15 million Welsh newspaper articles
3 articles on this Page
Hide Articles List
3 articles on this Page
ABERDAR A'R ETHOLIAD.
News
Cite
Share
ABERDAR A'R ETHOLIAD. Mae cynhwrf yr etholiad yn parhau yn ei wres yn y lie hwn- Parheir i gynnal cyfarfodydd drwy y lie. Cynnaliwyd cyfarfod gan bleidwyr Mr. Bruce nos Fawrth cyn y diweddaf yn y Neuadd Ddir- westol, pryd yr anerchwyd yr etholwyr gan y boneddwr hwnw. Nid oedd rhyw lawer o frwdfrydedd yn cael ei arddangos yn ffafr Mr. Bruce; ac o'r braidd y rhoddodd efe foddlonrwydd i'r cyfarfod, yn neillduol yn ei ymgais i ateb gofyniadau cyflwynedig iddo gan rai o'r etholwyr. Teimlid ar y cyfan fod ei atebion yn gloff ac anfodd- haol. Yr oedd yn eithaf amlwg fod Mr. Bruce yn ymsynied drwy gorff ei araeth ei fod wedi myned braidd yn anmhoblogaidd gyda'r gweithwyr, y rhai, wrth gwrs, fydd yn gwneud i fyny luaws yr ethol- wyr. Etto, mae y boneddwr yn parhau yn uchel iawn yn syniad dosbarth o'r etholwyr. Llywyddid y cyfarfod gan R. H. Rhys. Ychydig o flaenoriaid y bobl a gymerodd ran yn y cyfarfod. Wrth gwrs, mae yn anhawdd penderfynu pa fodd y mae pethau yn debyg o droi; ond os ydym i farnu achos Mr. Bruce wrth ei gyfarfod nos Fawrth, y tebygolrwydd mawr yw y bydd efe ar ol yn rhywle. Cynnaliwyd cyfarfod nos Fercher drachefn gan Mr. Fothergill a'i bleidwyr. Yr oedd hwn yn gyfarfod Iluosog iawn. Yr oedd y neuadd wedi ei gorlenwi; a'r cyfarfod yn llawer mwy brwdfrydig na'r un y nos o'r blaen. Cafwyd anerchiad da gan Mr. Fothergill. Bu eraill yn siarad ond nid oedd rhyw lawer o 'go' yn yr areithiau. Bu bron i Dr. Price gael ei hwtio. Gwnaeth y Doctor yn gall i beidio cynnyg ar wneud araeth; oblegid yr oedd pob arwyddion, pe y gwnaethai, y buasai yn ystorm yn y fan. Nid ydym ni yn credu rhyw lawer mewn hwtio dynion ar y 'stage.' Etto mae yn ofid gan gyfeillion ac edmygwyr y Doctor ei fod ef wedi cefnu mor hollol ar achos y gwnaeth efe ei hun mor hynod fel ei bleidiwr. Dyma yn wir beth yw un yn barn-gablu ei fywyd ei hun. Wrth gwrs, rhaid i Ryddfrydwyr ganiatau i ddynion ryddid barn a gweithrediad; etto mae y natur ddynol rywfodd yn analluog i fedru cyd-ddwyn a'r dyn a rydd gelwydd i'w fywyd. Gwyr pawb fod gwaith y Doctor yn cefnu ar achos rhyddid crefyddol, yn yr ymdrech hon, yn ymylu ar hyny. Nid oes dau feddwl na dwy farn yn y lie ar ymddygiad y Doctor; ac nid oes neb yn deall yn well, nac yn teimlo yn fwy ei sefyllfa na'r Doctor. Yr oedd hyd yn nod y rhai sydd yn mysg ei wrthwynebwyr penaf yn gofidio wrth ei weled wedi taflu ei hun- an i sefyllfa nad allasai efe alw allan ddigon o egni moesol i bleidio achos ag y bu efe yn un o'r rhai blaenaf yn ei gychwyn, sef cael Mr. Fothergill yn ymgeisydd. Mae yn fwy syn yn ei achos ef na nemawr neb, oblegid ei egni a'i yni yn fwyaf o ddim a'i cododd ef i sylw. i Tra yr oedd Mri. Bruce a Fothergill yn cynnal eu cyfarfodydd, yr oedd cyfeillion Henry Richard yn gwneud yr un peth. Cafwyd cyfarfodydd hynod o luosog a llawn o frwdfrydedd yn Cwmaman ac Abercwmboi. Deallwn fod rhai o gyfeillion un o'r ddau ymgeisydd arall wedi cynnyg bron lwgrwobrwyo cynnulleidfa Moriah, Aman, drwy gynnyg rhyw £10 neu R15 am fenthyg y capel. Dywedwyd hyny ar g'oedd gan un o'r diaconiaid; a dangoswyd y teimlad mwyaf o ddirmyg gan y cyfarfod am gynnyg sarhau yr etholwyr yn y fath fodd;—ac i'r gynnulleidfa ei wytlxod gyda dirmyg. Deallwn fod y gwr a wnaeth y cynnyg wedi anfon llythyr at D. Davies, Ysw., cadeirydd Pwyllgor Mr. Richard, i geisio esbonio y peth. Ond addefodd y cyhuddiad, a gwnaeth y peth yn waeth o lawer. Buasai yn llawer gwell iddo adael y peth fel yr oedd. Mae y gwr hwn yn gwneud ei hun yn fwy o'r 'busybody' nag y mae ei safiad yn y gymydogaeth yn ganiatau. Perffeithiodd ei ddylni wrth ddweyd yn nghyfarfod Mr. Bruce mai yr Aelod anrhydeddus hwnw oedd sylfaenydd y British School. Nid rhaid i ni grybwyll fod Mr. Bruce yn ddigon o foneddwr i godi i fyny yn y fan i ddweyd nad oedd efe yn gallu derbyn anrhydedd oedd yn eiddo i eraill oedd wedi bod ar y maes yn mhell o'i flaen ef yn dadleu dros addysg rydd. Fel hyn mae achos yr etholiad yn parhau i fod mewn llawn bywyd. 'Henry Richard for ever!'—ABEKDARIAD.
