Welsh Newspapers
Search 15 million Welsh newspaper articles
2 articles on this Page
Hide Articles List
2 articles on this Page
MARWOLAETH Y CYNGHORWR DAVID…
News
Cite
Share
MARWOLAETH Y CYNGHORWR DAVID HUGHES. Gyda gofid yr ydym yn gorfod hysbysu dar- llenwyr y WELSHMAN am farwolaeth yr addfwyn David Hughes, 39, Baldwin Street, Llundain. Cafodd ei ddal gan gystudd dydd Iau, Tachwedd 9fed, ac er gwaethaf ymdrechion y meddygon, bu farw foreu Sadwrn, Tachwedd n eg. Gadaw- odd ^veddw a dwy ferch i alaru ar ei ol. Y mae un o'r merched yn wraig i Mr. Maengwyn Davies, R.A.M., a'r llall yn wraig i Mr. J. Owain Evans, chemist, Victoria. Yr oedd Mr. Hughes yn un o'r aelodau oedd yn cynrychioli St. Luke ar y Finsbury Borough Council o'r cychwyn, ac yn aelod ar y Vestry cyn i'r Council gael ei ffurfio. Yr oedd hefyd yn un o ymddiriedolwyr y charities sydd yn perthyn i St. Luke, a bu yn ffyddlawn iawn i bob ymddiriedaeth a roddwyd iddo. Daeth y Maer a nifer o aelodau y Cynghor i'w hebrwng i'w fedd. Claddwyd ef dydd Mercher, Tachwedd I sfed, yn Abney Park, yn ngwydd torf o gyfeillion a pherthynasau ddaeth i ddangos eu cydymdeimlad a'r teulu yn eu trallod. Gwasanaethwyd yn y ty ac wrth y bedd gan y Parch. T. Jones, City Road. Bu Mr. Hughes yn cario ymlaen fasnach lwyddianus fel llaethwr yn Baldwin Street am dros ddeng-mlynedd-ar-hugain. Yn ei farwol- aeth gwnaed bwlch mawr yn y teulu. Collodd Mrs. Hughes briod tyner, caredig, a gofalus, a chollodd y plant eu tad, a pha blant a gafodd well tad ? Gwnaed bwlch mawr yn Eglwys City Road. Yr oedd Mr. Hughes yn un o ymddiried- olwyr y capel o'r cychwyn, ac yn dal nifer o swyddau eraill, ac yn barod bob amser i wneyd unrhyw beth ag a fedrai er llwyddiant y deyrnas. Gwnaed bwlch mawr yn yr ardal lie yr oedd yn byw. Un o'r golygfeydd rhyfeddaf i mi oedd edrych ar y dyrfa oedd wedi ymgasglu i ymyl y ty ddydd yr angladd, yn cael ei gwneyd i fyny o wyr a gwragedd, a phobl ieuainc a phlant, a'r oil yn dangos arwyddion galar dwys ar ol cymydog caredig oedd wedi bod yn ymdroi yn eu plith am dros ddeng-mlynedd-ar-hugain. Y dydd a ddaw a ddengys pa faint o garedig- rwydd oedd llawer o'r rhai hyn wedi dderbyn oddiar ei law. Nawdd Duw fyddo dros y teulu yn eu trallod. Pregethir ei bregeth angladdol nos Sul, Rhagfyr 3ydd, yn City Road, gan y Parch. T. Jones.
Am Gymry Llundain.
