Welsh Newspapers
Search 15 million Welsh newspaper articles
6 articles on this Page
Hide Articles List
6 articles on this Page
DEFODAU PRIODASOL HYNOD
News
Cite
Share
DEFODAU PRIODASOL HYNOD Y MAB un o bapurau China yn desgrifio defodau priodasol lied hynod a difyrus. Mewn pentref bychan mynyddig rhwng Kaza ag Etehn, mae'r briodasferch yn dyfod at borth y priodfab ac yn bloeddio arno:— Holo, frawd dyma fi wedi dwad." Yna y mae'r priodfab yn ateb :— Mae'n dda gen i'ch bod chi wedi dwad. Yna mae'r briodasferch yn apelio ato :— Newch chi byth fy anghofio i ? Mae'r priodfab yn ei hateb "Mi enillwn ein bywoliaeth gyda'n gilydd." Wedi cael y sicrwydd hwn, mae'r briodas- ferch yn dyfod i mewn i'r ty, yn cael ei dilyn gan orymdaith hir o ewyllyswyr da, hen ac ieuanc. Yna rhenir math *o win gwan, a rhad, rhwng y cwmpeini, yna y maent yn dechreu dawnsio, a dawnsio y byddant nes y bydd i'r llawr ymollwng odditanynt. Yna y maent yn curo'u dwylaw, ac yn bloeddio:— Llawenydd a llwydd, fe dorodd y llawr," ac yna yn ymadael.
-'-""" HYSBYSEBU AM FAM
News
Cite
Share
HYSBYSEBU AM FAM Y MAE dull newydd o adferteisio am wraig wedi ymddangos mewn papur Almaenaidd —"Y mae bachgen bychan tlws, dim ond blwydd a hanner oed, yr hwn sydd wedi bod mor anffortunus a cholli ei fami bach anwyl, yn dymuno yn y dull hwn-gan mai anaml y bydd yn dyfod i gyffyrddiad a boneddigesau-ddod o hyd i fami newydd spon, yr hon, pa fodd bynag, raid fod yn gwbl addas ddigonol alluog mewn tynerwch, barn, a chydymdeimlad, i fod yn gymhares bywyd i anwyl tada. Y mae fy nhada i," felly y mae yr adferteisment yn darllen, gan ddisymwth anghofio y trydydd person, "yn archadeiladydd, yn llenwi sefyllta bwysig yn ei fro, gan hyny, yr wyf mor anffortunus a gorfod hysbysu y rhaid i mi edrych allan am foneddiges dda allan, a digon o bethau'r byd yma, fel y gallo tada fod yn foddlon a dedwydd gyda fy mami newydd mewn pob modd."
PAN OEDD Y FRENHINES YN -…
News
Cite
Share
PAN OEDD Y FRENHINES YN I EUAN C YR oedd priodas y Frenhines Vietoria, yr amser hono ddim ond ugain mlwydd oed, gyda'r Tywysog Albert o Saxe-Gotha, fel y tnae pawb yn gwybod, yn briodas o serch diffuant, ond am rai blynyddoedd cafodd ein penadures dirion beth anhawsder i gymmodi ei syniad o urddas ac uwchafiaeth a'i serch fel gwraig briod. Dywedir y digwyddodd un diwrnod, wedi ychydig anghydwelediad, i'w Mawrhydi ddatgan ei theimlad 'ar rywbeth mewn goslef braidd yn ormesol, nes peri i'r Tywysog, yr hwn yr oedd ei hunanbarch yn teimlo i'r byw, fyned i'w ystafell ei hun, gan gau a chloi y drws ar ei ol. Mewn tua phum' mynyd, yr oedd yno rywun yn euro wrth y drws. Pwy sydd yna ? gofyaai y Tywysog. "Myfi sydd yma," meddai ei Mawrhydi yn drahaus. Agorwch y drws i Frenhines Prydain." 'Doedd yno 'run atebiad. Wedi yspaid maith o amser, daeth yno rywun drachefn i guro yn hynaws a thirion. Pwy sydd yna ? gofynai y Tywysog. Myfi, Victoria, eich gwraig chwi." Ac yna agorwyd y drws, ac yr oedd y briodferch ieuanc yn cael ei chofleidio yn mreichiau ei gwr.
0 FEWN I SIOP Y BARBWR
News
Cite
Share
0 FEWN I SIOP Y BARBWR ELISEUS Y DYDDIAU PRESENNOL (yr hwn sydd yn hoff o ychydig gellwair diniwed): Yr ydw i yn dechreu myn'd yn foel, onid ydwyf ? Yr ydw i yn meddwl y dylech chwi dori fy ngwallt am hanner y pris o hyn allan. EILLIEDYDD (bob amser a'i ateb yn barod): 0, na, syr, nid felly; pan fydd raid i ni fwrw llawer o amser i chwilio am y gwallt, mi fyddwn yn codi tal dwbwl.