ABERYSTWYTH.
News
Cite
Share
ABERYSTWYTH. Yr Excursions.-Y mae nifer mwy o'r rhai hyn yn talu ymweliad a'n tref y tymmor hwn nag a welwyd erioed o'r blaen. Y maent yn dyfod yran o ryw leoedd bron bob dydd; a rhyfedd ydyw y wledd a'r chwerthin sydd yn mysg glowyr Merthyr ac Aberdar, Llanelli a'r cymydogaethau, a gwehyddion llwydion, ond trefnus, y Drefnewydd a Llanidloes, wrth gydyfed awelon balmaidd ac iachusol glan ein mor; ac Yn ngwedd yr olygfa, siaradant yn ffraeth, Wrth chwilio am gregyn addurant y traeth. A da iawn genym allu dwyn tystiolaeth uchel i gymeriad yr ymwelwyr hyn- ychydig o bersonau meddwon a welsom yn eu mysg er dechreu y tymmor. Cyfarfod Cyhoeddus y Rhyddfrydwyr.—Am saith o'r gloch, nos Fercher diweddaf, cynnaliwyd cyfarfod cyhoeddus yn Neuadd y dref, i'r dyben o ddewis Ymgeisydd am gynnrychiolaeth y Bwrdeisdrefi yn y Senedd. Yn absenoldeb y Milwriad Pryse, A.S., yr hwn a fethodd ddyfod i'r cyfarfod o herwydd ymrwymiadau eraill, cymerwyd ygadairgan ein 'Prince Merchant,' Thos. Jones, Ysw., yr hwn a ddywedodd ychydig o eiriau yn lied bwrpasol; a galwodd ar T. J. Hughes, Ysw., o'r Castelldu, Llanbedr, i gynnyg y pender- fyniad cyntaf, sef, diolchgarwch i'r Milwriaid Pryse, am ei wasanaeth yn y Senedd yr amser a basiodd; ac yn gofidio ei fod wedi penderfynu rhoddi heibio ein cynnrychioli yn y Senedd. Eiliwyd y penderfyniad gan John Davies, Ysw., Aberystwyth; a dywedai Mr. Davies, fod y Milwriad wedi boddhau yr etholwyr yn fawr bob amser wrth bleidleisio. Beth am ei ymddygiad gyda phwnc pwysig yr Eglwys Wyddelig? Prin. y gellir dweyd iddo foddhau yi- Ymneillduwyr y tro hwn; ond ymddengys iddo foddhau yr Eglwyswyr yn fawr, ac Eglwyswr ydyw Mr. Davies. Cyfododd William Jones, Ysw., Llwynygroes, i gynnyg yr ail benderfyniad, sef, fod'y cyfarfod yn ystyried Syr Thomas Lloyd yn ddyn eymhwys a phriodol i gynnrychioli y Bwrdeisdrefi. yn y Senedd; ac fod iddo gael eiwahodd i ddyfod i'r maes, gan ddymuno ary blaid Ryddfrydig gydweithredu, er sicrhau ei ddychweliad, &c. Gwnaeth Mr. Jones araeth led wresog o blaid Syr Thomas, achymeradwyodd ymddyg- iad Syr Thomas yn pleidleisio-o blaid 'bill' Mr. Gladstone, er dadgysylltu yr Eglwys Wyddelig; ond gwnaeth rai sylwadau cas ar y 'Liberation Society,' a dywedodd fod gweithrediadau y gymdeithas hon, ar hyd a lied y Dywysog- aeth, yn gwneuthur mwy o niwaid i'r blaid ddiwygiadol nag o les. Os oedd Mr. Jones, Llwynygroes, yn llawenhau fod y Senedd wedi penderfynu mynu cyfiawnder i'r Gwyddelod, trwy ddadgysylltu a dadwaddoli yr Eglwys Sefydledig yn yr Iwerddon, dylasai gofio mai y 'Liberation Society' a fu yn foddion i symbylu y Senedd i ddwyn 'bill' yr Eglwys Wyddelig yn mlaen, ac mai areithiau a thraethodau galluog Edward Miall, ac eraill, a argyhoeddodd ein Seneddwyr o anghyfiawnder yr Eglwys Sefydledig yn yr Iwerddon; a phe buasai Mr. Jones yn ystyried y pethau hyn, nis gallasai, gyda chysondeb, daflu dirmyg