Welsh Newspapers
Search 15 million Welsh newspaper articles
3 articles on this Page
Hide Articles List
3 articles on this Page
Byd y Gan.
News
Cite
Share
Byd y Gan. [Gan IDRIS.] DEALLWN i Miss Gertrude Hughes gael der- byniad nodedig o wresog yr wythnos ddiweddaf yn yr Hen Wlad. Myned ar gynydd mewn poblogrwydd y mae Miss Hughes, ac ychwan- egodd nid ychydig at ei chlod blaenorol fel cantores o allu mewn oratorios yn y rhan a gymerodd yn yr Elijah" nos lau diweddaf. Y mae'r newyddiaduron yn canu ei chlod yn uchel, a phrinder gofod yn unig a'n lluddia i ddyfynu o honynt; ond dyfynwn yn y man. MAE trefniadau helaeth yn cael eu gwneyd gogyfer a chyngherdd Mr. Merlin Morgan, yr hwn a gynhelir ddiwedd y mis presennol. Yn absenoldeb Mr., Morgan o'r cyfarfod canu y noson o'r blaen, oherwydd anhwyldeb, cymer- wyd arweinyddiaeth y cor gan Mr. Griffiths (hen arweinydd y cor cymysg), a chafwyd canu rhagorol. Ym mysg y darnau a ganwyd yr oedd Hail, Bright Abode (Tannhauser); a chan fod y cor cymysg yn rhifo dros 150 o ieisiau, y mae'n debyg y ceir canu gwych ar hoff ddernyn Wagner yn y cyngherdd. CAFWYD cyngherdd o radd uchel yn y South Place Institute nos Iau yr wythnos ddiweddat, mewn cysylltiad ag Eglwys Gymreig yr East End, pryd y cymerwyd rhan gan y rhai can- lynol:—Miss Gertrude Hughes, Miss Margaret Lewys, Mr. Seth Hughes, Mr. Barry Lindon, Mr. Tom Morgan, a Miss Sallie Jenkins yn cyfeilio iddynt. Gwnaethant oil eu rhan yn dda. YMHLITH yr ymgeiswyr llwyddianus yn yr arholiad diweddaf ynglyn a'r London College of Music, da genym weled enw Mr. Arthur Owen (mab Mr. Owen, oriorydd, Junction Road. Holloway). Ennillodd 93 o farciau allan o 100. Da iawn, wir. Addysgwyd ef gan Mr. Gwilym Rolands, organydd capel Cymraeg Holloway. MAE y misolion cerddorol yn unfarn yn eu clod o'r Welsh boy pianist" (Mr. Percy Hughes), yr hwn a ymddangosodd yng nghyng- herdd y Royal College of Music a gynhaliwyd yn y Queen's Hall y dydd o'r blaen. Y mae'r bachgen ar hyn o bryd yn myned dan gwrs o efrydiaeth yn y coleg, ac ymddengys y caiff Cymru berdonegydd enwog ynddo. DEALLWN fod trefniadau yn cael eu gwneyd 1 gynnyrchu comic opera newydd gan Mr. Edward German, y libretto gan y Mri. Robert Courtneidge a A. M. Thompson, yn seiliedig ar nofel Fielding, "Tom Jones." Ymddiriedir yr adran delynegol i Mr. Charles A. Taylor. Diau y bydd lliaws yn bryderus i weled yr opera hon 0 waith ein cydwladwr galluog wedi ei gorphen. I'R rhai hynny o'n cydwladwyr a drigant yng nghyffiniau Wood Green feallai y bydd yn dda 2,anddynt ddeall y bydd gwyl gerddorol yn cael chynhal heno (nos Sadwrn) yn Alexandra Palace, gan Undeb Cerddorol Finsbury a Hackney, dan arweiniad Mr. Allen Gill. Rhifa'r Undeb dros 1,400 o Ieisiau, tra y mae y gerdd- Orfa yn cynwys dros 150 o offerynwyr. Mr. Andrew Black fydd yr unawdwr. SYMBYLWVD Mr. Joseph Bennett, gohebydd cerddorol y Daily Telegraph, i ysgrifenu ertnygl ^dyddorol i'r papyr hwnnw ddydd Mawrth dan y penawd, Canu Corawl." Wrth weled cyn- uihad gwael ac anheilwng yng nghyngherdd y nilharmonic Society yn y Queen's Hall yr, Wythnos ddiweddaf, pryd y perfformid gwaith enwog Dr. Elgar, Breuddwyd Gerontius," yr °edd yn gofidio yn arw, a dywedai, We have a len back from the point at which we stood p^s than half a century ago." Gwnaeth Mr. rangcon Davies wait-h da yn y cyngherdd hwn. Lloegr ydoedd gwlad yr oratorios yn ^ttiser a aeth heibio, a'r Cyfandir oedd wlad yr n^fua* bwyrach mai i'r gwrthwyneb y bydd nau yn y dyfodol agos. YR opera ydyw y prif atdyniad cerddorol yn Llundain ar hyn o bryd. Agorwyd y tymhor yn Covent Garden ar y iaf o Fai, pryd