The London Welshman

YR EISTEDDFOD GENEDLAETHOL. Gan fod y fath nifer o gystadleuwyr wedi anfon eu henwau i mewn erbyn yr Wyl Genedl- aethol y mae'r pwyllgor wedi trefnu i ychwanegus diwrnod arall at wasanaeth yr hen sefydliad. Ar y cyntaf credid y gallesid cyflawni yr holl waith mewn tri diwrnod, ond aeth y rhaglen yn rhy faith, a bydd y gweithrediadau felly fel a ganlyn Dydd Mawrth, 8fed. Cystadleuaeth corau'r plant, cor y bechgyn, a choroni'r bardd. Dydd Mercher, 9fed. Y brif gystadleuaeth gorawl. Dydd lau, iofed. Yr ail gystadleuaeth gorawl, corau cynulleidfaol, a chadeirio'r bardd. Dydd Gwener, iieg. Corau meibion. Y mae'r rhagolygon yn dra addawol, ac hysbysir fod y casgliadau lleol tuag at gronfa'r Eisteddfod yn cyrhaedd dros 1,150. Trefnir i gael tocynau i'r holl gyfarfodydd am o 20S. i 30s.

YOST THE TYPEWRITER FOR BEAUTIFUL WORK. NO RIBBON. NO SHIFT-KEY. NO COMPLICATIONS. 85 CHARACTERS. LIGHT TOUCH. QUIET & CONVENIENT. Illustrated Booklet Post Free. THE YOST TYPEWRITER CO., LTD., 50, HOLBORN VIADUCT, LONDON, E.C. CARDlFF-33, Royal Arcade. SWANSEA-35, Exchange Buildings.