ar y gymdeithas, sydd a'i hamcan er dadgysylltu yr Eglwys a'r wladwriaeth. Darfu i J. Matthews, Ysw., o'r dref hon, eilio y penderfyniad mewn araeth hwyliog dros ben. Cariwyd y penderfyniad heb ond un o'r dorf fawr yn wrthwynebol. Cafwyd araeth led faith wedi hyny gan J. Esa. Evans, Ysw., Aberteifi, ar yr angenrheidrwydd am undeb yn mysg y blaid Ryddfrydig. Y mae yn syn genym na buasai rhywun yn codi ar ei draed i amddiffyn y Liberation Society.' A dywedodd Mr. Matthews, fod yn y cyfarfod berson- au oedd yn Ldal cysylltiad &'r gymdeithas hono; ond ni welodd neb yn chilt agor ei enau, er fod yno ddynion a fedrai siarad, a siarad i bwrpas hefyd. Ond fe ddichon mai ofn digio yr ychydig Eglwyswyr oedd yno, a barodd i gyfeill- ion y Liberation Society' i aros yn fudion. A 'dweyd y gwir, rhyw gyfarfod 'flat' ofnadwy oedd y cyfarfod, ae ystyried mai cyfarfod o etholwyr y blaid Ryddfrydig ydoedd. Yr oedd yr ymadroddion fel pe yn rhewi ar wefusau y llefarwyr—'doedd neb yn teimlo awydd i guro traed na dwylaw, fel arwydd o gymeradwyaeth. Ond rhaid i ni ddweyd fod Mr. Matthews yn eithriad- dywedodd ef ychydig eiriau fel dyn yn teimlo ei ddyledswydd. Wedi cynnyg diolchgarwch i'r cadeirydd, a'r cyfeillion a ddaethant yno o bell ffordd, gwasgarodd y cyfarfod heb gymaint ag un cheer' i Gladstone a Bright, ac heb gymaint ag un banllef i Syr Thomas Lloyd, yr ymgeisydd dewisedig. Mewn difrif, yr oedd pawb yn ymadael o'r cyfarfod fel pe buasent yn myned adref o gynhebrwng yn hytrach na chyfarfod etholiadol. Y mae arnom ofn fod rhai o flaenoriaid y cyfarfod yn Doriaid yn ystyr helaethaf y gair, heb fedru rhoddi eu calonau gyda'r gwaith; a dichon fod yr etholwyr yn ofni mai bleiddiaid mewn crwyn defaid oedd y cyfryw: felly, nid rhyfedd fod y cyfarfod yn un 'flat.' Gwarchod pawb! beth pe buasai Simon Jones y Bala, neu Edward Morgan o'r Dyffryn, yn y oyfarfod, buasent mewn "ychydig o fynydau yn cyneu tan yn mhob mynwes, ac yn dwyn mesurau pwysig y dydd at gydwybodau yr etholwyr, er eu cael allan fel llu banerog i roddi ergyd marwol i Doriaeth ein gwlad, fel y symuder y blaid hono o'r ffordd, sydd bob amser yn codi eu dwylaw yn erbyn masnach rydd, addysg rydd, pleidl-tis rydd, a chrefydd rydd. Dylasem ddweyd mai John Matthews, Ysw., a gy n nygiodd yr ail benderfyniad, a William Jones, Ysw., a eiliodd y cyfryw. Cynnrychiolaeth y Sir.—Kid oes ond un Ymgeisydd ar y maes, sef y Tori ieuenc o'r Trawsgoed. Clywsom fod y blaid Ryddfrydig yn penderfynu dwyn ei dyn i'r maes yn ei erbyn; ond nid ydys wedi penodi neb hyd yma. NANTGLYX. —Cynnaliodd yr Annibynwyr eu cyfarfod blynyddol yma Gorph. 