y caed perfformiad ardderchog o'r Ring," dan arwein- iad yr enwog Dr. Richter. Yr oedd yn arferiad un tro gan y gwyr mawr a fynychent yr opera i wisgo menyg gwynion a chario ffyn addurn- edig. Ond y mae hen arferion yn cilio hyd yn oed ynglyn a'r wych opera yn y lie hwn, ac ni welir neb gwr hefo'i faneg wen a'i ffon addurnedig yno y dyddiau hyn. FEALLAI fod cyfnod newydd yn dechreu gwawrio yn hanes Covent Garden. Hei Iwc Yn y gorphenol, tel y gwyddis, bu llawer o gwyno mai yr hardd wisgoedd a'r gemau a wisgid gan y bobl fawr yn y boxes (a hynny yn codi. oddiar oferedd) ydoedd prif atdyniad rhai dos- barthiadau, ac nid y gerddoriaeth ardderchog a gyflwynir oddiar y llwyfan hwn. Da oedd genym weled Hond yr oriel o'r dosbarth gweith- iol, yn wyneb y ffaith fod eu seddau yn costio hanner coron yr un iddynt. Diau y daethai y gweithiwr yn hoff o'r opera pe buasai y cyfleusderau yn fwy o fewn ei gyrhaedd. x Y MAE prif enwogion y llwyfan operataidd i ymddangos yn ystod y tymhor, a dylasai ein cantorion ieuainc wneyd ymdrech i glywed rhai o honynt. Cytunodd Madame Melba nos Lun i wneyd ei hymddangosiad cyntaf eleni ar yr 17 eg o'r mis hwn, yn "Traviata," a gwnaiff Signor Caruso ei ymddangosiad ar yr 2ofed yn Rigoletto." Yn y perfformiad o Lohengrin nos Lun, amlygwyd ymhellach alluoedd cerdd- orol un o efrydesau y Royal College of Music, Madame Kirkby Lunn. Ym mysg y cydganwyr a'r gerddorfa y mae amryw o'n cydwladwyr. B YDD tipyn o newydd-deb ynglyn a Gwyl Gerddorol Worcester eleni a gynhelir yn mis Medi, yn "A Hymn of Faith" gan Mr. Ivor Atkins, a detholion allan o Coll Gwynfa gan Mr Hubert Brewer. Ond y prif weithiau corawl ar y rhaglen fyddant: "The Dream of Geron- tius," "The Apostles," Messiah," "Requiem" Mozart, a "De Profundis" Syr Hubert Parry. Deallwn y bydd rhai o'n cydwladwyr yn gwas- anaethu ym mysg yr unawdwyr. NID mynych y gwelir neb a all ymffrostio mewn awdwriaeth miloedd o emynau. Ond fe ddywedir fod Mrs. Crosby, awdures "Safe in the arms of Jesus," yr hon emyn a wnaed yn boblogaidd yn Lloegr gan Mr. Sankey, wedi ys- grifenu dros wyth mil o honynt. Fel Dr. George Matheson, awdwr 0 love that wilt not let me go," y mae Mrs. Crosby wedi bod yn ddall o'i genedigaeth. Trigiana yn yr America ar hyn o bryd, ac er yn y 85am mlwydd o'i hoedran y mae yn mwynhau iechyd dymunol. Boed iddi nawnddydd hyfryd. AMLYGWVD gwaith cerddorol medrus yn y Royal Academy of Music yr wythnos ddiweddaf, o waith Mr. Paul Corder (un o gyfansoddwyr talentog y coleg), yn y ffordd o ddrama heb eiriau, yn dwyn y teitl Dross." Y mae'r stori, yr hon a ddyfeisiwyd gan Mr. Carlton Hill, yn ymwneyd a helbul y mae dau o frodorion Ffrainc ynddo, y rhai sydd ar fedr cael eu troi o'u tyddyn gan y tirfeddianwr am nas gallant dalu y rhent. Yng nghanol yr helbul blin try boneddiges gyfoethog yr olwg arni mewn i ymofyn lie i ymochel y storm a'r gwlaw. Y mae'r hen bobl yn ei chroesawu yn galonog, ac fel at-daliad am eu caredigrwydd y mae'r foneddiges yn cynnyg pwrs o arian iddynt, ond gyda balchder gwrthodir y cyfryw ganddynt. Y mae'r foneddiges yn canfod ei mham a'i thad vnddynt; ac wele'r tad yn ei hadnabod hithau fel ei ferch afradlon gan ei throi ymaith yn y fan. Ond dychwel hithau yn ddistaw drachefn gan ddodi ei jewels "a'i harian mewn drawer yn y bwrdd. Yn y boreu daethai y beili i'r ty gan ddarganfod y trysorau, a phan yn eu chwilio gan ymawyddu gwneuthur meddiant o honynt wele un o'i wyr yn ei drywanu yn y fan. Rhoddwn y stori uchod er mwyn rhoddi amcan i'r darllenwyr anghyfarwydd beth all cerddoriaeth wneyd heb gymhorth geiriau.
"CENWCH FAWL YN DDEALLUS."
