The London Welshman

CLEBER O'R CLWB. [Gan yr Hen Shon.] Y HRL DROED a'r etholiad oedd y ddau bwnc y siaredid arnynt yn y Clwb yr wythnos hon. 'Roedd gwyr y bel yn llawenhau am fod Clwb Cymry Llundain wedi cael cystal cynrychiolaeth yn yr ornest heddyw, ddydd Sadwrn, a'r farn gyffredin oedd fod y dewisiad yn ddoeth. Credai'r Doctor Dafis eu bod fel catrawd yn well na'r rhai a gurasant New Zealand; ac os felly byddwn yn disgwyl iddynt roddi curfa deilwng i'r Saeson. NID yw'r rhagolygon etholiadol, yn ol gwyr y Clwb, yn hanner mor addawol i'r Rhyddfrydwyr ag y myn rhai o'r papurau eu bod. Yr oedd twrne o'r Sowth yn barnu nos Fercher y collai Rhyddfrydwyr ddwy o seddau yn Abertawe a Chaerdydd, ac y byddai yn rhaid i ddwy neu dair etholaeth arall ymladd yn galed os am gadw eu safle. Pwnc mawr y Deheubarth, meddai, oedd polisi Chamberlain; ac mai baldordd pregethwrol yn unig oedd meddwl fod y Ddeddf Addysg yn y mesur lleiaf wedi dylanwadu ar Gymru. Ceir gweled o hyn i ben wythnos a yw y syniad yn gywir. O'R ochr arall 'roedd dau o wleidyddwyr o Sir Ddinbych yn credu mai ennill y cyfan a wneid yn y Gogledd. Yr oedd Mr. ldris yn ennill ffafr yn Fflint, a'r bobl yn credu fod ganddynt wieidyddwr gonest a gwr teilwng i ddilyn camrau Mr. Herbert Lewis, ac am Mr. Lewis ei hun nid oedd angen pryderu, oherwydd 'does anwylyn mwy poblogaidd nag efe yn yr holl siroedd. Yr oeddent yn hollol sicr y buasai Mr. Clem Edwards a Mr. J. D. Rees yn cario'r maen yn wrol, ac y ceid perffaith undeb o hyn allan yng nghynrychiolaeth y Gogledd. OND beth am Mr. Lloyd-George yn Nghaer- narfon ? Yr oedd un o'r llanciau wedi bod yn gwrando arno yn anerch ei etholwyr y dydd o'r blaen, a thystiai na welwyd erioed yng Nghaer- narfon y fath frwdfrydedd. Ar un adeg, meddai, yr oedd Mr. Naylor yn bur addawol, ac wedi llwyddo i hudo y gwragedd a'r plant yn wir dda gyda'i wleddoedd odea bara brith ond ar ol cael lie i Mr. Lloyd-George yn y Cabinet y mae'r cyfan wedi troi, a 'does yr un gwr yn awr a ddeil ei gymharu a'r Cymro o Griccieth. ADRODDID stori ddoniol gan un o'r aelodau am ymddygiad plant Caernarfon tuag at Miss z:5 Naylor a'i the. Gan fod y gwleddoedd te wedi dod yn bethau mor gyffredin yr oedd yn naturiol disgwyly cawsid cynulliad arbenig adeg y Nadolig. Yr oedd y trefniadau wedi eu cwbl- hau a phlant yr ysgolion wedi cael eu gwahodd, ond erbyn cyfrif nid oedd ond nifer fechan wedi addaw derbyn o'r rhoddion. Yr oedd y plant wedi troi yn gefnogwyr i Mr. Lloyd-George bob un, a bu raid gohirio'r cyfan ar rhyw esgus z, etholiadol ar y funud ddiweddaf. CAN anfarwol tref Llanslli yw'r Sospan Fach," ac mae honno wedi ei dwyn i fewn i ddyddori'r etholiad. Cyfansoddwyd geiriau addas ar yr alaw ac mae'r cyfan wrth gwrs yn bleidiol iawn i Mr. Llewelyn Williams- Mae'r llanc sydd yn wrthwynebol i Mr. Williams yn hawlio ei fod yn rhyw fath o Gymro am yr hana, meddai ei gefnogwyr, o deulu'r Guest fuont Y11 rheoli Dowlais ers blynyddau yn ol. WRTH