News
Cite
Share
yn Tottenham a bydd yn anhawdd cael gwr i lanw ei Ie. O'r ochr arall y mae argoelion y deuir i gyd-ddealldwriaeth am fugail i Clapham Junction, yn ogystal a gwr i ofalu am eglwys yr Annibynwyr yn Battersea. Rhy fach o fugeiliaid sydd genym ar hyn o bryd, ac nid yw yn talu i gael gwyr o'r wlad i wneyd dim ond pregethu ar y Sul a threulio wythnos neu ragor o wyliau yn Llundain. JEWIN NEWYDD.—Nos Fawrth diweddaf cyn- haliwyd cyngherdd Cymdeithas Ddiwylliadol Jewin. Da oedd gennym weled cyfnewidiad pwysig a theilwng yn nhrefniadau y cyfarfod. Cymerwyd y gadair gan y foneddiges adnabyddus, Mrs. J. E. Davies, ac ni chadeirwyd yn well mewn cyfarfod erioed. Ni chlywsom anerchiad mwy byw ac i'r pwrpas o gadair y Cymdeithas nag a gawsom y noson hon. Yr oedd y rhaglen wedi ei pharotoi gan Mrs. E. Davies, Wood Green, a Miss Stephens, Stoke Newington. Cafwyd adroddiadau, unawdau, a chystadleu- aethau dyddorol dros ben. Cafwyd danteithion cyn ymadael, ac aeth pawb i'w cartrefleoedd wedi mwynhau eu hunain yn ardderchog. "Melus, moes mwy," oedd iaith yr aelodau i gyd. CLAPHAM JUNCTION. — Noson y dynion ieuainc" oedd ar raglen Cymdeithas Ddiwyll- iadol y lie uchod, nos Fercher, yr 22ain cyfisol, a noson lawen a dyddorol gafwyd ganddynt. Nid oedd y merched i gael dim i'w wneyd am y tro yma-a gwaith anhawdd oedd iddynt beidio ymyraeth a'r trefniadau-ond eistedd a chael eu dyddori gan y mere man am unwaith. Yr oedd gwledd o de a choffi a danteithion wedi ei darparu ar eu cyfer, ynghyda rhaglen faith o ganeuon ac adroddiadau. BARRETT'S GROVE.—Cyfarfod lliosog, brwd- frydig, a bendithiol oedd yr un gynhaliwyd yma nos lau, y 23am, dan nawdd Cymdeithas Ddir- westol y Merched. Yr oedd Mrs. Rowlands a Mrs. Price, llywydd ac ysgrifenydd y Gymdeithas, wedi gweithio yn egniol i sicrhau'r siaradwyr goreu, a Mrs. Williams, Allen Road, wedi darparu te a danteithion yn rhad i bawb a ddeuent yno. Teimlai pawb oedd yno yn ofidus glywed fod Mrs. Lloyd-George yn methu bod gyda ni, yn enwedig am mai gwaeledd un o'r teulu oedd yn cyfrif am ei hanallu i ddod. Yn ei lie daeth Miss Minnie Jones ar rybydd byr. Y siaradwyr eraill oedd Mrs. H. Edwards, Mrs. Gasson, Mrs. Tom Roberts, Caerdydd, a Mrs. Evans-Jones, East Ham, ac yn y gadair yr oedd Mrs. Owen Thomas, Dalston. Canwyd yn ystod y cyfarfod hefyd gan Mr. John Humphreys, a chaed adroddiad gan Llewelyn." WALHAM GREEN.-Nos Fercher, Tachwedd 2 2ain; cynhaliwyd cyfarfod y Gymdeithas Ddiw- ylliadol dan lywyddiaeth Mr. David Jones. Dadl fywiog a gafwyd y tro yma ar y testyn, A ydyw Gwyddoniaeth yn wrthwynebol i'r Beibl ? Cafwyd papyrau rhagorol gan Mr. J. T. Davies yn gadarnhaol, a Mr. Evans yn nacaol. Yr oedd ol llafur a meddwl ar y papyrau. Yr oedd y testyn mewn rhai ystyron yn lled anhawdd i lawer i'w ddilyn, ac fe fu yn dipyn o puzzle i amryw oedd yno. -Cafwyd cyfarfod da ac addysgiadol.—AELOD. YMADAWIAD.— Blin iawn genym yw cofnodi y ffaith fod Mr. a Mrs. John Phillips, Darlan Road, wedi penderfynu torri eu cyssylltiad a'r eglwys yn Walham Green, a'u bod yr wythnos hon yn gadael Llundain am Lledrod, eu man genedigol, i dreulio gweddill eu hoes. Mae Mr. Phillips yma er dechreuad yr achos. Efe yw ein blaenor hynaf; mae yn fawr ei barch, ac yn hoff gan bawb. Nos Sul diweddafrhoddwyd, ar ran yr eglwys, gan dri o'i gyd-swyddogion, Mri. John Thomas, Timothy Davies, ag Isaac T. Lloyd, ddatganiad cryf a theimladwy iawn o'u gwerthfawrogiad o lafur Mr. Phillips yn ein plith, am ei ffyddlondeb rgyda phob rhan o'r gwaith, am ei gymeriad uchel fel Cristion, ac am sirioldeb a charedigrwydd Mrs. Phillips a'i mawr sel dros yr achos bob amser. Siaradwyd hefyd gan Mri. Robert Jones, J.P., David Jones, John Jenkins, a John Hughes-pob un yn teimlo y bydd yn golled fawr i'r achos yma wrth golli rhai mor ffyddlon ac mor weithgar, ac mor garedig wrth ieuenctyd yr eglwys. Mae pob aelod yn dymuno prydnawn dedwydd i'r ddau. —HEN GYFAILL. CAPEL MOORFIELDS. — Ar ol y nodachfa lwyddianus a gaed yr wythnos ddiweddaf y mae gobaith y daw dyled y capel hwn i lawr gryn swm. Er fod swn y Nadolig yn y byd masnachol yr oedd yn llawen gan y frawdoliaeth weled y fath gefnogaeth i'r achos, a phrofai y cynulliadau llawnion a gaed bob noson