News
Cite
Share
"CENWCH FAWL YN DDEALLUS." Sonia y Salmydd am ganu yn "llafar" i'r Arglwydd. Canu yn gerddgar ac yn soniarus." A dywed Paul yn y Testament Newydd, dan yr un oruchwyliaeth a ninnau, Beth gan hynny, canaf a'r ysbryd, a chanaf a'r deall hefyd." Mae Duw yn hoffi Trefn. Mae wedi goddef annrhefn. Gwrandawodd ar ganu tair ton ar unwaith,—un yn y dechreu, y llall yn y canol, a'r llall yn y diwedd. Ond mae yn anhawdd cyhoeddi cabldraeth drymach ar yr Ysbryd Glan na dweyd ei fod yn hoffi petb fel hyn yn well na threfn. Mae rhai dynion yn deall peroriaeth mor dda, fel y mae y discords lleiaf yn boen iddynt. Nid oes neb yn deall canu gystal a'r Hwn a greodd y tafod, a luniodd y glust, ac a wnaeth delyn natur. Dywed y Beibl ei fod yn "gostwng ei glust" i wrando gweddi, gellir dweyd fod ganddo fusicai ear hefyd. Oni bae fod Natur yn canu ei thon yn berffaith, byddarid ni gan ei swn; ie, pe byddai rhyw un yn llusgo ar ol, dryllid rhodau creadigaeth yn chwilfriw. Edrychwn ar yr haul, a'r lleuad, a'r mor, &c., yn cadw amser ac os medrwn, amheuwn nad yw Duw am i'w bobl gadw amser wrth ganu Ei fawl. Goreu po Berffeithiaf Fyddwn ym Mhob Da. Nid yw y meddwl byth i aros nes cyrhaedd y pen draw. Nis gwn yn sicr a chwilir rywbryd y leiaf o weithredoedd Ion i berffeithrwydd. Nid y leiaf yw cerddoriaeth. ac nid yw etto y rhai a dreiddiasant bellaf i'r gelfyddyd ond megis casglu ambell gragen ar lan y mor. Pe buasai y cerddor goreu yn y nef wedi bod am filiwn o oesau yn cyfansoddi ton, a'r nefol gor wedi cael mwy 0 hwyl canu nag erioed o'r blaen, ni feiddiant ddweyd Dyma y don oreu a genir byth. Os unwaith y tybia teulu y nef eu bod wedi cyrhaedd yr eithaf, diflasant ar ganu. Ond nid oes perygl. Bydd Duw yn agor ei gelloedd ym mhen oesau fyrdd, ac yn dangos notes a cords na welodd archangylion yr un o honynt erioed. Canu Gyda Chyssondeb. Awgryma y Salmydd y dylai y gin gyfateb i'r person. Canys Brenin yr holl ddaear yw Duw cenwch yn ddeallus." Pan y bu'r Brenin Iorwerth y VII. ar ymweliad a Chymru a mannau eraill yn ddiweddar, canwyd yr Anthem Genedlaethol yn hwyliog a gwresog. Buasai canu gwael ac angherddgar yn ddianrhydeddiddo. Buasai bron yn deyrnfradwriaeth i ganu iddo ef fel y canwyd lawer gwaith i'r Brenin Mawr. Y Cwrdd Canu. Cyn canu yn ddeallus, rhaid cael cyfarfodydd canu. Mae mwy o eisieu rhagbarotoi gyda'n gilydd i ganu na dim arall, am ein bod yn canu yr un don, ac na thai yr hen don ddim o hyd. Gweddiwn ein gweddi, a phregethwn ein pre- geth ein hunain, o ganlyniad gallwn ragbarotoi ein hunain. Ond gan ein bod wrth ganu yn cydgodi a gostwng y sain, a chydfesur amser, rhaid cyd-ddysgu. Meddyliai y diweddar Ddr. Dick eu bod yn dysgu y celfyddydau yn y nefoedd; ac os felly, bydd dosbarth mawr gan y professor of music. Tarawyd Salmydd Cymru a'r drychfeddyliau canlynol:— Pwy, meddech, yw blaenor y gan ? &c. Prin y gall blaenor y gan, seinio un silleb ond un, Na byddo'r boll nefoedd yn dan, yn molieu Duw yn gytun. Gallai eu bod yn dechreu bob yn ail, a gallai fod yn ddadl pwy ddechreuodd, lie y mae y fath gyd-darawiad ag sydd yn y nefoedd. 0
Advertising
Advertising
Cite
Share
Mr. Merlin Morgan, Conductor of the London Welsh Male Choir. Conductor of the London Welsh Musical Society. Organist and Choirmaster of Charing Cross Welsh Chapel. Challen Gold Medallist of the R.C.M. Professor of Pianoforte, Organ and Singing at the L.C.M. Lessons given in Pianoforte playing, Organ playing, Accompanying and Singing. Exceptional opportunities for Organ practice given to Organ pupils Engagements accepted as Solo Pianist, Accompanist, and for Organ Recitals. Also as Adjudicator for Eisteddfodau. For terms and vacant dates, apply to- 6, Colville Mansions, Bayswater, W. Teaching Rooms- 136, Shaftesbury Avenue, W.