DISOWYL YR HYN NI DDIGWYDDODD
News
Cite
Share
DISOWYL YR HYN NI DDIGWYDDODD Y GWR: Yr oedd teulu y drws nesaf i gyd yn yr ardd am oriau heddyw. Y WRAIG: Oeddan. Y GWR: Diangodd Tommy oddiyno heb i'w dad o wel'd. Pan aeth Mr Huws i fyny i'r llofft, clywodd rywbeth dan y gwely, a chymerodd bistol. Y WRAIG Ac mi saethodd Tommy ? Y GWR Pwy ddeydodd hyny ? Y WRAIG Yr oedd Tommy dan y gwely ? Y GrWR Pwy ddeydodd fod Tommy dan y gwely? Y WRAIG: Ond yr oedd wedi myn'd o'r ardd, ac mi ddeydsoch chi fod Mr Huws wedi saethu at Tommy dan y gwely. Y GWR: Dywedais fod Tommy wedi myned o'r ardd, ond ni ddeydais ei fod dan y gwely. Y WRAIG Ond mi ddeydsoch fod Mr Huws wedi saethu at rywbeth dan y gwely. Pwy allai fod yno ond Tommy ? Y GWR Y gath.
PUMMED RESTR 0 WOBRWYON
News
Cite
Share
PUMMED RESTR 0 WOBRWYON CYSTADLEUAETH Y POST CARD.—Papur Pawb yn rhad drwy'r post am chwarter am y chwedl oreu ar gefn Post Card. Testyn newydd bob wythnos. Mehefin 9.-(9) Chwedl am Olygydd. I BLANT YN YR YSGOL.-Papur Pawb neu yr Herald Cymraeg am chwe' mis, neu y Carnarvon and Denbigh Herald am chwarter, am ysgrifenu, cyfieithu, rhifyddu, tynu lluniau, &c. Mehefin 9.—(9) Ysgrifenu Mat. vii. 1-12. CYSTADLEUON I FECHGYN IEIJAINC.—Yn lie ystelcian o gwmpas ar ol noswylio, boedi'n cyfeillion ieuainc gystadlu yn wythnosol am wobr o Hanner Coron, am wneyd gwahanol bethau defnyddiol. Anfoner hwynt gyda'r post, neu fel arall. Ceir hwynt yn ol os anfonir stamps at hyny. Mehefin 9.—(9) Coes chwip fer. CYSTADLEUON I ENETHOD. — Cynnygir Hanner Coron yn wythnosol am siampl o waith y ty a'r teulu. Dychwelir pob dilledyn; ond ni ddychwelir pethau ereill.—D. S. Gellir anfon sypyn o dan un pwys drwy y post am 3c. Mehefin 9.—(9).—Cap i forwyn weini. GWOBRAU MISOL. Cynnygir gwobrau o 10s, ac ail wobr (os bydd teilyngdod arbenig) o 2s 6c, fel y canlyn:— Mehefin 30.—Casgliad o ysgrifau at 0 ein colofn: "Mae Son am Danynt." TELERAU. 1. Cyfansoddiadau buddugol i fod yn eidde Papur Paivb. 2. Attelir wobr oni bydd teilyngdod. Ni ddychwelir y cyfansoddiadau aufudd- ugol; a bydd hawl gan Papur Pawb i'w cyhoeddi trwy dalu swm a benodir gan y Golygydd. 3. Y cyfansoddiadau i gael eu hanfon i Papur Pawb, Caernarfon, fel ag i gyr- haedd ar y dydd a grybwyllir uchod gyferbyn a phob testyn. 4. Ysgrifener mewn inc liu, ar bapyr gwyn, ar un ochr i'r ddalen yn unig. 5' Dyfarniad Golygydd Papur Paiob i fod yn derfynol. Gwneir dyfarniadau yn hysbys, os yn ddichonadwy, yn mhen pythefnos ar olderbyn y cyfansoddiadau. 6. Pob ymgeisydd i nodi ei enw priodol a'i drigfod ar y ddalen gyntaf; hefyd i ddatgan ei fod yn cydsynio a'r telsrau, a bod ei waith yn wreiddiol, neu yn efelychiad o ryw waith, mown iaith arall, heb fcid yn aclcltrust piguJió i Ddeddiau Hawl-ysgrif.