edrych dros bapurau newyddion y dydd a'u sylwadau ar yr etholiad rhaid addef fod y cefnogwyr Toriaidd yn eithafol o sur tuag at y Rhyddfrydwyr. Mae'r Rhyddfrydwyr o'u tu hwythau yn condemnio'r hen Weinyddiaeth yn ddidrugaredd, a chan fod digon o destynau siarad ganddynt, ni raid iddynt fyned yn bersonol ac yn speitlyd fel y wasg Doriaidd. Mae beirn- iadaeth yn beth i'w edmygu a'i ganmol, ond y mae'r gwawdiaith dichwaeth a welir yn rhai o'n papurau yn sicr o fod yn ddiles, ac yn fwy 0 niwed i'r achos nac o gefnogaeth. RHYFFDD mor amhoblogaidd mae aelodau Merthyr o'r tu allan i'r dref honno. Mae Mr. D. A. Thomas yn eithaf boneddwr, ac fe gyn- rychiolai haid o landlordiaid a'r gwyr mawr yn benigamp, ond y syndod yw fod pobl weithgar Merthyr mor ffol ag ymddiried eu cynrychiol- aeth iddo. Ond am Keir Hardie y mae'r, dewisiacl yn warthus. Dyma'r fath barch a delir i goffa Henry Richard Mae'r hen ysgrif- enwyr yn son llawer am gau-brophwydi, ond yn> sicr ni chafodd yr un prophwyd na diwygiwr y fath gau-prophwydi i'w canlyn ac a gafodd Apostol Heddwch, druan. YR oedd un o foys Aberystwyth yn llawen nos Fercher, a phrophwydai y byddai Mr. Lloyd- George i fewn gyda mwyafrif aruthrol. Ei awdurdod oedd fod golygydd y Cambrian News yn cynghori pob Tori yn Sir Gaernarfon i bleidio dros y Cymro. Gan i'r Toriaid ganmol barn Mr. Gibson pan yn cefnogi Arglwydd' Penrhyn, bydd yn ddyddorol gwylio beth a. wnant y tro hwn. Os na ddilynant ei gyrgor byddai yn ddoeth i'r golygydd hwn adael gwyr mawr y North yn llonydd ar ol y tro hwn.

CYMRU A'R ETHOLIAD CYFFREDINOL. DADGORPHORWYD yr hen Senedd dydd Llun, ac am yr wythnos hon nid oes cymaint ag un A.S. yn y Deyrnas Gyfunol. PENDERFYNODD Mwnwyr Brycheiniog beidio dwyn ymgeisydd allan yn y sir honno, a thrinia y Western Mail hwy yn enbyd am hynny,, Mae rhywun yn ddigon angharedig i ddweyd mai gweled fod y sedd yn awr yn hollol ddiogel i'r Rhyddfrydwyr sydd wedi cyffroi digter y Mail. Rhyfedd fel y camesbonir pob peth gan rywrai! MAE cyfarfodydd Mr. Llewelyn Williams yn Llanelli a Chaerfyrddin yn anghyffredin o liosog a brwdfrydig. Os oes coel ar gyfarfodydd ym- ddengys ei ddychweliad yn sicr. Deallwn fod amryw o Gymry Llundain wedi myned i lawr yno yr wythnos hon i gynorthwyo. BRWYDR galed yw y frwydr yn Ne Morganwg rhwng y Milwriad Wyndham-Quin a Mr. Wm. Brace, ymgeisydd Llafur. Nos Sadwrn, ym Mhenybont-ar-Ogwy, lie sydd yn eiddo i'w dylwyth bron i gycl, methodd y Milwriad a chael. gwrandawiad. Gresyn rhoi y cloadur ar neb, ond dengys peth felly ffordd y mae y gwynt yn chwythu. BARNA Vicar Eglwys yr Holl Saint, Caer- dydd, a Rector Bishopston ym Morganwg fod. Mr. Lloyd George yn hollol gywir pan y dywedodd fod y teimlad yn ffafr Dadgysylltiad yn mynd ar gynydd ym mhlith clerigwyr ac Eglwyswyr Cymru. CWYNA Mr. Arnold Foster, cyn-Ysgrifenydd t) Rhyfel, yn enbyd am fod yr etholwyr yn y rhan- barth y bu efe yn aelod drosto cyhyd yn gwrthod gwrando arno, tra y rhoddasant wrandawiael