fod gan gapel Moor- fields lawer o ewyllyswyr da yn y ddinas yma. BUDD GYNGHERDD. — Nos Lun diweddaf cynhaliwyd cyngherdd arbenig yng Nghapel Castle Street er cynorthwyo Mr. James, ceidwad y capel, yr hwn sydd yn wael ei iechyd, a daeth llond y neuadd o garedigion yr achos i ddangos eu cydymdeimlad a'r mudiad. Cadeiriwyd yn ddeheuig gan Mr. John Hinds, a chanwyd gan Mrs. Eleanor Jones-Hudson, Miss Cordelia Rees, Miss Kate Jenkins, Mr. J. Horncastle, a Mr. T. Amos Jones. Adroddwyd mewn dull ddeheuig gan Mrs. Tudor Rhys, a gofalwyd am y cyfeiliant gan Mr. Merlin Morgan. Rhoddwyd rhanganau yn dra chanmoledig gan Gor Meibion Cymry Llundain, a da genym ddeall i'r holl waith droi allan yn llwyddianus. DEWI SANT. — Cynhaliwyd cyfarfod gan y Gymdeithas Gerddorol yn y neuadd eglwysig nos Fawrth, yr 2 lain cyfisol. I ddechreu cafwyd gwledd i'r corph, rhoddedig gan wragedd priod yr eglwys, a mwynhaodd pawb eu hunain yn y radd oreu. Yn ddilynol cafwyd gwledd i'r meddwl mewn dull o gyfarfod amrywiaethol. Cymerwyd y cadair ac arweiniwyd y cyfarfod gan Mrs. Richards, priod y Caplan, i'r hon y cyflwynwyd basged hardd o flodau gan Miss Nellie Lloyd ar ran y gwragedd. Gwasanaeth- wyd gan y boneddigesau a'r boneddigion can- lynol, a gwnaeth yr oil eu rhan yn ardderchog Miss M. Hughes, R.C.M,, Miss John, R.C.M., Miss A. Williams, Misses Nellie Lloyd ac Olive Rogers; Mri. Tom Jenkins, Edward Owen, Brett, a Watts. Wedi talu y diolchiadau arferol terfynwyd un o'r cyfarfodydd goreu gawsom hyd yma trwy i Miss Hughes, R.C.M., ganu Hen Wlad fy Nhadau." CHRISTMAS PRESENTS.—Messrs. Spink and Son, an advertisement for whose museum appears in our columns, are the well known firm of Jewellers, Numismatists, Antiquarians and Fine Art Dealers, which were established in Gracechurch Street, as far back as 1772. Their fine collections of objects illustrating the older civilisations are well known to collectors, and their museum at 16, Piccadilly, will well repay a visit. Though all the objects are for sale there is no pressure to purchase, and the visitor will find many rare and beautiful pieces that are worth his careful attention and study. In addition to the Egyptian, Greek, and Roman objects there are on show a great num- ber of later pieces, among the rest, a very fine collection of pottery found in the United Kingdom of which also a fully illustrated catalogue is in preparation and will be ready by the end of November. ST. BENET'S LITERARY AND MUSICAL SOCIETY.—On Wednesday evening, the 22nd ult., at St. Andrew's Schoolroom, Queen Victoria Street, the above Society gathered together for one of their enjoyable social evenings. Tea was generously provided by Mr. and Mrs. Hopkins, who made an ideal host and hostess by the kindly way in which they welcomed everyone. Mr. Thomas Jones, who took the chair, opened the concert with a few well chosen remarks. Among the artistes who contributed to the musical portion of the programme were Miss Benjamin, Mr. Dan Griffiths and Mr. David Thomas. A welcome novelty was Mr. Harry Mortimer, who played, with surprising mellow tone, two solos on the euphonium Miss Emily Thomas gave a humorous recitation; Miss Stevens sang Cynghorion fy Mam" in a manner which gave full justice to that excellent song; Mr. John Humphreys sang The Sailor's Grave," and joined in a duett with Mr. David Thomas, Gwys i'r Gad." In a competition, translating Welsh words to English, Mr. William Owen received the prize. But, undoubtedly, the star of the evening was Miss Alma Mutimer who recited Tennyson's poem "The Revenge" in a way which stamped her as an artiste of the front rank, and upon an encore being requested she gave "The Death of King O'Conner," which was also greatly appreciated. After the Rev. J. Crowle Ellis had thanked the kind friends who had provided the tea, the chairman and those who had assisted in the pleasant evening, the St. Benet's Male Voice Choir sang The Comrades' Song of Hope in their usual spirited manner, the concert closing with Hen Wlad fy Nhadau." Great credit is due to Mr. W. Emlyn Edwards for the splendid way in which he managed and arranged the concert, assisted by Mr. J. E. Davis and Mr. Alun Edwards as accompanists.