PENODiAD.—Mr. W. Jenkyn Thomas, prif- athraw Ysgol y Sir, Aberdar, sydd wedi ei gymeradwyo yn brifathraw ar Ysgol y Grocers' Company, Hackney Downs, yr hon fydd o hyn allan tan reolaeth y Cyngor Sirol. Mae'r gyflog yn agos i £800. Brodor o sir Feirionydd yw Mr.!Thomas, ac mae'n Gymro pybyr ac yn genedl- garwr o'r iawn sort. YMWELWYR.—Mae torf fawr o ddieithriaid yn y ddinas y dyddiau hyn, ac yn eu mysg y Cen- hadwr David Richards, o China. Bydd yn anerch rhai o gyrddau y Cymdeithasau Cenhadol yn ystod yr wythnos bresenol. Y PARCH. THOMAS GRIFFITHS.—Gweinidog yn ninas Geneva, yn America, yw Mr. Thomas Griffiths, ac wedi ymsefydlu yn y wlad honno ers rhyw 17 mlynedd. Cyn myned trosodd yr oedd Tom Griffiths yn adnabyddus i gylch eang o gyfeillion yn Llundain, ac yn ffafrddyn yn Nghymdeithas Lenyddol hen gapel Fetter Lane, lie hefyd yr oedd yn athraw ffyddlon yn yr Ysgol Sul. Gadawodd y drapery trade ac aeth i'r brifysgol yn y 'Merica, a deallwn ei fod yn fawr ei barch yn ei wlad newydd. Brawd iddo yw Mr. Evan Griffiths, y masnachwr adnabyddus King's Road, Chelsea. LLYFR I'R CARDIS.- Y dydd o'r blaen cyfar- fyddais ag awdwr y casgliad doniol o Gerddi y Bardd Cerngoch, ar ei ymweliad a'r brifddinas. Mae Dan Jenkins yn adnabyddus i gylch eang o blant Ceredigion oherwydd y mae wedi gwasanaethu yn ffyddlon fel ysgolfeistr am yn agos i 30 mlynedd yn ardaloedd mwyaf gwledig y sir. Os bydd rhywrai heb sicrhau y gyfrol ddyddorol hon, hyderwn y gwnant ofalu am dani yn awr cyn yr aiff Mr. Jenkins yn ol at ei orchwylion i ardal Llancrwys. DR. DAN THOMAS.—Mae'r meddyg iechydol enwog o ardal Stepney wedi dwyn allan adrodd- iad manwl o waith y flwyddyn yn ei ranbarth. Yn ol ei gyfrol y mae ardal Stepney yn graddol wella o dan ei ofal, ac yn lie bod yn fangre pob math o fudreddi, y mae'n eglur y daw yn un o'r rhanau mwyaf iachus yn y ddinas. MRI. ROBINSON A CLEAVER.—Nid oes angen am ddweyd wrth Gymry'r ddinas am y ffirm enwog hon, ond fe welir oddiwrth ein colofn hysbysebol yr wythnos hon eu bod yn trefnu am fargeinion i'r rhyw deg. Yn yr adeilad hardd yn Regent Street ceir y fath amrywiaeth fel nad oes eisieu ond i'n merched a gwragedd dalu ym- weliad a'r lie er sicrhau y pethau goreu a diwedd- araf yn ol prisiau rhataf. Y CVMMRODORION.-Nos Fawrth diweddaf caed cwrdd hwyliog o dan nawdd y Cym- mrodorion yn neuadd eang y Clothworkers' Company, a daeth torf o Gymry blaenllaw y ddinas yno i fwynhau o groesaw y Gymdeithas ac o gor y Cymry cerddgar ddaethant yno o dan reolaeth Mr. Merlin Morgan. Yr oedd llywydd y Gymdeithas—Arglwydd Tredegar-yno i groesawu yr aelodau, ac mor ieuanc a sionc a phe yn llanc ugain oed. Ac ar ol ymgom gyffredinol caed papyr addysgiadol ar Alawon Cymru" gan y bardd ieuanc, Robert Bryan. PRIODAS.- U nwyd mewn glan briodas, yn Eglwys St. Ann's, East Hill, ddydd Llun, Mr. John Jones, A.C., 56, Stewart's Road, Batter- sea, a Miss Annie Jones, gynt o Pentre Rhondda. Gweinyddwyd ar y briodferch fel morwynion gan Miss Louise Jones, Miss Rosie Critchley, a Miss J. Lucretia Jones, tra y gwas- anaethodd Mr. William Jones, o'r Swyddfa hon, fel y "dyn goreu." Rhoed y briodferch Ymaith gan Mr. Dan Jones, yn nhy yr hwn y cynhaliwyd y wledd briodasol. Wedi'r wledd ymadawodd y ddeuddyn ieuanc am wlad y pryniau i dreulio eu mis mel." Dymunwn Iddynt hir oes a hapusrwydd.;—IDRIS. "KING'S CROSS RAMBLERS."—Tua Elstree cyfeiriodd Ramblers y Tabernacl eu camrau dydd. Iau, dan arweiniad y cyfaill Mr. Vaughan Lewis. Treuliwyd prydnawn hapus a dyddorol iawn. Roedd yr enwog J. R. mewn hwyl neillduol. Ond druan a fo, fei daliwyd mewn rhwyd, lie mwy na thebyg y bydd llawer eto yn cael eu dal. Buwyd yn chwilio am dano. Gofynwyd iddo cyn ymadael lie roedd wedi bod ? Ac atebodd yn eithaf diniwed-ysgrifenu llythyr! Lied dda, J. R., credaf fod testyn y llythyr yn lied agos at ei fynwes yr un pryd. Yr ydym oil yn ei longyfarch.—B. D. J. MILE END ROAD.-Ar ol cyfarfod rhagorol y prydnawn, Gorphenaf 2il, yn naturiol yr oedd y teimladau a'r syched am achub enaid wedi cyrhaedd safbwynt uchel, a barnem y disgwylid cyfarfod mawr yn yr hwyr. Cyn chwech o'r gloch gwelem nifer o'r bobl ieuanc yn cyfeirio eu camrau tua'r coffee room pen eithaf y grounds, a chan ein bod yn teimlo yn iach yn y ffydd ac yn ieuanc yn yr ysbryd, unig amod cael myned i mewn, ymunom a hwy. Dechreuwyd y cyfar- fod heb fawr seremoni a chyn pen ychydig amser yr oedd y lie yn goelcerth o weddiau. Nid oedd nemawr un yn bresenol nad oedd yn ymuno gyda'r llu. Dechreuwyd y cyfarfod trwy ddarllen a gweddio gan Mr. Davies, Gorseinion (tad yr efengyles), stamp o hen Gristion gloyw. Cyn nemawr o amser yr oedd yr hen frawd yn gafael yn y rhaffau, ac ymunodd y dorf fawr gydag ef -y bobl ieuainc, rhai mewn hwyliau uchel, ereill yn ddiwyd-ddyfal yn mwynhau, "Amen" a Diolch" yr hen 5 gers yn disgyn fel cawodydd o wreichion, y plant yn llanw y pwlpud, y grisiau, a'r set fawr yn mwynhau yr olygfa, yr hon a erys yn ddarlun byw o flaen eu llygaid tra byddant byw. Terfynwyd y rhan fwyaf o'r weddi ymhen cryn amser trwy ganu. Cafwyd anerchiadau gan y gweinidog, yr efengylesau, a'r Ilanc o Iuddew. Gorchfygwyd rhai gan deimladau tra 'roedd yr olaf yn rhoddi hanes ei droedigaeth, y dirmyg, gwawd a'r dioddefaint dderbyniodd dan law ei dad naturiol, nes i un dori allan i wylo yn uchel. Deallem ei fod yntau yn dioddef llawer o wawd a dirmyg. Nos Lun dechreuodd y cyfarfod am 8 o'r gloch. Yr oedd y ddwy efengyles arall, Miss Maggie Jones a Miss Roberts, hefyd wedi dod. Yr oedd y cyfarfod hwn yn hynod mewn llawer ystyr. Cododd yr hwyl i raddfa uchel iawn yn fuan, a gostegodd yn llawn mor sydyn. Yr oedd yn amlwg fod rhywbeth allan o Ie, fel y dywed Evan Roberts. Wedi rhoddi test ar y cyfarfod cafwyd fod rhai yn gwrthod, ac yn eu plith ferch o Saesnes oedd wedi bod unwaith yn parotoi ar gyfer y Genhadaeth, ond yn awr yn backslider. Parhaodd hyn i lawer anfon gweddi ar ei rhan, ond 'doedd dim yn tycio; aeth allan o'r capel tra yr oedd hen wraig o Saesnes yn canu, "There's a Light in the Window, Sister," yn wir effeithiol. Nos Fawrth, wedi reverses y nos o'r blaen, yr oedd y dorf fel pe wedi adewyddu ei nerth i ymosod ar y gelyn, ac yn fuan gwelwyd ei fod ar encil. Aeth mawl a gweddi'r saint i'r lan, fel per aberthau byw." Caed nifer o'r newydd; yna aeth y cyfarfod yn y blaen hyd haner nos. Hyderwn y gwna y cyfeillion ieuainc gadw ysbryd y cyfarfod hwn yn eu calonau, ac y cant eto gyfarfodydd tebyg. Yr oedd hwn yn goron hardd ar ben cyfres o gyfarfodydd bendigedig. -J. ====