23 a'r 24. Pregethwyd gan y Parchn. W. GrIffith, Llanelwy; J. Rowlands, Rhos- ac R. W. Roberts, Pentrefoelas. Caed cyfarfod da, torf luosog o wrandawyr tiriondeb neillduol oddiar law y gymydogaeth, ac argoelion cysurus o barodrwydd yr ardalwyr i helpu y chwaer fechan hon, Peth hyfryd iwydyw gweled y gwahanol bleidiau crefyddol megys un. Pob parch i drigolion Wantglyn, yn Eglwyswyr ac yn Fethodistiaid—maent yn deilwng, yn fyd ac •eglwys. Teimlem yn falch fod yr en wad mor fynwesol gan wtr mwyaf cyf- y fr0. Taled y Gwr na fyn dori'r gorsen ysig, na diffodd llin yn mygu," iddynt. Daw "y fechan yn fil, a'r wael yn genedl gref.PROPHWYD. LLANSANTFFKAID YN MECHAN.—NOS Fercher, Gorph. 29ain, cynnaliwyd cyngherdd ardderchog yn yr ysgoldy newydd, gan Llew Llwyvo ac Ap Madoc. Dyma y tro cyntaf iddynt fod yma yn cynnal 'concert.' Aethant drwy eu gwaith yn gampus. Er mai ychydig o rybudd a gafwyd am eu dyfodiad, etto ymgynnullodd nifer dda iawn o'r ardalwyr yn nghyd. Pan gofiom ei bod yn adeg brysur iawn yma yn mhob man gyda'r cynhauaf, felly rhwystrwyd rhai 1 fod yn bresenol, ond ar y cyfan, trodd allan yn liwydma.miua jdros bon. Cawsant eu cynnorthwyo yn yr Accompaniments ar yr harmonium' gan Miss M. James. Rhoddodd y cyngherdd foddlonrwydd mawr 1 bawb oedd yn bresenol.—C. D. JONES.
CYFANSODDIAD A RHWYMEDIGAETHAU…
News
Cite
Share
Senedd y mynech ei diwygio yn pasio penderfyniad i gau dyeithr- iaid allan o'r lie a neillduwyd iddynt yn y Ty! Ni waeth gadael ar hynyna; ond goddefer i mi ofyn yn y dull mwyaf parchus i ddiwygwyr Conwy, Beth pe cynnygid gwneud cyfansoddiad Senedd Prydain yn debyg i'ch 'Corporation' chwi! Cynhyrfid ein teyrnas o'r naill ben i'r llall, ac ni byddai digon o allu yn Ewrop i dawelu y gwrthryfel, nes i'r fath gynghorfa gael ei chwalu i'r pedwar gwynt. Y mae fod y fath beth wedi cael ei oddef yn nghanol Cymru hyd y flwyddyn 1868 bron yn anghredadwy. Bydd arnaf ofn i'm darllenwyr feddwl mai ffug hanes wyf yn ysgrifenu. Anwyl a pharchus gymydogion, aelodau 'Corporation' Conwy, mynwch ddiwygiad. Cymerwch gynghor Gymreig gan y DYDD. Paham y rhaid dinoethi hyn i genedl arall! Peidiweh cellwair a'r ysbryd gododd Pabyddiaeth yn Rhufain, Protestaniaeth yn Iwerddon, y Czar yn Poland, Francis Joseph yn Hungary, a cheidwaid tollbyrth a helwriaeth yn Nghymru. Gwell genyf ddal i resymu hyd yr anadl ddiweddaf, a myned i'r bedd o dan faidb o orthrwm, na chynhyrfu yr ysbryd hyny. Dyma fi wedi rhoddi bras ddarluniad o gyfansoddiad 'Corpor- ation' Conwy. Dyma y pren. Mynwn weled yn ein llythyrau byrion nesaf a oes ffrwythau arno, a pha fath ydynt. Os drwg, gwiria eiriau ein Gwaredwr pan ddywedai, "Pob pren drwg a ddwg ffrwythau drwg;" ac os da, bydd genym ffaith yn gwrth- brofi ei eiriau ef, "Pob pren a adwaenir wrth ei ffrwyth." Nid wyf yn meddwl, Mr. Gol., fod genych chwi ac eraill ormod o ohebwyr, yn Llundain, Manchester, Le'rpwl, y De, ac America; ond yr wyf yn meddwl fod genych rhy fach o ohebwyr gartref. Nid oes gormod o gynhyrfu am ddiwygio ein Senedd, ond y mae rhy fach o hyn gyda golwg ar ein sefydliadau cartrefol. Dyna fydd fy mhwnc i. Arosaf yehydig i wrando a ga y llinellau hyn ddim effaith cyn cyhoeddi fy nau lythyr arall, na throi i fy Saesneg.—J. R.